2022ರ ​IPL​ಗೆ ವಿದಾಯ ಹೇಳ್ತಾರಾ ಧೋನಿ? 15ನೇ ಆವೃತ್ತಿಗೆ ಘಟಾನುಘಟಿಗಳೇ ನಿವೃತ್ತಿ

ಇಂಡಿಯನ್​ ಪ್ರೀಮಿಯರ್​ ಲೀಗ್​​​ನ 13 ಆವೃತ್ತಿಗಳು ಯಶಸ್ವಿಯಾಗಿ ಪೂರ್ಣಗೊಂಡಿವೆ. ಇದೀಗ 14ನೇ ಸೀಸನ್​​ ಆರಂಭಕ್ಕೆ ದಿನಗಣನೆ ಶುರುವಾಗಿದೆ. ಎಲ್ಲಾ ಫ್ರಾಂಚೈಸಿಗಳು ತಮ್ಮ ಗೇಮ್ ಪ್ಲ್ಯಾನ್‌ಗಳಿಗೆ ಅನುಸಾರವಾಗಿ, ತಂಡಗಳನ್ನ ರಚಿಸುತ್ತಿವೆ. ಈ ಬೆನ್ನಲ್ಲೆ CSK ಸಾರಥಿ ಸೇರಿದಂತೆ ಈ ಐದು ಆಟಗಾರರಿಗೆ, ಇದುವೇ ಕೊನೆಯ IPL ಆಗಿರಲಿದೆ ಎಂದು ಅಂದಾಜಿಸಲಾಗಿದೆ.

ಪ್ರತಿ ಬಾರಿಯಂತೆ ಈ ಬಾರಿಯೂ ಐಪಿಎಲ್ ಭಾರೀ ನಿರೀಕ್ಷೆ ಹೆಚ್ಚಿಸಿದೆ. ತಂಡಗಳು ತಮ್ಮದೇ ಆದ ಕಾರ್ಯತಂತ್ರ ರೂಪಿಸಿಕೊಳ್ತಿವೆ. ಹೇಗೆಲ್ಲಾ ಪ್ಲಾನ್​ ರೂಪಿಸಿದ್ರೆ ಗೆಲ್ಲಬಹುದು ಎಂಬ ಲೆಕ್ಕಾಚಾರದಲ್ಲಿ, ತೊಡಗಿವೆ. ಮತ್ತೊಂದೆಡೆ ಈ ಬಾರಿಯ IPL, ಅನೇಕ ಆಟಗಾರರಿಗೆ ಬಹುತೇಕ ಕೊನೆಯ ಐಪಿಎಲ್ ಆಗಿರಲಿದೆ. ಇಂಥದ್ದೊಂದು ಮಾತುಗಳು ಕ್ರಿಕೆಟ್​ ಸರ್ಕಲ್​​ನಲ್ಲಿ ಕೇಳಿಬರುತ್ತಿದೆ.

ವಿಪರ್ಯಾಸ ಏನೆಂದರೆ, ಈ ಮಿಲಿಯನ್​​ ಡಾಲರ್​ ಟೂರ್ನಿಯೇ ಕೊನೆದಾಗ್ತಿರೋದು ಕ್ರಿಕೆಟ್ ಲೋಕದ​ ದಿಗ್ಗಜರಿಗೆ..!! ನಾವು ಪ್ರಸ್ತಾಪಿಸುತ್ತಿರುವ ಈ ಆಟಗಾರರು, ಶೇಕಡ 99ರಷ್ಟು ಈ IPL ನಂತರ ತಮ್ಮ ಕ್ರಿಕೆಟ್ ಜೀವನವನ್ನ ಮುಕ್ತಗೊಳಿಸಿಲಿದ್ದಾರೆ. IPL​ನಲ್ಲಿ ಭರಪೂರ ಮನರಂಜನೆ ನೀಡಿರೋ ಈ ಆಟಗಾರರ ಕೊಡುಗೆ, ಅಸಾಧಾರಣ..!! ಆಟಗಾರರ ಆಟವನ್ನ ಮಿಸ್​ ಮಾಡಿಕೊಳ್ತಿದ್ದೇವೆ ಅಂತಾ ತಿಳಿದ ಅಭಿಮಾನಿಗಳ ಎದೆ, ಭಾರವಾಗಿಸಿದೆ.

Tactical Thrisoola Viyoogam! #CSKStyledByMyntra #WhistlePodu #Yellove 🦁💛 @myntra pic.twitter.com/IWwMcytKOb

— Chennai Super Kings (@ChennaiIPL) April 3, 2021

ನಂ. 1- ಎಂ.ಎಸ್.​ ಧೋನಿ, CSK
ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಕ್ಯಾಪ್ಟನ್​​ ಮಹೇಂದ್ರ ಸಿಂಗ್‌ ಧೋನಿಗೆ, ಇದೇ ಕೊನೆಯ IPL ಟೂರ್ನಿ. ಹಾಗೇನೆ ಇಂಥ ಮಾತುಗಳು, ಅಭಿಮಾನಿಗಳ ಎದೆಬಡಿತವನ್ನೂ ಹೆಚ್ಚಿಸಿವೆ. ಕಳೆದ ವರ್ಷ ಅಂತರಾಷ್ಟ್ರೀಯ ಕ್ರಿಕೆಟ್​​ಗೆ ಗುಡ್​​ ಬೈ ಹೇಳಿದ್ದ ಧೋನಿ​ಗೆ​, 2020ರ IPL ಟೂರ್ನಿಯೇ ಲಾಸ್ಟ್​​ ಎಂದು ಎಲ್ಲರೂ ಅಂದುಕೊಂಡಿದ್ದರು. ಆದರೆ ಅಂತಿಮ ಕ್ಷಣದಲ್ಲಿ ಮುಂದಿನ IPL ಆಡುವುದಾಗಿ ಮಾಹಿ ಖಚಿತಪಡಿಸಿದ್ದರು. 188 ಪಂದ್ಯಗಳಲ್ಲಿ ಸಿಎಸ್​​ಕೆ ತಮಡವನ್ನ ಮುನ್ನಡೆಸಿರೋ 39 ವರ್ಷದ ಧೋನಿ, 110 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದಾರೆ. ಆ ಮೂಲಕ ಐಪಿಎಲ್​ನ ಮೋಸ್ಟ್​​ ಸಕ್ಸಸ್​ಫುಲ್​​ ಕ್ಯಾಪ್ಟನ್​ ಎನಿಸಿಕೊಂಡಿದ್ದಾರೆ.

ನಂ. 2 – ಕ್ರಿಸ್​ ಗೇಲ್​​, ಪಂಜಾಬ್​ ಕಿಂಗ್ಸ್​
ಟಿ-ಟ್ವೆಂಟಿ ಕ್ರಿಕೆಟ್​ನ ಅತ್ಯಂತ ಅಪಾಯಕಾರಿ ಬ್ಯಾಟ್ಸ್​ಮನ್​ಗಳಲ್ಲಿ, ಕ್ರಿಸ್ ​​ಗೇಲ್ ಕೂಡ ಒಬ್ಬರು. 41 ವರ್ಷದ ವಿಂಡೀಸ್​​ನ ದೈತ್ಯ ಗೇಲ್, ಈ ಬಾರಿ ಐಪಿಎಲ್​​ ಆಡ್ತಿರೋದ್ರಿಂದ ಅಭಿಮಾನಿಗಳು ಸಿಡಿಲಬ್ಬರದ ಬ್ಯಾಟಿಂಗ್​​ ನಿರೀಕ್ಷಿಸುತ್ತಿದ್ದಾರೆ. ಆದರೆ ಮುಂದಿನ ವರ್ಷ ನಡೆಯಲಿರುವ ಐಪಿಎಲ್​ ಟೂರ್ನಿಯಿಂದ ಗೇಲ್​, ಹೊರಗುಳಿಯುವ ಸಾಧ್ಯತೆ ಹೆಚ್ಚಿದೆ. ​IPL​ ಇತಿಹಾಸಲ್ಲಿ 6 ಶತಕ ಸಿಡಿಸಿರೋ ಗೇಲ್​, ಕಿಂಗ್ ಆಫ್ ಟಿ-ಟ್ವೆಂಟಿ ಎನಿಸಿಕೊಂಡಿದ್ದಾರೆ. ಹಾಗೇ ಶ್ರೀಮಂತ ಲೀಗ್​​ನಲ್ಲಿ 349 ಸಿಕ್ಸರ್​​​ ಸ್ಫೋಟಿಸಿರೋ ಗೇಲ್, ಐಪಿಎಲ್​ನಲ್ಲಿ ಅಜೇಯ 175 ರನ್​ಗಳ ವೈಯಕ್ತಿಕ ಸ್ಕೋರ್​ ಸಹ ದಾಖಲಿಸಿದ್ದಾರೆ.

Fafulously yours and ready! #WhistlePodu #Yellove 💛🦁 pic.twitter.com/viwtuTJcoT

— Chennai Super Kings (@ChennaiIPL) April 2, 2021

ನಂ. 3 – ಫಾಪ್​ ಡು ಪ್ಲೆಸಿಸ್​​​, CSK
ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ ಫಾಫ್ ಡುಪ್ಲಸಿ, 2012ರಿಂದ ಮಿಲಿಯನ್​ ಡಾಲರ್ ಟೂರ್ನಿಯ ಭಾಗವಾಗಿದ್ದಾರೆ. ಚೊಚ್ಚಲ ಟೂರ್ನಿಯಲ್ಲೇ ಧೋನಿ ನಾಯಕತ್ವದಡಿ ಆಡಿದ ಡುಪ್ಲಸಿ​​, 13 ಪಂದ್ಯಗಳಲ್ಲಿ 398 ರನ್ ಸಿಡಿಸಿ ಅಬ್ಬರಿಸಿದ್ರು. ಟೂರ್ನಿಯಿಂದ ಟೂರ್ನಿಗೆ ಅತ್ಯುತ್ತಮ ಪ್ರದರ್ಶನ ನೀಡ್ತಿರುವ ಈ ಆಫ್ರಿಕನ್ ವಾರಿಯರ್, ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಬೆನ್ನೆಲುಬಾಗಿದ್ದಾರೆ. ಆದ್ರೆ 36 ವರ್ಷದ ಡುಪ್ಲಸಿಗೆ ಇದೇ ಕೊನೆಯ ಐಪಿಎಲ್ ಅಂತ, ಹೇಳಲಾಗ್ತಿದೆ.

Download the Newsfirstlive app

ನಂ. 4 – ಹರ್ಭಜನ್​ ಸಿಂಗ್​​, KKR
ಒನ್​ ಆಫ್​ ದ ಬೆಸ್ಟ್ ಆಫ್​ ಸ್ಪಿನ್ನರ್​ 40 ವರ್ಷದ ಹರ್ಭಜನ್​ ಸಿಂಗ್​ ಕೂಡ, ನಿವೃತ್ತಿಯ ಸಾಲಿನಲ್ಲಿದ್ದಾರೆ. 2008ರಿಂದ ಮಿಲಿಯನ್​ ಟೂರ್ನಿಯ ಭಾಗವಾಗಿರೋ ದೂಸ್ರಾ ಸ್ಪೆಷಲಿಸ್ಟ್​​, 2021ರ ಐಪಿಎಲ್​​ನಲ್ಲಿ ಕೊಲ್ಕತ್ತಾ ನೈಟ್​ ರೈಡರ್ಸ್​ ಪರ ಕಣಕ್ಕಿಳಿಯಲಿದ್ದಾರೆ. ವೈಯಕ್ತಿಕ ಕಾರಣ ಹೇಳಿ ಕಳೆದ ವರ್ಷ ಇಡೀ ಟೂರ್ನಿಗೆ ಅಲಭ್ಯವಾಗಿದ್ದ ಭಜ್ಜಿಯನ್ನ, ಸಿಎಸ್​​ಕೆ ತಂಡದಿಂದ ಕೈಬಿಟ್ಟಿತ್ತು. ಫೆಬ್ರವರಿ 18ರಂದು ನಡೆದ ಮಿನಿ ಹರಾಜಿನಲ್ಲಿ 2 ಕೋಟಿಗೆ ಕೆಕೆಆರ್ ಪಾಲಾಗಿರುವ ಭಜ್ಜಿಗೆ, ಇದೇ ಲಾಸ್ಟ್​ ಐಪಿಎಲ್.

ನಂ. 5 – ಇಮ್ರಾನ್​ ತಾಹೀರ್​​​​, CSK
ಇಮ್ರಾನ್​ ತಾಹೀರ್​ ಬಹುಶಃ oldest player in IPL 2021. 42 ವರ್ಷದ ತಾಹೀರ್​,​​ 2021ರಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್ ತಂಡದ ಭಾಗವಾಗಲಿದ್ದಾರೆ. ಎಲ್ಲಾ ಬೌಲರ್​ಗಳಿಗಿಂತ ತಾಹೀರ್​ ತುಸು ಭಿನ್ನ ಎಂದರೆ ತಪ್ಪಾಗಲ್ಲ. ಅವರಲ್ಲಿರೋ ಕ್ರಿಕೆಟ್​ ಆಡೋ ಉತ್ಸಾಹಕ್ಕೆ ಎಂಥವರೂ ಮನಸೋಲುತ್ತಾರೆ. ವಿಕೆಟ್​ ಕಬಳಿಸಿದಾಗ ತಾಹೀರ್​ ಸಂಭ್ರಮಿಸುವ ಪರಿಗೆ, ಕ್ರಿಕೆಟ್​ ಪ್ರೇಮಿಗಳು ಫಿದಾ ಆಗಿದ್ದಾರೆ. 2014ರಿಂದ ಡೆಲ್ಲಿ ಮತ್ತು 2018ರಿಂದ ಸಿಎಸ್​ಕೆ ಕ್ಯಾಂಪ್ ಸೇರಿಕೊಂಡಿರೋ ತಾಹೀರ್​ಗೆ, ಇದೇ ಲಾಸ್ಟ್​ ಐಪಿಎಲ್​ ಎಂದು ಹೇಳಲಾಗ್ತಿದೆ.

ಡು ಪ್ಲೆಸಿಸ್, ತಾಹೀರ್​ ಕೂಡ ನಿವೃತ್ತಿ ರೇಸ್​​ನಲ್ಲಿ..?
ಇವರಷ್ಟೆ ಅಲ್ಲ..! ವೃದ್ದಿಮಾನ್ ಸಾಹ, ಅಮಿತ್ ಮಿಶ್ರಾ, ಡ್ವೇನ್ ಬ್ರಾವೋ, ರಾಬಿನ್ ಉತ್ತಪ್ಪ, ಕೇದಾರ್ ಜಾಧವ್ ಕೂಡ, ನಿವೃತ್ತಿ ಸಾಲಿನಲ್ಲಿದ್ದಾರೆ. ಒಟ್ನಲ್ಲಿ..! ಪ್ರಮುಖ ಆಟಗಾರರು ಮುಂದಿನ ಐಪಿಎಲ್​ನಿಂದ ದೂರವಾಗ್ತಾರೆ ಅನ್ನೋ ಮಾತುಗಳು, ಕ್ರಿಕೆಟ್​ ವಲಯದಲ್ಲಿ ಹೆಚ್ಚು ಸದ್ದು ಮಾಡ್ತಿದೆ. ಆದರೆ ಮುಂದೆ ಈ ಆಟಗಾರರು ಯಾವ ನಿರ್ಧಾರ ಕೈಗೊಳ್ಳಲಿದ್ದಾರೆ ಅನ್ನೋದು, ಐಪಿಎಲ್​ ಮುಗಿದ ಮೇಲೆ ಗೊತ್ತಾಗಲಿದೆ.