1 ರನ್​ಗೆ ‘ಮಾಸ್​​ ಮಹಾರಾಜನ‘ ಆಟ ಕ್ಲೋಸ್

ಚೆನ್ನೈ ಡೆಡ್ಲಿ ದಾಳಿಗೆ ಬೆದರಿ ಬೆಂಡಾದ ಗುಜರಾತ್​​

ಸೋತ ಗುಜರಾತ್ ತಂಡಕ್ಕಿದೆ ಇನ್ನೊಂದು ಚಾನ್ಸ್

ಬಲಿಷ್ಠ ತಂಡಗಳ ಕದನ. ಹೈವೋಲ್ಟೇಜ್​ ಗೇಮ್​​​. ಚೆನ್ನೈ ವರ್ಸಸ್​​​​ ಗುಜರಾತ್ ನಡುವಿನ ಮಹಾಕಾಳಗ. ಈ ಬಿಗ್ ಬ್ಯಾಟಲ್​​ನಲ್ಲಿ ಕೊನೆಗೆ ಗೆದ್ದಿದ್ದು ದಿ ಮಾಸ್ಟರ್​ ಧೋನಿ ಸಾರಥ್ಯದ ಚೆನ್ನೈ ಸೂಪರ್ ಕಿಂಗ್ಸ್​​​​​. ಮೊದಲ ಕ್ವಾಲಿಫಯರ್​​​​​ ಪಂದ್ಯದಲ್ಲಿ ಚೆನ್ನೈ ತಂಡ, ಹಾರ್ದಿಕ್​ ಪಡೆಯನ್ನ ಸೋಲಿಸಿ ಫೈನಲ್​​ಗೆ ಎಂಟ್ರಿಕೊಟ್ಟಿದೆ.

ಗುಜರಾತ್​ ವಿರುದ್ಧ ಸತತ 4ನೇ ಅರ್ಧಶತಕ 
ಟಾಸ್​ ಸೋತು ಬ್ಯಾಟಿಂಗ್​ ಆರಂಭಿಸಿದ ಚೆನ್ನೈಗೆ ಅಗೈನ್ ರಾಕಿಂಗ್ ಓಪನಿಂಗ್ ದೊರಕಿತು. ಭಲೇ ಜೋಡಿ ಮೊದಲ ವಿಕೆಟ್​ಗೆ ಬಿರುಸಿನ 87 ರನ್​ ಕಲೆಹಾಕಿ ಭದ್ರಬುನಾದಿ ಹಾಕಿಕೊಡ್ತು.

ಕ್ಲೀನ್​​ ಹಿಟ್ ಶಾಟ್ಸ್​ ನಿಂದ​ ಬೌಲರ್ಸ್​ ಬೆವರಿಳಿಸಿದ ಗಾಯಕ್ವಾಡ್​​​​ ಸ್ಪೋಟಕ 60 ರನ್​ ಚಚ್ಚಿದ್ರು. ಆ ಮೂಲಕ ಗುಜರಾತ್​​ ವಿರುದ್ಧ ಸತತ 4ನೇ ಹಾಫ್​​ಸೆಂಚುರಿ ಹೊಡೆದ್ರು. ಆದ್ರೆ ಗಾಯಕ್ವಾಡ್ ನಿರ್ಗಮಿಸಿದ್ದೇ ತಡ, ಚೆನ್ನೈ ರನ್​ವೇಗಕ್ಕೆ ಬ್ರೇಕ್​ ಬಿತ್ತು. 61 ರನ್​ಗಳ ಅಂತರದಲ್ಲಿ ಕನ್ಸಿಸ್ಟನ್ಸಿ ಕಾನ್ವೆ, ಶಿವಂ ದುಬೆ, ರಹಾನೆ ಹಾಗೂ ಅಂಬಾಟಿ ರಾಯುಡು ಪೆವಿಯನ್ ಸೇರಿಕೊಂಡ್ರು.

1 ರನ್​ಗೆ ‘ಮಾಸ್​​ ಮಹಾರಾಜನ‘ ಆಟ ಕ್ಲೋಸ್
ಇನ್ನು ಕ್ರೇಜ್ ಕಾ ಬಾಪ್​​​​ ಸಿಕ್ಸರ್​​-ಬೌಂಡ್ರಿಗಾಗಿ ಇಡೀ ಸ್ಟೇಡಿಯಂ ಕಾದು ಕುಳಿತಿತ್ತು. ಆದ್ರೆ ಧೋನಿ ಜಸ್ಟ್​ 1 ರನ್​ಗೆ ಔಟಾಗಿ ಅಭಿಮಾನಿಗಳನ್ನ ನಿರಾಸೆಗೆ ತಳ್ಳಿದ್ರು.

ಕೊನೆಯಲ್ಲಿ ರವೀಂದ್ರ ಜಡೇಜಾ ಬಿರುಸಿನ 22 ರನ್​ ಗಳಿಸಿದ್ರು. ಫೈನಲಿ ಚೆನ್ನೈ ತಂಡ 20 ಓವರ್​​ಗಳಲ್ಲಿ 7 ವಿಕೆಟ್​ಗೆ 172 ರನ್ ಕಲೆಹಾಕ್ತು.

ಚೆನ್ನೈ ಡೆಡ್ಲಿ ದಾಳಿಗೆ ಬೆದರಿ ಬೆಂಡಾದ ಗುಜರಾತ್​​
ಇನ್ನು ಈಸಿಯಾಗಿ ಟಾರ್ಗೆಟ್ ಚೇಸ್​​​ ಮಾಡುವ ನಿರೀಕ್ಷೆಯಲ್ಲಿದ್ದ ಚೆನ್ನೈ ಬೌಲರ್ಸ್​ ಶಾಕ್ ಮೇಲೆ ಶಾಕ್ ನೀಡಿದ್ರು. ಶುಭ್​​ಮನ್ ಗಿಲ್​ 42 ರನ್​​ ಹೊಡೆದಿದ್ದು ಬಿಟ್ರೆ ಬ್ಯಾಟ್ಸ್​​​ಮನ್​​ಗಳು ಬಂದ ದಾರಿಗೆ ಸುಂಕವಿಲ್ಲದಂತೆ ಗೂಡು ಸೇರಿದ್ರು.

ಚಾಣಾಕ್ಷ ಮಾಹಿ ನಾಯಕತ್ವದ ಮುಂದೆ ಗುಜರಾತ್​​ನ ಬಲಿಷ್ಠ ಬ್ಯಾಟಿಂಗ್ ಕೋಟೆ ಛಿದ್ರವಾಯ್ತು. ಅಂತಿಮವಾಗಿ ಚೆನ್ನೈನ ಡೆಡ್ಲಿ ದಾಳಿಗೆ ಬೆದರಿ ಬೆಂಡಾದ ಹಾರ್ದಿಕ್​ ಬಳಗ 157 ರನ್​​ಗೆ ಆಲೌಟಾಯ್ತು.

ದಾಖಲೆಯ 10ನೇ ಬಾರಿ ಯೆಲ್ಲೋ ಆರ್ಮಿ ಫೈನಲ್​​​ಗೆ ಎಂಟ್ರಿ..!
ಬಲಿಷ್ಠ ಗುಜರಾತ್​ ಟೈಟನ್ಸ್​​​​​ ತಂಡವನ್ನ ಬಗ್ಗುಬಡಿಯುವ ಮೂಲಕ ಯೆಲ್ಲೋ ಆಮಿ ಹಿಸ್ಟರಿ ನಿರ್ಮಿಸ್ತು. ಐಪಿಎಲ್​​​ ಇತಿಹಾಸದಲ್ಲಿ 10ನೇ ಬಾರಿ ಫೈನಲ್​ ಪ್ರವೇಶಿಸಿತು. ಈ ಪೈಕಿ 5 ಬಾರಿ ರನ್ನರ್ ಅಪ್ ಆಗಿದ್ರೆ 4 ಬಾರಿ ಟ್ರೋಫಿ ಎತ್ತಿಹಿಡಿದಿದೆ.

ಸೋತ ಗುಜರಾತ್ ತಂಡಕ್ಕಿದೆ ಇನ್ನೊಂದು ಚಾನ್ಸ್
ಯೆಸ್​​, ಚೆನ್ನೈ ವಿರುದ್ಧ ಸೋತ ಮಾತ್ರಕ್ಕೆ ಗುಜರಾತ್​​​​ ಕಥೆ ಇಲ್ಲಿಗೆ ಮುಗಿದಿಲ್ಲ. ಈ ತಂಡಕ್ಕೆ ಇನ್ನೊಂದು ಅವಕಾಶವಿದೆ. ಮೇ 26 ರಂದು ನಡೆಯುವ ಕ್ವಾಲಿಫಯರ್​​​​-2 ನಲ್ಲಿ ಗೆಲ್ಲುವ ತಂಡವನ್ನ ಎದುರಿಸಲಿದೆ.

ನಿವೃತ್ತಿಗೆ ತೆರೆ ಎಳೆದ ಬಾಸ್​​​.. ಸದ್ಯಕ್ಕಿಲ್ಲ ವಿದಾಯ
ಲೆಜೆಂಡ್ ಮಾಹಿ ಬಗೆಗೆ ಎದ್ದಿದ್ದ ಗಾಸಿಪ್​​​​​​​​ಗೆ ಧೋನಿನೇ ಕ್ಲಾರಿಟಿ ಕೊಟ್ಟಿದ್ದಾರೆ. ಈ ಆವೃತ್ತಿ ಬಳಿಕ ನಿವೃತ್ತಿ ಕೊಡಲ್ಲ. ಇನ್ನು 8 ರಿಂದ 10 ತಿಂಗಳು ಕಾಯುವೆ. 2023ರ ಜನವರಿ ವೇಳೆಗೆ ನಿವೃತ್ತಿ ಬಗ್ಗೆ ನಿರ್ಧರಿಸುವೆ ಎಂದು ದಿ ಮಾಸ್ಟರ್​​​ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ