ಹಳೇ ಸೋಲು.. ಹೊಸ ಸೇಡು: ಮೊಮ್ಮಗನನ್ನು ಹಾಸನಾಧಿಪತಿ ಮಾಡಲು ದೊಡ್ಡಗೌಡರು ಸಂದೇಶ..!

ಬೆಂಗಳೂರು: ಜೆಡಿಎಸ್​ ಭದ್ರಕೋಟೆಯಲ್ಲಿ ಮೇಲ್ಮನೆ ಫೈಟ್​ ದಿನೇ ದಿನೆ ರಂಗೇರುತ್ತಿದೆ. 2016 ಸೋಲಿಗೆ ಸೇಡು ತೀರಿಸಿಕೊಳ್ಳಲು ದಳ ಪಾಳಯ ಸಜ್ಜಾಗಿದ್ದು, ಹಾಸನ ಮರಳಿ ಪಡೆಯಲು ಅಖಾಡಕ್ಕೆ ದೇವೇಗೌಡರ ಕುಟುಂಬದ ಮತ್ತೊಂದು ಕುಡಿ ಧುಮುಕಿದೆ. ಮೊಮ್ಮಗನನ್ನ ಹಾಸನಾಧಿಪತಿ ಮಾಡಲು ದೊಡ್ಡಗೌಡರು ಮಗನಿಗೆ ಕೊಟ್ಟ ಸಂದೇಶವೇನು ಗೊತ್ತಾ?

ಪರಿಷತ್​ ಫೈಟ್​ ಕಾವೇರುತ್ತಿದೆ. ಅದ್ರಲ್ಲೂ ದಳ ಭದ್ರಕೋಟೆ ಹಾಸನದಲ್ಲಿ ಸೇಡಿನ ಫೈಟ್​ ಶುರುವಾಗ್ಬಿಟ್ಟಿದೆ. ಹಾಸನ ಪರಿಷತ್​ ಚುನಾವಣೆಯನ್ನ ಪ್ರತಿಷ್ಠೆಯಾಗಿ ತೆಗೆದುಕೊಂಡಿರೋ ಜೆಡಿಎಸ್​ ಮತ್ತೆ ಹಾಸನದಲ್ಲಿ ತೆನೆ ಹೊರಲು ತಂತ್ರ ಹೆಣೆಯುತ್ತಿದೆ.

2016ರ ಸೋಲಿಗೆ ಸೇಡು ತೀರಿಸಿಕೊಳ್ಳಲು ತಂತ್ರ
ಹಾಸನದಲ್ಲಿ ಸೂರಜ್​​ ಗೆಲುವಿಗೆ ಪಣ ತೊಟ್ಟ ದಳ

2016, ಹಾಸನ ಪರಿಷತ್​ ಚುನಾವಣೆಯಲ್ಲಿ ತನ್ನ ಭದ್ರಕೋಟೆಯಲ್ಲೇ ದಳ ನೆಲಕಚ್ಚಿತ್ತು. ಚುನಾವಣೆಯಲ್ಲಿ ಸೋಲು ಕಂಡು ಮುಖಭಂಗ ಅನುಭವಿಸಿತ್ತು. ಆ ಸೋಲಿನ ಸೇಡು ತೀರಿಸಿಕೊಳ್ಳಲು ಸಜ್ಜಾಗಿರೋ ಜೆಡಿಎಸ್​ ತನ್ನ ಅಭ್ಯರ್ಥಿ ಸೂರಜ್​ ಗೆಲುವಿಗೆ ಪಣ ತೊಟ್ಟಿದೆ.

ಹಳೇ ಸೋಲು.. ಹೊಸ ಸೇಡು!
2016ರಲ್ಲಿ ನಡೆದ ವಿಧಾನ ಪರಿಷತ್​ನ​​ ಚುನಾವಣೆಯಲ್ಲಿ ದಳದಿಂದ ಸ್ಪರ್ಧಿಸಿದ್ದ ಪಟೇಲ್​​ ಶಿವರಾಂ ಸೋಲು ಕಂಡಿದ್ದರು. ಜೆಡಿಎಸ್​ ಭದ್ರಕೋಟೆ ಹಾಸನ ಪರಿಷತ್​​​​ ವಶ ಪಡಿಸಿಕೊಂಡು ಕಾಂಗ್ರೆಸ್​​​ ಗೆಲುವಿನ ಕೇಕೆ ಹಾಕಿತ್ತು. ಕಾಂಗ್ರೆಸ್​ನ ಗೋಪಾಲಸ್ವಾಮಿ ಹಾಸನದಲ್ಲಿ ಗೆದ್ದು ಪರಿಷತ್​ಗೆ ಆಯ್ಕೆಯಾಗಿದ್ರು. ಸದ್ಯ ಮತ್ತೆ ಹಾಸನವನ್ನ ಮರಳಿ ದಳ ತನ್ನ ತೆಕ್ಕೆಗೆ ತೆಗೆದುಕೊಳ್ಳಲು ವ್ಯೂಹ ರಚಿಸುತ್ತಿದೆ. ಸೂರಜ್​​​ಗೆ ಅವಿರೋಧವಾಗಿ ದಳ ಟಿಕೆಟ್​​​ ಒಲಿದಿದ್ದು, ಹಾಸನಾಧಿಪತಿ ಪಟ್ಟ ವಶಪಡಿಸಿಕೊಳ್ಳಲು ಪುತ್ರ ರೇವಣ್ಣಗೆ ದೊಡ್ಡಗೌಡರು ಕೆಲ ಪಾಠ ಮಾಡಿದ್ದಾರೆ.

ಹಾಸನ ಸೀಟ್​​.. ಬಿಗ್​​​ಫೈಟ್​​​!
ಸಲಹೆ 1 : ಹಾಸನ ಪರಿಷತ್ ಚುನಾವಣೆಯಲ್ಲಿ ದಳ ಅಭ್ಯರ್ಥಿ ಗೆಲ್ಲಲೇಬೇಕು
ಸಲಹೆ 2 : ಹಾಸನ ದಳದ ಭದ್ರಕೋಟೆ ಎಂಬ ಸಂದೇಶ ರವಾನೆಯಾಗಬೇಕು
ಸಲಹೆ 3 : ಹಾಸನ ವಿಧಾನ ಪರಿಷತ್​ ಜಯ, 2023ರ ಚುನಾವಣೆಗೆ ದಿಕ್ಸೂಚಿ
ಸಲಹೆ 4 : 2023ರಲ್ಲಿ ಹಾಸನದ ಎಲ್ಲಾ ಕ್ಷೇತ್ರಗಳಲ್ಲಿ ಜೆಡಿಎಸ್​​​ ಜಯಕ್ಕೆ ಸ್ಫೂರ್ತಿ
ಸಲಹೆ 5 : ಹಾಸನದಲ್ಲಿ ವ್ಯತ್ಯಾಸ ಆದರೆ, ರಾಜ್ಯಕ್ಕೆ ಬೇರೆ ಸಂದೇಶ ಹೋಗುತ್ತೆ
ಸಲಹೆ 6 : ಬೇರೆ ಕ್ಷೇತ್ರಗಳ ವಿಚಾರವೇ ಬೇಡ, ಹಾಸನದತ್ತ ಮಾತ್ರ ಚಿತ್ತ ಹರಿಸಿ
ಸಲಹೆ 7 : ಇತರ ಕ್ಷೇತ್ರಗಳ ಬಗ್ಗೆ ನಾನು, ಕುಮಾರಸ್ವಾಮಿ ಗಮನ ಹರಿಸುತ್ತೇವೆ
ಸಲಹೆ 8 : ಈ ಪರಿಷತ್ ಚುನಾವಣೆಯಲ್ಲಿ ಕುಟುಂಬ ರಾಜಕಾರಣ ಅಪ್ರಸ್ತುತ
ಸಲಹೆ 9 : ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಚುನಾವಣೆ ಗೆಲುವಿಗಷ್ಟೆ ಪ್ರಾಧಾನ್ಯತೆ

Download the Newsfirstlive app

ಒಟ್ನಲ್ಲಿ, ಹಾಸನದಲ್ಲಿ ಹಳೇ ಸೋಲಿಗೆ ಸೇಡು ತೀರಿಸಿಕೊಳ್ಳಲು ದಳ ಪಾಳಯ ಪಣತೊಟ್ಟಿದೆ. ಖುದ್ದು ದೊಡ್ಡಗೌಡರೇ ಮೊಮ್ಮಗನ ಗೆಲುವಿಗೆ ತಂತ್ರ ಹೆಣೆದುಕೊಟ್ಟಿದ್ದು, ದಳಪತಿಗಳ ಸಲಹೆ ಸಕ್ಸಸ್​ ಆಗುತ್ತಾ? ಮತ್ತೆ ದಳ ತನ್ನ ಭದ್ರಕೋಟೆಯನ್ನ ವಶಪಡಿಸಿಕೊಳ್ಳುತ್ತಾ..?

ವಿಶೇಷ ವರದಿ: ಶಿವಪ್ರಸಾದ್​, ನ್ಯೂಸ್​ಫಸ್ಟ್