ಚಿಕ್ಕೋಡಿ: ಇನೋವಾ ಕಾರ್, ಬೈಕ್ ನಡುವೆ ನಡುವೆ ಭೀಕರ ಅಪಘಾತ ಸಂಭವಿಸಿದೆ. ಇದರ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲಿಯೇ ಸಾವನ್ನಪ್ಪಿರೋ ಘಟನೆ ಚಿಕ್ಕೋಡಿ ತಾಲೂಕಿನ ಬಸನಾಳಗಡ್ಡಿ ಬಳಿ ನಡೆದಿದೆ. ಮಲ್ಲಪ್ಪ ರಾಮು ನಿಂಗ್ಯಾಗೊಳ (68) ಮೃತ ದುರ್ದೈವಿ.
Download the Newsfirstlive app
ಹೀರೆಕೊಡಿಯಿಂದ ರಾಯಭಾಗ ಕಡೆ ಹೋಗುತ್ತಿದ್ದಾಗ ಮಲ್ಲಪ್ಪ ಬೈಕ್ಗೆ ಚಿಕ್ಕೋಡಿಯಿಂದ ಬರುತ್ತಿದ್ದ ಇನೋವಾ ಕಾರ್ ಡಿಕ್ಕಿ ಹೊಡೆದಿದೆ. ಬಸನಾಳಗಡ್ದಿ ತಿರುವಿನಲ್ಲಿ ಬೈಕ ಸವಾರ ಬರುವಾಗ ಹಿಂಬದಿಯಿಂದ ಬಂದು ಇನೋವಾ ಕಾರು ಗುದ್ದಿದೆ.
ಮೃತ ಮಲ್ಲಪ್ಪ ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಹಿರೇಕೊಡಿ ಗ್ರಾಮದ ನಿವಾಸಿ. ಇನೋವಾದಲ್ಲಿದ್ದ ಇನ್ನೂ ಐವರಿಗೆ ಗಂಭೀರ ಗಾಯಗಳಾಗಿವೆ. ಹೀಗಾಗಿ ಗಾಯಾಳುಗಳನ್ನು ಚಿಕಿತ್ಸೆಗಾಗಿ ಚಿಕ್ಕೋಡಿ ಸರ್ಕಾರಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಈ ಸಂಬಂಧ ಅಂಕಲಿ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.
ನಿಮ್ಮ ಸಲಹೆ, ಸೂಚನೆ ಹಾಗೂ ಅಭಿಪ್ರಾಯಗಳಿಗೆ ಸಂಪರ್ಕಿಸಿ
[email protected]
Discussion about this post