ಹೈದರಾಬಾದ್: ತೆಲುಗು ಧಾರಾವಾಹಿ ಸೆಟ್ನಲ್ಲಿ ಕನ್ನಡ ಕಿರುತೆರೆ ನಟ ಚಂದನ್ಗೆ ಕಪಾಳಮೋಕ್ಷ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ನಟ ಚಂದನ್ ಕೈ ಮುಗಿದರೂ ಬಿಡದೇ ಸೀರಿಯಲ್ ಯೂನಿಟ್ ಬೈಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ತೆಲುಗಿನ ಸಾವಿತ್ರಮ್ಮಗಾರಿ ಅಬ್ಬಾಯಿ ಎಂಬ ಧಾರಾವಾಹಿ ಸೆಟ್ನಲ್ಲಿ ಈ ಘಟನೆ ನಡೆದಿದೆ. ಯೂನಿಟ್ ಟೆಕ್ನಿಶಿಯನ್ಗೆ ನಟ ಚಂದನ್ ಬೈದಿದ್ದೇ ಘಟನೆಗೆ ಕಾರಣ ಎನ್ನಲಾಗಿದೆ. ಇನ್ನು, ಘಟನೆ ಸಂದರ್ಭದಲ್ಲಿ ನಟ ಚಂದನ್ಗೆ ಟೆಕ್ನಿಶಿಯನ್ ಒಬ್ಬ ಕಪಾಳಮೋಕ್ಷ ಮಾಡಿದ್ದಾನೆ. ಅಲ್ಲದೇ ಚಂದನ್ ಕೈ ಜೋಡಿಸಿ ಕ್ಷಮೆ ಕೇಳಿದರೂ ಬಿಡದ ಯೂನಿಟ್ ಸದಸ್ಯರು, ನೀನು ಈ ರೀತಿ ನಡೆದುಕೊಳ್ಳುತ್ತಿರೋದು ಇದೇ ಮೊದಲೇನು ಅಲ್ಲ. ಎರಡನೇ ಬಾರಿಗೆ ಈ ರೀತಿ ಮಾಡುತ್ತಿದ್ದೀಯಾ.. ನಿನ್ನನ್ನ ನೀನು ಕಿರುತೆರೆಯ ಮೆಗಾಸ್ಟಾರ್ ಅಂದು ಕೊಂಡಿದ್ದೀಯಾ? ಅಂತ ಪ್ರಶ್ನೆ ಮಾಡಿ ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಚಂದನ್ ಕನ್ನಡ ಹಲವು ಧಾರಾವಾಹಿಗಳಲ್ಲಿ ನಟಿಸಿದ್ದು, ರಾಧಾ ಕಲ್ಯಾಣ, ಲಕ್ಷ್ಮೀ ಬಾರಮ್ಮ ಸೀರಿಯಲ್ಗಳು ಪ್ರಮುಖವಾಗಿದೆ. ಇನ್ನು ಚಂದನ್ ಹಲವು ಸಿನಿಮಾಗಳಲ್ಲಿಯೂ ನಟಿಸಿದ್ದು, ಹಲವು ರಿಯಾಲಿಟಿ ಶೋಗಳಲ್ಲಿ ಕೂಡ ಭಾಗಿಯಾಗಿದ್ದರು. ಬಿಗ್ಬಾಸ್ 3ನೇ ಆವೃತ್ತಿಯ ಸ್ಪರ್ಧಿಯಾಗಿದ್ದ ಚಂದನ್, 2021ರಲ್ಲಿ ಕವಿತಾ ಗೌಡ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.
ಇದನ್ನೂ ಓದಿ: ತೆಲುಗು ಧಾರಾವಾಹಿ ಸೆಟ್ನಲ್ಲಿ ಕನ್ನಡ ಕಿರುತೆರೆ ನಟನಿಗೆ ಕಪಾಳಮೋಕ್ಷ- ನಟ ಚಂದನ್ ಹೇಳಿದ್ದೇನು..?
ನಿಮ್ಮ ಸಲಹೆ, ಸೂಚನೆ ಹಾಗೂ ಅಭಿಪ್ರಾಯಗಳಿಗೆ ಸಂಪರ್ಕಿಸಿ
[email protected]
Discussion about this post