ಕೀಪಿಂಗ್ ಸಮರ್ಥವಾಗಿ ನಿರ್ವಹಿಸಿವ KL​ ರಾಹುಲ್​ಗೆ ಸ್ಥಾನ..?

ಇದೀಗ ವಿಕೆಟ್​ ಕೀಪರ್ ಸ್ಲಾಟ್​ನ ಫೈಟ್​ ಕುತೂಹಲ ಕೆರಳಿಸಿದೆ

ಧೃವ್​ ಜುರೇಲ್​ಗೆ ಮತ್ತೆ ಟೀಮ್​ ಇಂಡಿಯಾದಲ್ಲಿ ಚಾನ್ಸ್ ಸಿಗುತ್ತಾ?

ಇರೋದೆ ಎರಡು ಸ್ಥಾನ.. ಪೈಪೋಟಿ ಏರ್ಪಟ್ಟಿರೋದು ಐವರು ಸ್ಟಾರ್​​ಗಳ ನಡುವೆ. ಟೀಮ್​ ಇಂಡಿಯಾದ ಟೆಸ್ಟ್​ ತಂಡದ ಒಂದೊಂದು ಸ್ಥಾನಕ್ಕೆ ಪೈಪೋಟಿ ತೀವ್ರಗೊಂಡಿದೆ. ಅದ್ರಲ್ಲೂ ವಿಕೆಟ್​ ಕೀಪರ್​​ ಸ್ಥಾನದ ಫೈಟ್​ ತೀವ್ರ ಕುತೂಹಲ ಕೆರಳಿಸಿದೆ. ಟೀಮ್​ ಇಂಡಿಯಾ ಪರ ಎಲ್ರೂ ಪರ್ಫಾಮ್​ ಮಾಡಿ ಮಿಂಚಿದವರೆ. ಹೀಗಾಗಿ ಬೆಸ್ಟ್​ಗಳ ನಡುವೆ ದಿ ಬೆಸ್ಟ್​ ಆಯ್ಕೆ, ಸೆಲೆಕ್ಟರ್ಸ್​ ಟೆನ್ಶನ್​ ಹೆಚ್ಚಿಸಿದೆ.

ಇದನ್ನೂ ಓದಿ: ಟೀಮ್​ ಇಂಡಿಯಾಕ್ಕೆ 9 ಪ್ಲೇಯರ್ಸ್​ ಫಿಕ್ಸ್​​.. ಉಳಿದ 6 ಸ್ಥಾನಕ್ಕೆ ಆಟಗಾರರ ಮಧ್ಯೆ ಬಿಗ್​ ಫೈಟ್​​​!

ಟೀಮ್​ ಇಂಡಿಯಾದ ಟೆಸ್ಟ್​ ಸೀಸನ್​ ಆರಂಭಕ್ಕೂ ಮುನ್ನ ನಡೀತಾ ಇರೋ ದುಲೀಪ್​ ಟ್ರೋಫಿ ಟೂರ್ನಿ ಸದ್ಯ ಹಾಟ್​ ಟಾಪಿಕ್​ ಆಗಿ ಮಾರ್ಪಟ್ಟಿದೆ. ಬಾಂಗ್ಲಾದೇಶ ಸರಣಿಯನ್ನೂ ಸೇರಿ ಮುಂದಿನ 4 ತಿಂಗಳಲ್ಲಿ ಟೀಮ್​ ಇಂಡಿಯಾ ಒಟ್ಟು 10 ಟೆಸ್ಟ್​ ಪಂದ್ಯಗಳನ್ನ ಆಡಲಿದ್ದು, ಟೆಸ್ಟ್​​ ತಂಡದಲ್ಲಿ ಸ್ಥಾನ ಪಡೆಯಲು ಆಟಗಾರರ ನಡುವೆ ಭಾರಿ ಪೈಪೋಟಿ ಏರ್ಪಟ್ಟಿದೆ. ಅದ್ರಲ್ಲೂ, ವಿಕೆಟ್​ ಕೀಪರ್ ಸ್ಲಾಟ್​ನ ಫೈಟ್​ ಎಲ್ಲರ ಕುತೂಹಲವನ್ನ ಕೆರಳಿಸಿದೆ. ಯಾಕಂದ್ರೆ, ಇರೋ 2 ಸ್ಥಾನಕ್ಕಾಗಿ ಐವರು ಸ್ಟಾರ್​​ ಆಟಗಾರರು ರೇಸ್​​ಗಿಳಿದಿದ್ದಾರೆ.

ಇದನ್ನೂ ಓದಿ: 8 ತಿಂಗಳಿಂದ ಫಾರಿನ್​ನಲ್ಲಿರೋ ಕೊಹ್ಲಿ.. ‘ವಿರುಷ್ಕಾ’ ಜೋಡಿ ಲಂಡನ್​​​​​ನಲ್ಲಿ ಇರಲು ಇವೆ 5 ಕಾರಣ?

ಕಮ್​ಬ್ಯಾಕ್​ ಸ್ಟಾರ್​ ರಿಷಬ್​ ಪಂತ್​ ಮೇಲೆ ಎಲ್ಲರ ಕಣ್ಣು.!

3 ಫಾರ್ಮೆಟ್​ನಲ್ಲಿ ಟೀಮ್​ ಇಂಡಿಯಾ ಖಾಯಂ ವಿಕೆಟ್​ ಕೀಪರ್ ಆಗಿದ್ದ​ ರಿಷಬ್​ ಪಂತ್​ ಕೊನೆ ಟೆಸ್ಟ್​ ಪಂದ್ಯವನ್ನಾಡಿದ್ದು, ಡಿಸೆಂಬರ್​​ 22, 2022ರಂದು.! ಭೀಕರ ಅಪಘಾತದಿಂದ ಚೇತರಿಸಿಕೊಂಡು ಸದ್ಯ ವೈಟ್​ ಬಾಲ್​ ಕ್ರಿಕೆಟ್​ ಮರಳಿರೋ ಪಂತ್​, ಇದೀಗ ರೆಡ್​ ಬಾಲ್​ ಫಾರ್ಮೆಟ್​ಗೆ ಕಮ್​ಬ್ಯಾಕ್ ಮಾಡೋ ತವಕದಲ್ಲಿದ್ದಾರೆ. ಸುಮಾರು 1 ವರ್ಷ 8 ತಿಂಗಳ ಬಳಿಕ ಟೆಸ್ಟ್​ ತಂಡಕ್ಕೆ ಕಮ್​ಬ್ಯಾಕ್ ಮಾಡೋ ಕನಸು ಕಾಣ್ತಿದ್ದಾರೆ. ಆದ್ರೆ, ಪಂತ್​​ ಕಮ್​ಬ್ಯಾಕ್​ ಹಾದಿ ಅಷ್ಟು ಸುಲಭದ್ದಿಲ್ಲ. ತೀವ್ರ ಪೈಪೋಟಿಯಿದೆ. ಹೀಗಾಗಿ ದುಲೀಪ್​ ಟ್ರೋಫಿಯಲ್ಲಿ ಸಾಮರ್ಥ್ಯ ಸಾಬೀತು ಪಡಿಸಬೇಕಿದೆ.

ದುಲೀಪ್​ ಟ್ರೋಫಿಯಲ್ಲಿ ದೃವ್​​ ಜುರೇಲ್​ಗೆ ಬಿಗ್​ ಟಾಸ್ಕ್​.!

ಈ ವರ್ಷದ ಆರಂಭದಲ್ಲಿ ನಡೆದ ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡ ಧೃವ್ ಜುರೇಲ್​ ಮೋಡಿ ಮಾಡಿದ್ರು. ಚುರುಕಿನ ವಿಕೆಟ್​ ಕೀಪಿಂಗ್​ ಸ್ಕಿಲ್​ನಿಂದ ಮ್ಯಾನೇಜ್​ಮೆಂಟ್​ ಮನ ಗೆದ್ದಿದ್ರು. ಜೊತೆಗೆ ಬ್ಯಾಟಿಂಗ್​ನಲ್ಲೂ ಜುರೇಲ್​ ಮಿಂಚಿದ್ರು. ಡೆಬ್ಯೂ ಸರಣಿಯಲ್ಲಿ ಮಿಂಚಿ ಭರವಸೆ ಹುಟ್ಟು ಹಾಕಿದ್ರು ನಿಜ. ಆದ್ರೀಗ ಮತ್ತೆ ಧೃವ್​ ಜುರೇಲ್​ ಮತ್ತೆ ಟೀಮ್​ ಇಂಡಿಯಾದಲ್ಲಿ ಚಾನ್ಸ್​ ಗಿಟ್ಟಿಸಿಕೊಳ್ಳಬೇಕಂದ್ರೆ, ದುಲೀಪ್​ ಟ್ರೋಫಿ ಪರ್ಫಾಮೆನ್ಸ್​ ನಿರ್ಣಾಯಕವಾಗಲಿದೆ.

ಕೀಪರ್​ ಕೋಟಾದಲ್ಲಿ ಸ್ಥಾನದ ಮೇಲೆ ಕಣ್ಣಿಟ್ಟ ಕಿಶನ್.!

ಬಿಸಿಸಿಐ ಸೂಚನೆಯನ್ನೇ ಗಾಳಿಗೆ ತೂರಿದ್ದ ಕಿಶನ್​ ಕೊನೆಗೂ ಕೆಟ್ಟ ಮೇಲೆ ಬುದ್ದಿ ಕಲಿತು ಡೊಮೆಸ್ಟಿಕ್​ ಕ್ರಿಕೆಟ್​​ ಆಡಲು ಸಜ್ಜಾಗಿದ್ದಾರೆ. ದುಲೀಪ್​ ಟ್ರೋಫಿಯಲ್ಲಿ ಪರ್ಫಾಮ್​ ಮಾಡಿ, ಟೀಮ್​ ಇಂಡಿಯಾಗೆ ರೀ ಎಂಟ್ರಿ ಕೊಡೋ ಲೆಕ್ಕಾಚಾರದಲ್ಲಿದ್ದಾರೆ. ಪಂತ್​ ಅಲಭ್ಯತೆಯಲ್ಲಿ ಕೀಪರ್​ ಆಗಿ ಟೆಸ್ಟ್​ ತಂಡದಲ್ಲಿ​ ಕಿಶನ್​ ಖಾಯಂ ಸ್ಥಾನ ಪಡೆದಿದ್ರು. ವಿಂಡೀಸ್​ ಪ್ರವಾಸದಲ್ಲಿ ಉತ್ತಮ ನೀಡಿ ಮಿಂಚಿದ್ರು. ಆದ್ರೆ, ಬಿಸಿಸಿಐ ಜೊತೆ ಕಿಶನ್​ ಕಿರಿಕ್​ ಮಾಡಿಕೊಂಡ ಬಳಿಕ ಎಂಟ್ರಿ ಕೊಟ್ಟ ಧೃವ್ ಜುರೇಲ್​, ಮಿಂಚಿನ ಪ್ರದರ್ಶನ ನೀಡಿದ್ದಾರೆ. ಈ ಪೈಪೋಟಿಯ ನಡುವೆ ಆಯ್ಕೆಯಾಗಬೇಕಂದ್ರೆ, ಕಿಶನ್​ ದುಲಿಫ್​ ಟ್ರೋಫಿಯಲ್ಲಿ ದಿ ಬೆಸ್ಟ್​ ಪರ್ಫಾಮೆನ್ಸ್​ ನೀಡಬೇಕಿದೆ.

ಕೀಪರ್​​ ಕೋಟಾದ ರೇಸ್​ನಲ್ಲಿ ಕನ್ನಡಿಗ ರಾಹುಲ್​.!

ಪಂತ್​ ಅಲಭ್ಯತೆಯಲ್ಲಿ ಕನ್ನಡಿಗ ಕೆ.ಎಲ್​ ರಾಹುಲ್ ಟೆಸ್ಟ್​ನಲ್ಲೂ ವಿಕೆಟ್​ ಕೀಪಿಂಗ್​ ಜವಾಬ್ದಾರಿಯನ್ನ ಸಮರ್ಥವಾಗಿ ನಿರ್ವಹಿಸಿದ್ದಾರೆ. ಟೀಮ್​ ಮ್ಯಾನೇಜ್​ಮೆಂಟ್​ ಕೂಡ ರಾಹುಲ್,​ ವಿಕೆಟ್​ ಕೀಪಿಂಗ್​ ಸ್ಕಿಲ್​ಗೆ ಇಂಪ್ರೆಸ್​ ಆಗಿತ್ತು. ಬ್ಯಾಟಿಂಗ್​ನಲ್ಲಿ ಫೇಲ್​ ಆದ್ರೂ, ಕೀಪರ್​ ಕೋಟಾದಲ್ಲಿ ರಾಹುಲ್​ಗೆ ಸ್ಥಾನ ಫಿಕ್ಸ್​​ ಆಗಿತ್ತು. ಆದ್ರೆ, ಇದೀಗ ಕೀಪರ್​ ಸ್ಥಾನಕ್ಕೆ ಬರೋಬ್ಬರಿ ಐವರ ನಡುವೆ ಪೈಪೋಟಿ ಏರ್ಪಟ್ಟಿದೆ. ಹೀಗಾಗಿ ದುಲೀಪ್​ ಟ್ರೋಫಿಯಲ್ಲಿ ಮಿಂಚಿದ್ರೆ ಮಾತ್ರ ರಾಹುಲ್​​ಗೆ ಆಯ್ಕೆ ಸಮಿತಿ ಮಣೆ ಹಾಕಲಿದೆ.

ಸಿಕ್ಕೆಲ್ಲ ಅವಕಾಶಗಳನ್ನ ಕೈ ಚೆಲ್ಲಿರುವ ಕೆ.ಎಸ್​ ಭರತ್​ ಕೂಡ ಕೊನೆಯ ಅವಕಾಶದ ನಿರೀಕ್ಷೆಯಲ್ಲಿದ್ದಾರೆ. ಆದ್ರೆ, ಫ್ಲಾಪ್​ ಶೋ ನೀಡಿದ ಭರತ್​ಗೆ ಮತ್ತೆ ಟೀಮ್​ ಇಂಡಿಯಾ ಡೋರ್​ ತೆಗೆಯೋದು ಅನುಮಾನವೇ. ಹಾಗಂತ, ಸಾಲಿಡ್​ ಪರ್ಫಾಮೆನ್ಸ್​ ನೀಡಿದ್ರೆ, ಚಾನ್ಸ್​ ಸಿಗೋ ಸಾಧ್ಯತೆ ತಳ್ಳಿಹಾಕುವಂತಿಲ್ಲ.

ಇದನ್ನೂ ಓದಿ: IPS ಅಧಿಕಾರಿಗೆ ಸಂಬಳ ಎಷ್ಟು.. ಯಾವ ಪೋಸ್ಟ್​​ಗೆ ಹೆಚ್ಚು ಸ್ಯಾಲರಿ ನೀಡುತ್ತೆ ಸರ್ಕಾರ?

ವಿಕೆಟ್​ ಕೀಪರ್​ ಕೋಟಾದಲ್ಲಿ ಟೀಮ್​ ಇಂಡಿಯಾ ಎಂಟ್ರಿ ಕೊಡಲು, ಐವರು ಬಲಿಷ್ಠರ ನಡುವೆ ಪೈಪೋಟಿ ಏರ್ಪಟ್ಟಿದೆ. ಐವರ ಪೈಕಿ ಚಾನ್ಸ್​ ಸಿಗೋದು ಇಬ್ಬರಿಗೆ ಮಾತ್ರ. ಆ ಇಬ್ಬರು ಅದೃಷ್ಟವಂತರು ಯಾರು ಅನ್ನೋದು ದುಲೀಪ್​ ಟ್ರೋಫಿ ಪರ್ಫಾಮೆನ್ಸ್​ ಮೇಲೆ ನಿರ್ಧಾರವಾಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ