ಬೆಂಗಳೂರು: ಶೈಕ್ಷಣಿಕ ಗುಣಮಟ್ಟದ ಸುಧಾರಣೆಗೆ ಬೆಂಗಳೂರಿನ ಜಾಲಹಳ್ಳಿಯ ಭಾರತ್ ಎಲೆಕ್ಟ್ರಾನಿಕ್ಸ್ ಶಿಕ್ಷಣ ಸಂಸ್ಥೆಗಳ ವತಿಯಿಂದ ಅಲ್ಲಿನ ಭೋಧಕ ಹಾಗೂ ಭೋದಕೇತರ ಸಿಬ್ಬಂದಿಗಾಗಿ ಜ್ಞಾನವಿಕಾಸ- 2022 ಎಂಬ ವೃತ್ತಿಪರ ಅಭಿವೃದ್ಧಿ ಎಂಬ ವಿಶೇಷ ತರಬೇತಿ ಹಮ್ಮಿಕೊಳ್ಳಲಾಗಿತ್ತು.
ಈ ಜ್ಞಾನ ವಿಕಾಸ ಕಾರ್ಯಕ್ರಮವು ಮೇ 4 ರಿಂದ ಆರಂಭವಾಗಿ 10 ದಿನಗಳ ಕಾಲ ನಡೆಯಿತು. ಇವತ್ತು ಈ ಕಾರ್ಯಕ್ರಮದ ಸಮಾರೋಪ ಸಮಾರಂಭ ಜರುಗಿತು. ಈ ಸಮಾರಂಭದ ಮುಖ್ಯ ಅತಿಥಿಯಾಗಿ ಬಿಇಎಲ್ ಹೆಚ್ ಆರ್ ವಿಭಾಗದ ಎಜಿಎಂ ಸುರೇಶ್ ಮೈಕಲ್ ಆಗಮಿಸಿದ್ದರು.
ಈ ವೇಳೆ ಜ್ಞಾನ ವಿಕಾಸ ಎಂಬ ಪುಸ್ತಕವನ್ನು ಸಹ ಲೋಕಾರ್ಪಣೆಗೊಳಿಸಿದ್ರು. ಬಳಿಕ ಮಾತನಾಡಿದ ಸುರೇಶ್ ಮೈಕೆಲ್, ಈ ತರಬೇತಿಯು ಶಿಕ್ಷಕರು ಜ್ಞಾನವನ್ನು ವೃದ್ಧಿಸಿಕೊಳ್ಳಲು ಒಳ್ಳೆಯ ಅವಕಾಶ ನೀಡಿದೆ. ಶಿಕ್ಷಕರು ಸಮಾಜದ ನಿರ್ಮಾತೃಗಳು. ಶಾಲೆಯಲ್ಲಿ ಶೈಕ್ಷಣಿಕ ಕಲಿಕೆಯ ಜೊತೆ ದೈಹಿಕ ಶಿಕ್ಷಣ ಇರಬೇಕು ಎಂದರು.
ಈ ಸಮಾರಂಭದಲ್ಲಿ ಬಿಇಇಐ ಕಾರ್ಯದರ್ಶಿ ಎಸ್.ವಿ.ನರಸಿಂಹ ಕುಮಾರ್, ಕೋ-ಆರ್ಡಿನೇಟರ್ ಹೆಚ್.ಎಲ್. ಗೋಪಾಲಕೃಷ್ಣ, ಆಡಳಿತಾಧಿಕಾರಿ ಎಂ.ರಘುಪತಿ ಸೇರಿದಂತೆ ಬಿಇಇಐನ ಏಳು ಶಿಕ್ಷಣ ಸಂಸ್ಥೆಯ ಪ್ರಾಶುಂಪಾಲರು 70 ರಿಂದ 80 ಜನ ಭೋದಕ ಹಾಗೂ ಭೋದಕೇತರ ಸಿಬ್ಬಂದಿ ಕಾರ್ಯಕ್ರಮದಲ್ಲಿದ್ದರು.
ಈ 10 ದಿನಗಳ ಕಾಲ ನಡೆದ ಜ್ಞಾನ ವಿಕಾಸ ತರಬೇತಿಯಲ್ಲಿ ಪ್ರಮುಖವಾಗಿ ಗಣಿತ, ವಿಜ್ಞಾನ ಸೇರಿದಂತೆ ಎಲ್ಲಾ ವಿಷಯಗಳ ತರಗತಿಗಳನ್ನು ಯಾವ ರೀತಿ ಆಸಕ್ತಿದಾಯಕವಾಗಿ ಹೇಗೆ ನಡೆಸಬೇಕು? ತರಗತಿಗಳಲ್ಲಿ ಶಿಕ್ಷಕರು ಹಾಗೂ ಮಕ್ಕಳ ಚಟುವಟಿಕೆಗಳು ಹೇಗಿರಬೇಕು? ಮಕ್ಕಳನ್ನು ಶಿಸ್ತು ಬದ್ಧವಾಗಿ ಬೆಳೆಸೋದು ಹೇಗೆ? ಶಾಲೆಯತ್ತ ಆಕರ್ಷಿಸುವ ಕಲೆ ಹೀಗೆ ಅನೇಕ ತರಬೇತಿಗಳನ್ನು ನೀಡಲಾಯಿತು. ಒಟ್ಟಿನಲ್ಲಿ ಈ ಕಾರ್ಯಕ್ರಮವು ಶಿಕ್ಷಕರಿಗೆ ಸ್ಫೂರ್ತಿದಾಯಕವಾಗಿತ್ತು.
ನಿಮ್ಮ ಸಲಹೆ, ಸೂಚನೆ ಹಾಗೂ ಅಭಿಪ್ರಾಯಗಳಿಗೆ ಸಂಪರ್ಕಿಸಿ
[email protected]
Discussion about this post