ಪ್ರಭಾಸ್​ ‘ಸಲಾರ್​’ಗೆ ವಜ್ರಕಾಯ ಸಿನಿಮಾ ಖ್ಯಾತಿಯ ಮಧು ಸ್ವಾಮಿ ವಿಲನ್​?

ಸ್ಟಾರ್​ ನಿರ್ದೇಶಕ ಪ್ರಶಾಂತ್​ ನೀಲ್​ ಆ್ಯಕ್ಷನ್​ ಕಟ್​ ಹೇಳ್ತಿರುವ ಮತ್ತೊಂದು ಪ್ಯಾನ್​ ಇಂಡಿಯಾ ಸಿನಿಮಾ ‘ಸಲಾರ್​.’ ‘ಸಲಾರ್​’ ಪಾತ್ರದಲ್ಲಿ ಡಾರ್ಲಿಂಗ್​ ಪ್ರಭಾಸ್​ ಕಾಣಿಸಿಕೊಳ್ತಿದ್ದು, ನಾಯಕಿಯಾಗಿ ಶ್ರುತಿ ಹಾಸನ್​ ನಟಿಸ್ತಿದ್ದಾರೆ. ಆದ್ರೆ, ಪ್ರಭಾಸ್​ ಜೊತೆ ಯಾರು ಗುದ್ದಾಡಲಿದ್ದಾರೆ, ಅಂದ್ರೆ ‘ಸಲಾರ್’​ ಸಿನಿಮಾದಲ್ಲಿ ವಿಲನ್​ ಆಗಿ ಯಾರು ಕಾಣಿಸಿಕೊಳ್ಳಲಿದ್ದಾರೆ ಅನ್ನೋದು ದೊಡ್ಡ ಪ್ರಶ್ನೆಯಾಗಿತ್ತು. ಆರಡಿ ಉದ್ದದ ಪ್ರಭಾಸ್​ಗೆ ಯಾರು ಸೆಡ್ಡು ಹೊಡಯುತ್ತಾರೆ ಅನ್ನೋ ಕನ್​​ಫ್ಯೂಷನ್​ಗೆ ಕೊನೆಗೂ ಉತ್ತರ ಸಿಕ್ಕಿದೆ. ಅದಕ್ಕೂ ಖುಷಿ ವಿಚಾರ ಏನಪ್ಪ ಅಂದ್ರೆ, ಕನ್ನಡದ ನಟನೇ ಪ್ರಭಾಸ್​ಗೆ ವಿಲನ್​ ಆಗಿ ಕಾಡಲಿರೋದು. ಹೌದು.. ನಟ ಮಧು ಗುರುಸ್ವಾಮಿ ‘ಸಲಾರ್’​ ಸಿನಿಮಾದ ಖಡಕ್​ ವಿಲನ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ವಿಚಾರ ಅವರ ಪೋಸ್ಟ್​ನಿಂದ ತಿಳಿದು ಬರ್ತಿದೆ.

ಈ ಹಿಂದೆ ಎ.ಹರ್ಷ ನಿರ್ದೇಶನದ ‘ಭಜರಂಗಿ’, ‘ವಜ್ರಕಾಯ’ ಸಿನಿಮಾಗಳಲ್ಲಿ ನಟಿಸಿದ್ದ ಮಧು ಗುರುಸ್ವಾಮಿ ‘ಸಲಾರ್’​ ಸಿನಿಮಾದಲ್ಲಿ ವಿಲನ್​ ಆಗಲಿದ್ದಾರೆ ಅನ್ನೋ ಅನುಮಾನ ಶುರುವಾಗಿದೆ. ಈ ಬಗ್ಗೆ ಮಧು ಗುರುಸ್ವಾಮಿ ತಮ್ಮ ಫೇಸ್​ಬುಕ್​ನಲ್ಲಿ ಹಂಚಿಕೊಂಡಿದ್ದು, ‘ಸಲಾರ್’​ ಸಿನಿಮಾದ ಭಾಗವಾಗಿರೋದಕ್ಕೆ ಸಂತೋಷ ವ್ಯಕ್ತಪಡಿಸಿದ್ದಾರೆ. ಈಗಾಗಲೇ ‘ಸಲಾರ್’​ ಸಿನಿಮಾದ ಚಿತ್ರೀಕರಣ ಶುರುವಾಗಿದ್ದು, ಗೋದಾವರಿ ಗಣಿಯಲ್ಲಿ ಶೂಟಿಂಗ್​ ನಡೆಯುತ್ತಿದೆ.

Download the Newsfirstlive app

ಅಂದ್ಹಾಗೇ, ಈ ಹಿಂದೆ ‘ಸಲಾರ್’​ ಸಿನಿಮಾದ ವಿಲನ್​ ಅಗಿ ನಟ ವಿಜಯ್​ ಸೇತುಪತಿ ಹೆಸರು ಕೇಳಿ ಬರ್ತಿತ್ತು. ತಳಪತಿ ವಿಜಯ್​ ನಟನೆಯ ‘ಮಾಸ್ಟರ್’​ ಸಿನಿಮಾದಲ್ಲಿ ವಿಜಯ್​ ಸೇತುಪತಿ ನೆಗೆಟಿವ್​ ಶೇಡ್​ನಲ್ಲಿ ಕಾಣಿಸಿಕೊಂಡಿರೋದಕ್ಕೋ ಏನೋ, ಈ ಸುದ್ದಿ ಚಾಲ್ತಿಯಲ್ಲಿತ್ತು. ಆದ್ರೀಗ ಎಲ್ಲಾ ಗೊಂದಲಕ್ಕೂ ಉತ್ತರ ಸಿಕ್ಕಿದಂತಿದೆ. ಒಂದಷ್ಟು ಸಿನಿಮಾಗಳಲ್ಲಿ ನೆಗೆಟಿವ್​ ಪಾತ್ರಗಳಲ್ಲಿ ನಟಿಸಿರುವ ಮಧು ಗುರುಸ್ವಾಮಿ ‘ಸಲಾರ್’​ ಚಿತ್ರದ ವಿಲನ್​ ಆಗಿರೋದು ಇದೀಗ ಓಡಾಡ್ತಿದೆ.