ಸಖತ್ ಖುಷಿಯಲ್ಲಿದೆ ‘ನಮ್ಮನೆ ಯುವರಾಣಿ’ ಧಾರಾವಾಹಿ ತಂಡ- ಕಾರಣವೇನು ಗೊತ್ತಾ..?

ಇವತ್ತಿಗೆ ನಮ್ಮನೆ ಯುವರಾಣಿ ಧಾರಾವಾಹಿ ಬರೋಬ್ಬರಿ 1000 ಸಂಚಿಕೆಗಳನ್ನು ಪೂರೈಸಿದ ಖುಷಿಯಲ್ಲಿದೆ. ಜೈಮಾತಾ ಕಂಬೈನ್ಸ್​ ಅಡಿಯಲ್ಲಿ ಮೂಡಿ ಬರ್ತಿರೋ ಈ ಸೀರಿಯಲ್ ಇಂದಿಗೂ ವೀಕ್ಷಕರಿಗೆ ಅಚ್ಚು ಮೆಚ್ಚಿನ ಸೀರಿಯಲ್ ಆಗಿದೆ. ಈ ಸೀರಿಯಲ್​ನಿಂದ ಕೆಲವರು ಕಲಾವಿದರು ಬದುಕು ಕಟ್ಟಿಕೊಂಡಿದ್ದಾರೆ. ಈ ಧಾರಾವಾಹಿಯಿಂದ ಸ್ನೇಹಕ್ಕೆ ಬೇರೆನೆ ಅರ್ಥ ಸಿಕ್ಕಿತು. ಕುಟುಂಬದ ಮಾನವೀಯತೆಯ ಎಳೆಯನ್ನು ಅಚ್ಚುಕಟ್ಟಾಗಿ ತೋರಿಸಿದ್ದಾರೆ. ಕೋಳಿ ಮರಿ, ಗುಗ್ಗು, ಸಾಕು. ಈ ಮೂವರ ಬಾಂಡಿಗ್​ಗೆ ಫಿದಾ ಆಗಿದ್ದಾರೆ. ಮೀರಾ ಗುಗ್ಗು ಫ್ಯಾನ್ಸ್​ ಇಡೀ ಕರ್ನಾಟಕ ತುಂಬಾ ಇದ್ದಾರೆ.

Download the Newsfirstlive app

ಸದ್ಯ ನಮ್ಮನೆ ಯುವರಾಣಿಯಲ್ಲಿ ಹೊಸ ಅಧ್ಯಾಯ ಶುರುವಾಗಿದ್ದು. ಪ್ರಣಮ್- ಗಂಗಾಳನ್ನು ಕೂಡ ಮೆಚ್ಚಿ ಕೊಂಡಾಡುತ್ತಿದ್ದಾರೆ. ಇವತ್ತು ಇಡೀ ನಮ್ಮನೆ ಯುವರಾಣಿ ಕುಟುಂಬ ಖುಷಿಯ ಅಲೆಯಲ್ಲಿ ತೇಲ್ತಿದ್ದಾರೆ. ಇಡೀ ತಂಡ ಸತತವಾಗಿ 3 ವರ್ಷಗಳಿಂಡ ಕಷ್ಟ ಪಟ್ಟು ಇವತ್ತು ಸಾವಿರ ಸಂಚಿಕೆಯ ಹೊಸ್ತಿಲಲ್ಲಿ ನಿಂತಿರೋದು ಎಲ್ಲರಿಗೂ ಖುಷಿ ತಂದಿದೆ. ಈ ಬಗ್ಗೆ ಸಾಕೇತ್ ಪಾತ್ರಧಾರಿಯಾದ ರಘು ಕೂಡ ವೀಕ್ಷಕರಿಗೆಲ್ಲರಿಗೂ ಧನ್ಯವಾದಗಳನ್ನು ತಿಳಿಸುವ ಮೂಲಕ ತಮ್ಮ ಇನ್ಟಾಗ್ರಾಮ್​ ಖಾತೆಯಲ್ಲಿ ಅವರ ಪಾತ್ರದ ವಿಶೇಷ ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ. ಹಾಗೂ ಇಡೀ ತಂಡ ಸಾವಿರ ಸಂಚಿಕೆಯ ಕೇಕ್​ ಕತ್ತರಿಸುವ ಮೂಲಕ ಅವರ ಕನಸಿನ ದಿನವನ್ನು ಅದ್ಧೂರಿಯಾಗಿ ಸೆಲೆಬ್ರೇಟ್ ಮಾಡಿದ್ದಾರೆ.

ಒಟ್ಟಿನಲ್ಲಿ ಪಟ್ಟ ಶ್ರಮಕ್ಕೆ ಅದ್ಭುತವಾದ ಪ್ರತಿಫಲ ಸ್ವಿಕರಿಸುತ್ತಿದ್ದಾರೆ ನಮ್ಮನೆ ಯುವರಾಣಿ ತಂಡದವರು. ಈ ಬಗ್ಗೆ ಮೀರಾ ಪಾತ್ರಧಾರಿಯಾದ ನಟಿ ಅಂಕಿತಾ ಅಮರ್ ಕೂಡ ಅಭಿಮಾನಿಗಳಿಗೆ ವಿಶೇಷವಾದ ಧನ್ಯವಾದಗಳನ್ನು ತಿಳಿಸಿದ್ದಾರೆ.