ಹಳಿ ತಪ್ಪಿದ ಸುಹೈಲ್​​ ದೇವ್​ ಸೂಪರ್ ಫಾಸ್ಟ್ ಎಕ್ಸ್​​ಪ್ರೆಸ್

ರಾತ್ರಿ 9 ಗಂಟೆಗೆ ನಿಲ್ದಾಣದಿಂದ ಹೊರಡ್ತಿದ್ದಂತೆಯೇ ಅನಾಹುತ

ರೈಲು ಅಪಘಾತದ ಬಗ್ಗೆ ಅಧಿಕಾರಿಗಳು ಹೇಳಿದ್ದೇನು?

ನಿನ್ನೆ ತಡರಾತ್ರಿ ಉತ್ತರ ಪ್ರದೇಶದಲ್ಲಿ ಚಲಿಸುತ್ತಿರುವ ರೈಲೊಂದು ಹಳಿ ತಪ್ಪಿದೆ. ಸುಹೈಲ್​​ ದೇವ್​ ಸೂಪರ್ ಫಾಸ್ಟ್ ಎಕ್ಸ್​​ಪ್ರೆಸ್ (Suhaildev Express train) ಗಾಜಿಪುರದಿಂದ ಹೊರಟು ಆನಂದ ವಿಹಾರ್​ಗೆ ಚಲಿಸುತ್ತಿರವಾಗ ಘಟನೆ ನಡೆದಿದೆ.

ಇನ್ನು ಪ್ರಯಾಗ್​ ರಾಜ್​​ ನಿಲ್ದಾಣದಿಂದ (Prayagraj railway station) ಹೊರಟ ರೈಲು ಸ್ವಲ್ಪ ದೂರ ಕ್ರಮಿಸುತ್ತಲೇ ರೈಲಿನ ಇಂಜಿನ್​ ಮತ್ತು ಅದರ ಹಿಂದಿನ ಕೋಚ್ ಹಳಿ ತಪ್ಪಿವೆ. ರೈಲ್ವೇ ಸಿಬ್ಬಂದಿಗೆ ಮತ್ತು ಪ್ರಯಾಣಿಕರಿಗೆ ಯಾವುದೇ ರೀತಿಯ ಹಾನಿಯುಂಟಾಗಿರುವುದಿಲ್ಲ. ಇನ್ನೂ ಪ್ರಯಾಗ್​​ ರಾಜ್​ ವಲಯದ ರೈಲ್ವೇ ಅಧೀಕಾರಿಗಳು ಸ್ಥಳಕ್ಕಾಗಮಿಸಿ ಘಟನೆಯ ಬಗ್ಗೆ ಮಾಹಿತಿ ಪಡೆದುಕೊಂಡು ಪರಿಶೀಲನೆ ನಡೆಸುತ್ತಿದ್ದಾರೆ.

ನಿನ್ನೆ ರಾತ್ರಿ 9 ಗಂಟೆ ಸುಮಾರಿಗೆ ದುರ್ಘಟನೆ ನಡೆದಿದೆ. ಎರಡು ಕೋಚ್​​ಗಳು ಹಳಿ ತಪ್ಪಿವೆ. ಯಾವುದೇ ಅನಾಹುತ ಸಂಭವಿಸಿಲ್ಲ, ಆತಂಕಕ್ಕೆ ಒಳಗಾಗುವುದು ಬೇಡ. ಕೂಡಲೇ ಎರಡೂ ಬೋಗಿಗಳನ್ನು ಟ್ರ್ಯಾಕ್​ ತರಲಾಗಿದೆ. ಎಂದಿನಂತೆ ಆ ಟ್ರ್ಯಾಕ್​​ನಲ್ಲಿ ರೈಲು ಸಂಚಾರ ಶುರುವಾಗಿದೆ ಎಂದು ಚೀಫ್ ಪಬ್ಲಿಕ್ ರಿಲೇಷನ್ಸ್​ ಆಫೀಸರ್ ಹಿಮಾಂಶು ಶೇಖರ್ ಉಪಧ್ಯಾಯ ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ