ವಾಷಿಂಗ್ಟನ್: ಅಮೆರಿಕಾದ ಬಾಹ್ಯಾಕಾಶ ಸಂಸ್ಥೆ ನಾಸಾ ನಿನ್ನೆ, ಮಂಗಳ ಗ್ರಹದ ಮೇಲೆ ರೆಕಾರ್ಡ್ ಮಾಡಲಾದ ಮೊದಲ ಆಡಿಯೋವನ್ನ ಬಿಡುಗಡೆ ಮಾಡಿದೆ. ಪರ್ಸೀವರೆನ್ಸ್ ರೋವರ್ ಮಂಗಳ ಗ್ರಹದಲ್ಲಿ ಗಾಳಿ ಬೀಸುವುದರ ಶಬ್ದವನ್ನ ರೆಕಾರ್ಡ್ ಮಾಡಿದೆ. ಹಾಗೇ ಮಂಗಳನ ಮೇಲೆ ರೋವರ್ ಲ್ಯಾಂಡ್ ಆದ ಮೊದಲ ವಿಡಿಯೋವನ್ನ ಕೂಡ ನಾಸಾ ರಿಲೀಸ್ ಮಾಡಿದೆ.
ಪರ್ಸೀವರೆನ್ಸ್ ರೋವರ್ ಮಂಗಳನ ಮೇಲ್ಮೈಗೆ ಇಳಿಯುವ ಸಮಯದಲ್ಲಿ ಮೈಕ್ರೊಫೋನ್ ಕಾರ್ಯನಿರ್ವಹಿಸಲಿಲ್ಲ. ಆದರೆ ಅದು ಲ್ಯಾಂಡ್ ಆದ ನಂತರ ಆಡಿಯೊವನ್ನು ಸೆರೆಹಿಡಿಯಲು ಸಾಧ್ಯವಾಯಿತು ಎಂದು ತಿಳಿಸಿರೋ ನಾಸಾ, ಆಡಿಯೋದ ಸಣ್ಣ ತುಣುಕನ್ನ ಹಂಚಿಕೊಂಡಿದೆ. ನೀವು ಇದ್ರಲ್ಲಿನ 10 ಸೆಕೆಂಡ್ಗಳಲ್ಲಿ ಕೇಳುತ್ತಿರುವುದು ಮಂಗಳ ಗ್ರಹದ ಮೇಲ್ಮೈಯಲ್ಲಿನ ಗಾಳಿ ಬೀಸುವಿಕೆ. ಮೈಕ್ರೊಫೋನ್‌ನಿಂದ ಅದನ್ನ ರೆಕಾರ್ಡ್ ಮಾಡಿ ಭೂಮಿಗೆ ಕಳುಹಿಸಿದೆ ಎಂದು ಕ್ಯಾಮೆರಾ ಮತ್ತು ಮೈಕ್ರೊಫೋನ್ ವ್ಯವಸ್ಥೆಯ ಪ್ರಮುಖ ಇಂಜಿನಿಯರ್ ಡೇವ್ ಗ್ರುಯೆಲ್ ಹೇಳಿದ್ದಾರೆ.
ಇನ್ನು ಲ್ಯಾಂಡಿಂಗ್ ವಿಡಿಯೋದಲ್ಲಿ, ರೋವರ್ನ ರಕ್ಷಿಸುವ ಹೀಟ್ ಶೀಲ್ಡ್ ಕಳಚಿ ಬೀಳುವುದು ಮತ್ತು ಕೆಂಪು-ಬಿಳಿ ಬಣ್ಣದ ಪ್ಯಾರಾಚೂಟ್ ತೆರೆದುಕೊಳ್ಳುವುದು, ಬಳಿಕ ರೋವರ್ ಮಂಗಳನ ಜೆಝೀರೋ ಕ್ರೇಟರ್ನಲ್ಲಿ ಲ್ಯಾಂಡ್ ಆಗೋದನ್ನ ಕಾಣಬಹುದು. ಮಂಗಳ ಗ್ರಹದಲ್ಲಿ ಲ್ಯಾಂಡಿಂಗ್ ಪ್ರಕ್ರಿಯೆಯನ್ನ ಸೆರೆಹಿಡಿಯುವುದು ಇದೇ ಮೊದಲ ಬಾರಿಗೆ ಸಾಧ್ಯವಾಗಿದೆ ಎಂದು ನಾಸಾದ ಜೆಟ್ ಪ್ರೊಪಲ್ಷನ್ ಲ್ಯಾಬೊರೇಟರಿಯ ನಿರ್ದೇಶಕ ಮೈಕಲ್ ವಾಟ್ಕಿನ್ಸ್ ಹೇಳಿದ್ದಾರೆ.
Your front-row seat to my Mars landing is here. Watch how we did it.#CountdownToMars pic.twitter.com/Avv13dSVmQ
— NASA's Perseverance Mars Rover (@NASAPersevere) February 22, 2021
2020ರ ಜುಲೈ 30 ರಂದು ಲಾಂಚ್ ಆಗಿದ್ದ ಪರ್ಸೀವರೆನ್ಸ್ ಕಳೆದ ಗುರುವಾರದಂದು ಮಂಗಳನ ಮೇಲೆ ಲ್ಯಾಂಡ್ ಆಗಿದೆ.
Now that you’ve seen Mars, hear it. Grab some headphones and listen to the first sounds captured by one of my microphones. 🎧https://t.co/JswvAWC2IP#CountdownToMars
— NASA's Perseverance Mars Rover (@NASAPersevere) February 22, 2021
ನಿಮ್ಮ ಸಲಹೆ, ಸೂಚನೆ ಹಾಗೂ ಅಭಿಪ್ರಾಯಗಳಿಗೆ ಸಂಪರ್ಕಿಸಿ
[email protected]
Discussion about this post