ಕನ್ನಡದ ಮುದ್ದು ಬಬ್ಲಿ ಬಬ್ಲಿ ನಟಿ ಶುಭಾ ಪೂಂಜಾ. ಬಿಗ್ಬಾಸ್ ಸೀಸನ್ 8 ಮೂಲಕ ಜನರ ಮನಸ್ಸನ್ನ ಗೆದ್ದ ಚಲುವೆ. ಶುಭಾ ಅವರು ಸಪ್ತಪದಿ ತುಳಿಯಲು ಸಜ್ಜಾಗಿರುವುದು ಗೊತ್ತಿರುವ ಮಾಹಿತಿ. ಸದ್ಯ ಶುಭ ತಮ್ಮ ಮದುವೆಯ ಶುಭ ಮೂಹರ್ತದ ಕುರಿತು ಮಾತ್ನಾಡಿದ್ದು, ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.
ಬಹು ಕಾಲದ ಗೆಳೆಯ ಸುಮಂತ್ ಅವರ ಜೊತೆ ಹಸೆಮಣೆ ಏರಲು ಸಜ್ಜಾಗಿರುವ ಮೊಗ್ಗಿನ ಚಲುವೆ ಮೊನ್ನೆ ಮೊನ್ನೆಯಷ್ಟೇ ರಾಜಾ-ರಾಣಿ ಗ್ರ್ಯಾಂಡ್ ಫಿನಾಲೆಗೆ ಬಂದಿದ್ದರು. ಅಷ್ಟೇಯಲ್ಲ ಪ್ರೀತಿಯ ಚಿನ್ನಿಬಾಂಬ್ ಬಗ್ಗೆ ಮನಸಾರೆ ಮಾತ್ನಾಡಿ, ರೋಮ್ಯಾಂಟಿಕ್ ಹಾಡಿಗೆ ಹೆಜ್ಜೆ ಕೂಡ ಹಾಕಿದ್ರು.
ಸದ್ಯ ಮದುವೆ ತಯಾರಿಯಲ್ಲಿರುವ ಈ ಮುದ್ದಾದ ಜೋಡಿ ಡಿಸೆಂಬರ್ನಲ್ಲಿ ಮದುವೆಯ ಬಂಧನದಲ್ಲಿ ಸೆರೆಯಾಗುತ್ತಿದ್ದಾರೆ. ಈ ಬಗ್ಗೆ ನ್ಯೂಸ್ ಫರ್ಸ್ಟ್ ಜೊತೆ ಮಾತ್ನಾಡಿದ ಶುಭಾ. ಈ ವರ್ಷದ ಅಂತ್ಯದಲ್ಲಿ ಅಂದ್ರೇ ಡಿಸೆಂಬರ್ನಲ್ಲಿ ಮದುವೆ ಪಿಕ್ಸ್ ಆಗಿದ್ದು, ಡೇಟ್ ಇನ್ನು ಫೈನಲ್ ಮಾಡಿಲ್ಲ ಅಂದ್ರು.
ಇನ್ನೂ ಅದ್ಧೂರಿ ಮದುವೆ ತಯಾರಿಯಲ್ಲಿರುವ ಈ ಜೋಡಿ ತಮ್ಮ ಹೊಸ ಬಾಳಿನ ಪಯಣಕ್ಕೂ ಮುನ್ನ ಶಿರಸಿ ಮಾರಿಕಾಂಬ ಕ್ಷೇತ್ರಕ್ಕೆ ಭೇಟಿ ನೀಡಿ, ದೇವಿಯ ಆಶೀರ್ವಾದ ಪಡೆದಿದ್ದಾರೆ. ಶುಭಾ, ಸುಮಂತ್ ಜಾಲಿ ಟ್ರಿಪ್ ಎಂಜಾಯ್ ಮಾಡುತ್ತಿದ್ದು, ಮಜಾಭಾರತ ಖ್ಯಾತಿಯ ರಾಘು, ಮಂಜು ಪಾವಗಡ ಕೂಡ ಜೊತೆಗೊಡಿದ್ದಾರೆ. ಶಿರಿಸಿ ಮಾರಿಕಾಂಬ ತಾಯಿ ಆಶೀರ್ವಾದ ಪಡೆದು ಯಾಣಗೆ ಪ್ರಯಾಣ ಬೆಳಸಿದ ಶುಭಾ ಆ್ಯಂಡ್ ಫ್ರೆಂಡ್ಸ್ ಅಲ್ಲಿಂದ ಕುಮಾಟ, ಗೋಕರ್ಣ, ಹುಮ್ಚಾ ಮಠಕ್ಕೆ ಭೇಟಿ ನೀಡಿ. ಪ್ರಕೃತಿ ಮಡಿಲಲ್ಲಿ ಸಮಯ ಕಳೆದಿದ್ದಾರೆ.
ಒಟ್ಟಿನಲ್ಲಿ ನಟಿ ಶುಭಾ ಬದುಕಲ್ಲಿ ಸದ್ಯದಲ್ಲಿಯೇ ಗಟ್ಟಿಮೇಳ ಮೊಳಗಲಿದ್ದು, ಮದುವೆಯ ಶುಭ ಮೂಹರ್ತದ ಬಗ್ಗೆ ಸದ್ಯದಲ್ಲಿಯೇ ತಿಳಿಸಲಿದ್ದಾರೆ.
ನಿಮ್ಮ ಸಲಹೆ, ಸೂಚನೆ ಹಾಗೂ ಅಭಿಪ್ರಾಯಗಳಿಗೆ ಸಂಪರ್ಕಿಸಿ
[email protected]
Discussion about this post