ಮನಮೋಹಕ ಟ್ರೈಲರ್, ಮೆಲೋಡಿ ಹಾಡುಗಳಿಂದ ಚಿತ್ರಪ್ರೇಮಿಗಳ ಗಮನ ಸೆಳೆದಿದ್ದ 777 ಚಾರ್ಲಿ ಸಿನಿಮಾ ದೇಶಾದ್ಯಂತ ಬಿಡುಗಡೆಯಾಗಿ ಉತ್ತಮ ಪ್ರತಿಕ್ರಿಯೆನ್ನು ಪಡೆದುಕೊಂಡು ಮುನ್ನುಗುತ್ತಿದೆ. ನಟ ರಕ್ಷಿತ್ ಶೆಟ್ಟಿ ಹಾಗೂ ನಿರ್ದೇಶಕ ಕಿರಣ್ರ ಕಾರ್ಯಕ್ಕೆ ಪ್ರೇಕ್ಷಕರು ಬೇಷ್ ಎಂದಿದ್ದು, ವಿವಿಧ ಚಿತ್ರರಂಗದ ಸ್ಟಾರ್ ಕಲಾವಿದರು ಸಿನಿಮಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ನಡುವೆ ಸೂಪರ್ ಸ್ಟಾರ್ ರಜಿನಿಕಾಂತ್ ಕೂಡ ರಕ್ಷಿತ್ ಶೆಟ್ಟಿ ಅವರಿಗೆ ಕರೆ ಮಾಡಿದ್ದು ಚಿತ್ರದ ಬಗ್ಗೆ ಅಪಾರ ಪ್ರಶಂಸೆಗಳನ್ನು ವ್ಯಕ್ತಪಡಿಸಿದ್ದಾರೆ.
ಬಾಕ್ಸ್ ಆಫೀಸ್ನಲ್ಲೂ ಅಡ್ವೆಂಚರ್ ಕಾಮಿಡಿ-ಡ್ರಾಮಾ ಹೊಂದಿರೋ ಚಾರ್ಲಿ ಸದ್ದು ಮಾಡುತ್ತಿದೆ. ನಿನ್ನೆ ಚಾರ್ಲಿ ಸಿನಿಮಾವನ್ನು ವೀಕ್ಷಣೆ ಮಾಡಿರೋ ರಜಿನಿಕಾಂತ್ ಅವರು ರಕ್ಷಿತ್ ಶೆಟ್ಟಿಗೆ ಕರೆ ಮಾಡಿದ್ದಾರೆ. ಈ ಕುರಿತು ಸ್ವತಃ ಶೆಟ್ರೆ ಟ್ವಿಟರ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಇಂದು ಅದ್ಭುತ ಆರಂಭ.. ರಜಿನಿಕಾಂತ್ ಅವರಿಂದ ಕರೆ ಬಂದಿತ್ತು. ರಜಿನಿ ಸರ್ ನಿನ್ನೆ ಚಾರ್ಲಿ ಸಿನಿಮಾ ನೋಡಿದ್ದರಂತೆ.. ಚಿತ್ರದ ಬಗ್ಗೆ ವಿಸ್ಮಯ ವ್ಯಕ್ತಪಡಿಸಿದ್ದಾರೆ. ಅದರಲ್ಲೂ ಸಿನಿಮಾ ಮೇಕಿಂಗ್, ಕಥೆಯ ಆಳ, ವಿಶೇಷವಾಗಿ ಕ್ಲೈಮ್ಯಾಕ್ಸ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಅವರ ಮಾತುಗಳು ಆಧ್ಯಾತ್ಮಿಕ ವಿಚಾರಗಳೊಂದಿಗೆ ಕೊನೆಯಾಯ್ತು.. ಅಂತಹ ಮಾತುಗಳನ್ನು ಸೂಪರ್ಸ್ಟಾರ್ ಅವರಿಂದ ಕೇಳುವುದು ಅದ್ಭುತ ಅನುಭವ. ಧನ್ಯವಾದಗಳು ರಜಿನಿ ಸರ್ ಎಂದು ಟ್ವೀಟ್ ಮಾಡಿದ್ದಾರೆ.
What an amazing start to the day!☺
Received a call from Rajinikanth sir. He watched #777Charlie last night and has been in awe of the film. He spoke highly of the making quality, the deeper designs of the film, and especially expressed his admiration for the climax and….
— Rakshit Shetty (@rakshitshetty) June 22, 2022
ಚಾರ್ಲಿ ಸಕ್ಸಸ್ ಎಂಜಾಯ್ ಮಾಡ್ತಿರೋ ರಕ್ಷಿತ್ ಶೆಟ್ಟಿ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ‘ಸಪ್ತಸಾಗರದಾಚೆ’ ಶೂಟಿಂಗ್ ನಡೆಯುತ್ತಿದ್ದು, ಈ ಚಿತ್ರಕ್ಕಾಗಿ ಫಿಸಿಕಲಿ ಮೇಕ್ ಓವರ್ ಮಾಡಿಕೊಂಡಿರೋ ಶೆಟ್ರು ಶೀಘ್ರದಲ್ಲೇ ಹೊಸ ಶೆಡ್ಯೂಲ್ ಸ್ಟಾರ್ಟ್ ಮಾಡ್ತಿದ್ದಾರೆ. ಇನ್ನೊಂದಿಷ್ಟು ಪೋಷನ್ಸ್ ಮುಗಿಸಿದ್ರೆ ‘ಸಪ್ತಸಾಗರದಾಚೆ’ನೂ ಮುಕ್ತಾಯವಾಗಲಿದ್ದು, ಆಮೇಲೆ ‘ರಿಚರ್ಡ್ ಆಂಟೋನಿ’ಗೆ ಶುರು ಮಾಡ್ತಾರಂತೆ ಸಿಂಪಲ್ ಸ್ಟಾರ್. ಸ್ವತಃ ರಕ್ಷಿತ್ ಶೆಟ್ಟಿ ಅವರೇ ಹೇಳಿರೋ ಪ್ರಕಾರ, ಸದ್ಯಕ್ಕೆ ತಮ್ಮ ಕೈಯಲ್ಲಿ ಐದು ಪ್ರಾಜೆಕ್ಟ್ ಇದ್ದು, ಒಂದಾದರ ಮೇಲೊಂದು ಕೆಲಸ ಶುರು ಮಾಡ್ತಾ ಹೋಗ್ತಿದ್ದಾರೆ. ‘ಚಾರ್ಲಿ’ ಅಂಥಾ ಎಮೋಷನ್ ಸ್ಟೋರಿ ಹೇಳಿ ಪ್ರೇಕ್ಷಕರ ಹೃದಯಕದ್ದ ರಕ್ಷಿತ್, ಸಪ್ತಸಾಗರದಾಚೆ ಸಿನಿಮಾ ಮೂಲಕ ಇಂತದ್ದೇ ಗೆಲುವು ಪಡೆಯುತ್ತಾರಾ ಅನ್ನೋದನ್ನು ಕಾದು ನೋಡಬೇಕಿದೆ.
ನಿಮ್ಮ ಸಲಹೆ, ಸೂಚನೆ ಹಾಗೂ ಅಭಿಪ್ರಾಯಗಳಿಗೆ ಸಂಪರ್ಕಿಸಿ
[email protected]
Discussion about this post