ಜಾಮೀನು ಸಿಕ್ಕರೂ ರಾಗಿಣಿಗಿಲ್ಲ ಇಂದು ಬಿಡುಗಡೆ ಭಾಗ್ಯ; ಬಿಡುಗಡೆಗೆ ಬೇಕಿದೆ ಜಾಮೀನು ಪ್ರತಿ

ಬೆಂಗಳೂರು: 140 ದಿನಗಳು ಜೈಲಿನಲ್ಲೇ ಕಳೆದಿದ್ದ ನಟಿ ರಾಗಿಣಿಗೆ ಇಂದು ಸುಪ್ರೀಂ ಕೋರ್ಟ್​ ಜಾಮೀನು ಮಂಜೂರು ಮಾಡಿದೆ. ಆದರೂ ಇಂದೇ ರಾಗಿಣಿ ಬಿಡುಗಡೆ ಮಾಡೋದು ಕಷ್ಟಸಾಧ್ಯ ಎನ್ನಲಾಗಿದೆ.

ಸೆಪ್ಟಂಬರ್​ 4 ರಂದು ಡ್ರಗ್ಸ್ ಕೇಸಿನ ಸಂಬಂಧವಾಗಿ ನಟಿ ರಾಗಿಣಿ ದ್ವಿವೇದಿಯವರನ್ನು ಬಂಧಿಸಲಾಗಿತ್ತು. ಅದೇ ಸೆಫ್ಟೆಂಬರ್​ 14ರಂದು ನ್ಯಾಯಾಲಯ ಬಂಧನಕ್ಕೆ ರಾಗಿಣಿಯವರನ್ನು ಕಳಿಸಲಾಗಿತ್ತು. ಹೀಗೆ ಜೈಲು ಸೇರಿದ ರಾಗಿಣಿಯವರ ಬಿಡುಗಡೆ ಕೋರಿ ಅನೇಕ ಬಾರಿ ಜಾಮೀನು ಅರ್ಜಿ ಸಲ್ಲಿಸಿದರಾದರೂ ಜಾಮೀನು ಸಿಕ್ಕಿರಲಿಲ್ಲ. ರಾಜ್ಯ ಹೈ ಕೋರ್ಟ್​ ಜಾಮೀನು ಅರ್ಜಿಯನ್ನು ತಿರಸ್ಕರಿಸಿತ್ತು, ಇದನ್ನು ಪ್ರಶ್ನಿಸಿ ನಟಿ ರಾಗಿಣಿ ಪರ ವಕೀಲರು ಸುಪ್ರೀಂ ಕೋರ್ಟ್​ ಮೆಟ್ಟಿಲೇರಿದ್ದರು.

ಇಂದು ಅವರಿಗೆ ಜಾಮೀನು ಮಂಜೂರಾಗಿದೆ ಆದರೆ ಅವರು ಇಂದೇ ಬಿಡುಗಡೆಯಾಗಬೇಕಾದರೆ ಸುಪ್ರೀಂ ಕೋರ್ಟ್​ನಿಂದ ಜಾಮೀನು ಪ್ರತಿಯನ್ನು ತರಬೇಕಿದೆ. ಸರ್ಟಿಫೈಡ್​ ಪ್ರತಿ ತಂದರಷ್ಟೇ ಬಿಡುಗಡೆಮಾಡಲಾಗುತ್ತದೆ ಎನ್ನಲಾಗುತ್ತಿದ್ದು, ಇಂದೇ ದೆಹಲಿಯಿಂದ ಪ್ರತಿತಂದು ಬಿಡುಗಡೆ ಗೊಳಿಸುವುದು ಕಷ್ಟಸಾಧ್ಯ ಎನ್ನಲಾಗುತ್ತಿದೆ.

Download the Newsfirstlive app

ಇದಕ್ಕೆ ಮತ್ತೊಂದು ದಾರಿಯೂ ಇದೆ ಫ್ಯಾಕ್ಸ್​ ಮೂಲಕ ಪ್ರತಿ ತರಿಸಿಕೊಂಡು ಅಟೆಸ್ಟಡ್​ ಮಾಡಿಸಿ ಸಲ್ಲಿಸಬಹುದು. ಆದರೆ ಅದರಲ್ಲಿ ಯಾವುದೇ ದೋಷ ಕಂಡು ಬಂದರೆ ಬಿಡುಗಡೆ ಕಷ್ಟ ಸಾಧ್ಯಎನ್ನಲಾಗಿದೆ. ಅಲ್ಲದೆ ಸುಪ್ರೀಂ ಕೋರ್ಟ್​ನಲ್ಲಿ ತಕ್ಷಣಕ್ಕೆ ಜಾಮೀನು ಪ್ರತಿ ಸಿಗಲ್ಲ, ಹೀಗಾಗಿ ಸರ್ಟಿಫೈಡ್​ ಕಾಫಿ ತರುವ ಸಾಧ್ಯತೆಯೇ ಹೆಚ್ಚಾಗಿದೆ. ಸರ್ಟಿಫೈಡ್​ ಪ್ರತಿ ತಂದ ನಂತರ ಕೆಳ ಹಂತದ ನ್ಯಾಯಾಲಯದಲ್ಲಿ ಜಾಮೀನು ಷರತ್ತುಗಳನ್ನ ಪೂರೈಸಿ ನಂತರವೇ ಅವರನ್ನ ಬಿಡುಗಡೆ ಮಾಡಲಾಗುತ್ತದೆ. ಆದ್ದರಿಂದ ಇಂದು ರಾಗಿಣಿಯವರ ಬಿಡುಗಡೆ ಕಷ್ಟ ಸಾಧ್ಯ ಎನ್ನಲಾಗಿದೆ.

ಇದನ್ನೂ ಓದಿ: ಸುಪ್ರೀಂ ಕೋರ್ಟಿನಿಂದ ನಟಿ ರಾಗಿಣಿಗೆ ಜಾಮೀನು ಮಂಜೂರು