ಇದು ಇಂದು ನಿನ್ನೆಯ ಕಥೆಯಲ್ಲ! ಬುಲೆಟ್​ನ ಪ್ರಾರಂಭಿಕ ಬೆಲೆ ಇದು

ಇನ್​​ಸ್ಟಾಗ್ರಾಂನಲ್ಲಿ ಹರಿದಾಡುತ್ತಿದೆ ಬುಲೆಟ್​ ಬೈಕ್​ನ ಹಳೆಯ ಬೆಲೆ

18 ರೂಪಾಯಿಗೆ ಸೈಕಲ್​ ಸಿಗುತ್ತಿದ್ದ ಕಾಲವನ್ನು ನೆನಪಿಸುತ್ತೆ ಈ ಚೀಟಿ

ಬುಲೆಟ್​ ಅಂದ್ರೆ ಯುವಕರಿಗಂತು ಪಂಚ ಪ್ರಾಣ, ಇನ್ನು ಅದರ ಸೌಂಡ್​ ಕೇಳಿಯೇ ಯುವತಿಯರು ಕಣ್ಣು , ಬಾಯಿ ಬಿಟ್ಟು ನೋಡುತ್ತಾರೆ. ಅಷ್ಟರ ಮಟ್ಟಿಗೆ ಬುಲೆಟ್​ ಯುವಜನತೆ ಮನ ಗೆದ್ದ ಬೈಕ್​ ಎಂದರೆ ತಪ್ಪಾಗಲಾರದು. ಆದರೆ ಪ್ರಸ್ತುತ ಬುಲೆಟ್​ ಬೈಕ್​ನ ಬೇಡಿಕೆಯ ಜೊತೆಗೆ ಬೆಲೆ ಕೂಡ ಕೈಗೆಟುಕದಂತಾಗಿದೆ. ಆದರೆ ಅಚ್ಚರಿ ಸಂಗತಿ ಎಂದರೆ ಹಿಂದೊಮ್ಮೆ ಈ ಬೈಕ್ ಬರೀ 19 ಸಾವಿರ ರೂಪಾಯಿಗೆ ಸಿಗುತ್ತಿತ್ತು ಎಂದರೆ ನಂಬುತ್ತೀರಾ? ಖಂಡಿತಾ ನಂಬಬೇಕು. ಯಾಕಂದ್ರೆ ಅದಕ್ಕೆ ಸಾಕ್ಷಿ ಇಲ್ಲಿದೆ.

 

View this post on Instagram

 

A post shared by Being Royal (@royalenfield_4567k)

ಸಾಮಾಜಿಕ ಜಾಲತಾಣದಲ್ಲಿ ಬುಲೆಟ್​ ಬೈಕ್​ನ ಬೆಲೆಯ ಚೀಟಿಯೊಂದು ಹರಿದಾಡುತ್ತಿದೆ. ಅಂದಹಾಗೆಯೇ ಇದು ಇಂದು ನಿನ್ನೆಯದಲ್ಲ. 1986ರಲ್ಲಿ ಬುಲೆಟ್​ 350ಸಿಸಿ ಬೈಕ್ ಹೊಂದಿದ್ದ ನಿರ್ದಿಷ್ಟ ಬೆಲೆಯಾಗಿದೆ. ಅಂದು 18 ಸಾವಿರದ 700 ರೂಪಾಯಿಗೆ ಸಿಗುತ್ತಿದ್ದ ಬೈಕ್​ನ ಈಗಿನ ಬೆಲೆ ಮಾತ್ರ ನಂಬಲಸಾಧ್ಯವಾಗಿದೆ.

ಇನ್​​ಸ್ಟಾಗ್ರಾಂನಲ್ಲಿ ಹಳೆಯ ಬುಲೆಟ್​​ 350ಸಿಸಿ ಬೈಕ್​ ಬೆಲೆಯ ಚೀಟಿ ಹರಿದಾಡುತ್ತಿದೆ. ಆದರೀಗ ಇದರ ಆರಂಭಿಕ ಬೆಲೆ 1.60 ಹೊಂದಿದೆ. ಅಂದಹಾಗೆಯೇ ಇದು ಹಳೆಯ ಸಂಗತಿಯಾಗಿದೆ. ಇದಕ್ಕೂ ಮೊದಲೊಮ್ಮೆ ಸಾಮಾಜಿಕ ಜಾಲತಾಣದಲ್ಲಿ ಬುಲೆಟ್​ 350ಸಿಸಿ ಬೈಕ್​ನ ಬೆಲೆಯ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಹರಿದಾಡಿತ್ತು. ಆದರೀಗ ಮತ್ತೊಮ್ಮೆ ವೈರಲ್​ ಆಗಿದೆ.

ಇನ್ನು ಇದರ ಜೊತೆಗೆ ಸೈಕಲ್​ ಬಿಲ್​ ಕೂಡ ಸಾಮಾಜಿಕ ಜಾಲತಣದಲ್ಲಿ ವೈರಲ್​ ಆಗಿದೆ. ಹಿಂದೆಲ್ಲಾ ಸೈಕಲ್​ ಇದ್ದವನೇ ಶ್ರೀಮಂತ ಅನ್ನೋ ಕಾಲವಿತ್ತು. ಇನ್ನು ಬೈಕ್​ ಹೊಂದಿದರೆ ಆಗರ್ಭ ಶ್ರೀಮಂತ ಎನ್ನುತ್ತಿದ್ದರು. ಆದರೆ ವಿಚಾರ ಅದಲ್ಲ ಬರೀ 18 ರೂಪಾಯಿಗೆ ಸೈಕಲ್​ ಸಿಗುತ್ತಿತ್ತು ಎಂದರೆ ಅಚ್ಚರಿ ಅಲ್ಲದೆ ಮತ್ತೇನು.

ಅಂದಹಾಗೆಯೇ ಸಂಜಯ್​ ಖರೆ ಎಂಬವರು ಹಂಚಿಕೊಂಡ ಚೀಟಿ. ಇದಕ್ಕೆ ನನ್ನ ಅಜ್ಜನ ಕನಸು ಎಂದು ಬರೆದುಕೊಂಡಿದ್ದಾರೆ. 88 ವರ್ಷ ಹಳೆಯ ಸೈಕಲ್​ನ ಬಿಲ್​ ಇದಾಗಿದ್ದು, ಚೀಟಿಯಲ್ಲಿ ಕೊಲ್ಕತ್ತಾದ ‘ಕುಮುದ್​ ಸೈಕಲ್ ವರ್ಕ್ಸ್​’ ​ಎಂದು ಮುದ್ರಿಸಿದನ್ನು ಕಾಣಬಹುದಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ