ವಿಂಡೋ ಒಡೆದರು.. ಬಿಲ್ಡಿಂಗ್​ನಿಂದ ನೆಲಕ್ಕೆ ಹಾರಿದರು.. ದೆಹಲಿ ಅಗ್ನಿ ದುರಂತದಲ್ಲಿ ಏನೆಲ್ಲಾ ಆಯ್ತು..?

ನಿನ್ನೆ ಸಂಜೆ ದೆಹಲಿಯ ಮುಂಡ್ಕಾದಲ್ಲಿರುವ 4 ಅಂತಸ್ತಿನ ಕಮರ್ಷಿಯಲ್ ಬಿಲ್ಡಿಂಗ್​ನಲ್ಲಿ ಬೆಂಕಿ ದುರಂತ ಸಂಭವಿಸಿತ್ತು. ಘೋರ ದುರಂತದಲ್ಲಿ 27 ಜನರು ಸಾವನ್ನಪ್ಪಿ, 12 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ದುರ್ಘಟನೆ ಸಂದರ್ಭದಲ್ಲಿ ಕೆಲವರು ಬಿಲ್ಡಿಂಗ್​ನ ಗ್ಲಾಸ್​ಗಳನ್ನ ಒಡೆದು ಕಟ್ಟಡದಿಂದ ಜಗಿದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

Download the Newsfirstlive app

ಫ್ಯಾಕ್ಟರಿಗಳಿಂದ ನಿಯಮ ಉಲ್ಲಂಘನೆ
ಬೆಂಕಿ ಅನಾಹುತ ಸಂಬಂಧ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಎರಡು ಫ್ಯಾಕ್ಟರಿಯ ಇಬ್ಬರು ಮಾಲೀಕರನ್ನ ದೆಹಲಿ ಪೊಲೀಸರು ಬಂಧಿಸಿದ್ದಾರೆ. ಮೂರನೇ ಮಾಲೀಕ ನಾಪತ್ತೆಯಾಗಿದ್ದಾನೆ. ಇನ್ನು ಈ ಕಟ್ಟಡದಲ್ಲಿ ಫ್ಯಾಕ್ಟರಿಗಳು ಮಾಡಿಕೊಂಡಿರುವ ವ್ಯವಸ್ಥೆಗಳು ನಿಯಮಗಳ ಪ್ರಕಾರ ಇರಲಿಲ್ಲ. ಫೈರ್​ ಎನ್​ಓಸಿ ಇಲ್ಲದೇ ಫ್ಯಾಕ್ಟರಿ ಕಾರ್ಯನಿರ್ವಹಿಸುತ್ತಿದ್ದವು ಎಂದು ಡೆಲ್ಲಿ ಫೈರ್​ ಸರ್ವೀಸ್ ಮುಖ್ಯಸ್ಥ ಆರೋಪಿಸಿದ್ದಾರೆ.

19 ಮಂದಿ ಮಿಸ್ಸಿಂಗ್
ಇನ್ನೂ 19 ಮಂದಿ ನಾಪತ್ತೆ ಆಗಿದ್ದಾರೆ. ಸ್ಥಳದಲ್ಲೇ ಖುದ್ದು ಪರಿಶೀಲನೆ ನಡೆಸಲಾಗುತ್ತಿದೆ. ಕಟ್ಟಡದ ಅವಶೇಷಗಳಡಿಯಲ್ಲಿ ಸುಟ್ಟು ಹೋಗಿರುವ ಅವಶೇಷಗಳನ್ನ ಪರಿಶೀಲನೆ ಮಾಡಲಾಗುತ್ತಿದೆ. ಫಾರೆನ್ಸಿಕ್ ಸೈನ್ಸ್​ ಲ್ಯಾಬೋರೇಟರಿ ತಜ್ಞರು ಆಗಮಿಸಿ ಡಿಎನ್​ಎ ಪರೀಕ್ಷೆ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ.

ನಿನ್ನೆ ಏನೆಲ್ಲಾ ಆಯ್ತು..?

• ಮಧ್ಯಾಹ್ನ 1 ಗಂಟೆ: ಎಂದಿನಂತೆ ಫ್ಯಾಕ್ಟರಿಯಲ್ಲಿ ಕೆಲಸಗಳು ಶುರುವಾಗಿದ್ವು. ಈ ಕಟ್ಟಡದಲ್ಲಿ ಹಲವು ಫ್ಯಾಕ್ಟರಿ ಮತ್ತು ಕಚೇರಿಗಳು ಇದ್ದವು. ಮೊದಲನೇ ಮಹಡಿಯಲ್ಲಿದ್ದ ಒಂದು ಕಂಪನಿ ಸಭೆ ನಡೆಸುತ್ತಿತ್ತು.
• ಸಂಜೆ 4.30: ಕಟ್ಟಡದ ಮೊದಲನೇ ಮಹಡಿಯಿಂದ ಹೊಗೆ ಕಾಣಿಸಲು ಶುರುವಾಗಿದೆ. ನಂತರ ಕಟ್ಟಡದ ಎಲ್ಲಾ ಕಡೆ ದಟ್ಟ ಹೊಗೆ ಕಾಣಿಸಿಕೊಂಡಿದೆ. ಕೂಡಲೇ ರಕ್ಷಣೆಗಾಗಿ ಪೊಲೀಸರಿಗೆ ಮತ್ತು ಫೈರ್​ ಬ್ರಿಗೆಡ್​ಗೆ ಕರೆ ಮಾಡಲಾಗಿತ್ತು. ಜನರು ಬೆಂಕಿಯಿಂದ ತಪ್ಪಿಸಿಕೊಳ್ಳಲು ಹರಸಾಹಸಪಟ್ಟರು
• ಸಂಜೆ 4.40 ರಿಂದ 45 ಸುಮಾರಿಗೆ: ಆಗಲೇ ಹಲವು ಮಂದಿ ಬೆಂಕಿಯ ಜ್ವಾಲೆಗೆ ಸಿಲುಕಿಕೊಂಡರು. ಪೊಲೀಸರು ಮತ್ತು ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ಬಂದು ರಕ್ಷಣಾ ಕಾರ್ಯಾಚರಣೆ ಶುರುಮಾಡಿತ್ತು.
• ಸಂಜೆ 4.50: ಕೆಲವರು ಬೆಂಕಿಯ ಜ್ವಾಲೆಯಿಂದ ಪಾರಾದರು. ಇನ್ನು ಕೆಲವರು ಕಟ್ಟಡದ ಗ್ಲಾಸ್ ಒಡೆದು ಬಿಲ್ಡಿಂಗ್​ನಿಂದ ಜಿಗಿಯಲು ಆರಂಭಿಸಿದರು. ಮೊದಲನೇ ಮತ್ತು ಎರಡನೇ ಫ್ಲೋರ್​ನಲ್ಲಿರುವ ಜನರು ಸಹಾಯಕ್ಕಾಗಿ ರೂಪ್ ಮೇಲೆ ಓಡಿ ಬಂದು ಕೂಗುತ್ತಿದ್ದರು. ಇವರನ್ನ ಅಲ್ಲಿದ್ದ ಸ್ಥಳೀಯರು ಹಾಗೂ ಪೊಲೀಸರು ರಕ್ಷಣೆ ಮಾಡಿದರು.
• ಸಂಜೆ 5 ಗಂಟೆ: ಮತ್ತಷ್ಟು ರಕ್ಷಣಾ ಸಿಬ್ಬಂದಿ ಸ್ಥಳಕ್ಕೆ ಬಂದರು. ಜೊತೆಗೆ ಸಂಕಷ್ಟಕ್ಕೆ ಸಿಲುಕಿದ್ದವ ಸಂಬಂಧಿಕರು, ಸ್ನೇಹಿತರು ಘಟನಾ ಸ್ಥಳಕ್ಕೆ ಬಂದರು
• ಸಂಜೆ 6.20: 45 ವರ್ಷದ ಮಹಿಳೆಯ ಮೃತದೇಹಲ ಮೊದಲ ಬಾರಿಗೆ ಪತ್ತೆಯಾಗುತ್ತದೆ. ಅದಾದ ನಂತರ ಒಂದೊಂದೇ ಮೃತದೇಹಗಳು ಕಾಣುತ್ತವೆ. ಬಳಿಕ ಗಾಯಗೊಂಡವರನ್ನ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡುವ ಕೆಲಸ ಕೂಡ ಜೋರಾಗಿ ನಡೆಯುತ್ತದೆ
• ರಾತ್ರಿ 10.50: ಬಿಲ್ಡಿಂಗ್​ನಲ್ಲಿ ಹೊತ್ತಿ ಉರಿಯುತ್ತಿದ್ದ ಬೆಂಕಿ ಸಂಪೂರ್ಣ ನಿಯಂತ್ರಣಕ್ಕೆ ಬರುತ್ತದೆ. ಈ ವೇಳೆಗೆ 16 ಮೃತದೇಹಗಳು ಪತ್ತೆಯಾಗುತ್ತವೆ. ಆದಾದ ನಂತರ ಒಟ್ಟು ಮೃತರ ಸಂಖ್ಯೆ 27ಕ್ಕೆ ಏರಿಕೆ ಆಗುತ್ತದೆ.
• ರಾತ್ರಿ 11.40: ಮೊದಲನೇ ಮಹಡಿಯಲ್ಲಿ ಮತ್ತೆ ಬೆಂಕಿ ಕಾಣಿಸಿಕೊಂಡಿತ್ತು. ನಂತರ ಅದನ್ನ ನಂದಿಸಲಾಯಿತು
• ಮಧ್ಯರಾತ್ರಿ: ಮಧ್ಯರಾತ್ರಿಯವರೆಗೂ ರಕ್ಷಣಾಕಾರ್ಯ ನಡೆಯಿತು
• ರಾತ್ರಿ 2 ಗಂಟೆ: ರಕ್ಷಣಾ ಕಾರ್ಯ ಸ್ಥಗಿತ