ಬೆಂಗಳೂರಿನ ಪೊದೆಯಲ್ಲಿ ಸಿಕ್ತು ಅಮೆರಿಕನ್ ಡಾಲರ್​ಗಳು

ಚಿಂದಿ ಆಯ್ತಿದ್ದವನಿಗೆ ಸಿಕ್ತು 2.5 ಮಿಲಿಯನ್ ಡಾಲರ್ ನೋಟುಗಳು

ನೋಟು ಕಂಡು RBIಗೆ ಪತ್ರ ಬರೆದ ಹೆಬ್ಬಾಳ ಪೊಲೀಸರು; ಮುಂದೇನಾಯ್ತು?

ಕಳೆದ ಭಾನುವಾರ ರೈಲ್ವೇ ಹಳಿ ಪಕ್ಕದ ಪೊದೆಯಲ್ಲಿ 2.5 ಮಿಲಿಯನ್ ಡಾಲರ್ ಸಿಕ್ಕಿದ್ದು, ಇದೀಗ ಡಾಲರ್ ಬಾಕ್ಸ್ ಪ್ರಕರಣಕ್ಕೆ ಟ್ವಿಸ್ಟ್ ಸಿಕ್ಕಿದೆ. ಆದರೆ ಸಿಕ್ಕ ಅಮೆರಿಕನ್ ಡಾಲರ್​ಗಳು ನಕಲಿ ಎಂಬ ಶಂಕೆ ಕೂಡ ವ್ಯಕ್ತವಾಗಿದೆ.

ಅಂದಹಾಗೆಯೇ, ಚಿಂದಿ ಆಯ್ತಿದ್ದವನಿಗೆ ರೈಲ್ವೇ ಹಳಿ ಪಕ್ಕದ ಪೊದೆಯಲ್ಲಿ 2.5 ಮಿಲಿಯನ್ ಯುಎಸ್ ಡಾಲರ್ ಸಿಕ್ಕಿದೆ. ಇದನ್ನು ಆತ ತನ್ನ ಮಾಲೀಕನಿಗೆ ತಿಳಿಸಿದ್ದನು. ಮತ್ತೋರ್ವ ವ್ಯಕ್ತಿ ಕೂಡ ಇದನ್ನು ಕಂಡು ಕಮಿಷನರ್​ಗೆ ಮಾಹಿತಿ ಹಂಚಿಕೊಂಡಿದ್ದನು. ಕೂಡಲೇ ಪೊದೆಯಲ್ಲಿ ಸಿಕ್ಕ ಹಣದ ಬಗ್ಗೆ ಹೆಬ್ಬಾಳ ಠಾಣೆಗೆ ಮಾಹಿತಿ ರವಾನಿಸಲಾಗಿದೆ.

ಇನ್ನು ವಶಕ್ಕೆ ಪಡೆದ ಡಾಲರ್ಸ್ ಜೊತೆ ವಿಶ್ವ ಸಂಸ್ಥೆಯ ಲೆಟರ್ ಹೆಡ್​ನಲ್ಲಿರೋ ಪತ್ರವೊಂದು ಸಿಕ್ಕಿದ್ದು, ಅಮೆರಿಕದಿಂದ ಅಭಿವೃದ್ಧಿಗಾಗಿ ಕಳುಹಿಸಲಾದ ಹಣ ಇದು ಎಂದು ಹೇಳಲಾಗುತ್ತಿದೆ. ಮಾತ್ರವಲ್ಲದೆ, ಸಿಕ್ಕ ಪತ್ರದಲ್ಲಿ ಮಿಲಿಯನ್ಸ್ ಆಫ್ ಡಾಲರ್ಸ್ ಬಗ್ಗೆ ಗೌಪ್ಯತೆ ಕಾಪಾಡಿ ಎಂದು ಉಲ್ಲೇಖಿಸಲಾಗಿದೆ.

ಸದ್ಯ ಹೆಬ್ಬಾಳ ಪೊಲೀಸರಿಗೆ ಈ ಮಿಲಿಯನ್ ಡಾಲರ್ ಪ್ರಶ್ನೆಯಾಗಿ ಕಾಡುತ್ತಿದ್ದು, ಈ ವಿಚಾರಣೆಗೆ ಸಂಬಂಧಿಸಿದಂತೆ ಸತ್ಯ ಹುಡುಕಲು ಹೆಬ್ಬಾಳ ಪೊಲೀಸರು RBIಗೆ ಪತ್ರ ಬರೆದಿದ್ದಾರೆ. ಇದಲ್ಲದೆ, ಡಾಲರ್​ಗಳ ಸೀರಿಯಲ್ ನಂಬರ್​ ಸಹ ಉಲ್ಲೇಖ ಮಾಡಿರುವುದು ಕಂಡು ಪೊಲೀಸರು ತಲೆಕೆಡಿಸಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ