ಕೊಹ್ಲಿ, ಸೂರ್ಯ ಮಿಂಚಿನ ಆಟ.. ಆಸಿಸ್​ ವಿರುದ್ಧ ಸೀರೀಸ್​ ಗೆದ್ದ ಟೀಂ ಇಂಡಿಯಾ

ಇಂದು ಹೈದರಾಬಾದ್​​ನ ರಾಜೀವ್​ ಗಾಂಧಿ ಇಂಟರ್​ನ್ಯಾಷನಲ್​​ ಕ್ರಿಕೆಟ್​​ ಸ್ಟೇಡಿಯಂನಲ್ಲಿ ನಡೆದ ಕೊನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೀಂ ಇಂಡಿಯಾ ಗೆದ್ದು ಬೀಗಿದೆ.

ಟಾಸ್​​ ಸೋತರೂ ಫಸ್ಟ್​ ಬ್ಯಾಟಿಂಗ್​ ಮಾಡಿದ ಆಸಿಸ್​​ ಪರ ಓಪನರ್​ ಆಗಿ ಬಂದ ಕ್ಯಾಮೇರಾನ್​ ಗ್ರೀನ್​ 21 ಬಾಲ್​ನಲ್ಲಿ 3 ಸಿಕ್ಸರ್​​, 7 ಫೋರ್​ ಸಮೇತ 52 ರನ್​ ಚಚ್ಚಿದ್ರು. ಕೊನೇವರೆಗೂ ಕ್ರೀಸ್​​ನಲ್ಲಿ ಇದ್ದ ಟೀಂ ಡೇವಿಡ್​​ 27 ಬಾಲ್​​ನಲ್ಲಿ 4 ಸಿಕ್ಸರ್​​, 2 ಫೋರ್​ ಸಮೇತ 54 ರನ್​ ಬಾರಿಸಿದ್ರು. ಈ ಮೂಲಕ ನಿಗದಿತ 20 ಓವರ್​​ನಲ್ಲಿ 7 ವಿಕೆಟ್​ ನಷ್ಟಕ್ಕೆ 186 ರನ್​​ ಗಳಿಸಿತು. ಟೀಂ ಇಂಡಿಯಾಗೆ ಆಸಿಸ್​​ 187 ರನ್​ ಬಿಗ್​ ಟಾರ್ಗೆಟ್​ ಕೊಟ್ಟಿತ್ತು.

ಆಸಿಸ್​ ನೀಡಿದ ಬೃಹತ್​​ ಮೊತ್ತದ ಗುರಿ ಬೆನ್ನತ್ತಿದ ಟೀಂ ಇಂಡಿಯಾ ಪರ ಮಿಸ್ಟರ್​​ 360 ಡಿಗ್ರೀ ಸೂರ್ಯಕುಮಾರ್​​ ಯಾದವ್​​​​ ಅತ್ಯದ್ಭುತ ಬ್ಯಾಟಿಂಗ್​ ಮಾಡಿದ್ರು. ಆಸ್ಟ್ರೇಲಿಯಾ ಬೌಲರ್ಸ್​ ಬೆಂಡೆತ್ತಿದ್ರು.

ಕೇವಲ 36 ಬಾಲ್​​ನಲ್ಲಿ 5 ಬಿಗ್​ ಸಿಕ್ಸರ್​​, 5 ಫೋರ್​​ ಸಮೇತ ಬರೋಬ್ಬರಿ 69 ರನ್​​​ ಸಿಡಿಸಿದ್ರು ಸೂರ್ಯ. 192 ಸ್ಟ್ರೈಕ್​ ರೇಟ್​​ನಲ್ಲಿ ಬ್ಯಾಟ್​​ ಬೀಸಿ ಸಖತ್​ ಎಂಟರ್ಟೈನ್​​​​​ ಮಾಡಿದ್ರು.

Download the Newsfirstlive app

ಕೊನೇವರೆಗೂ ಕ್ರೀಸ್​ನಲ್ಲಿ ನಿಂತು ಆಡಿದ ಕೊಹ್ಲಿ, 4 ಸಿಕ್ಸರ್​​, 3 ಫೋರ್​ ಸಮೇತ 63 ರನ್​ ಸಿಡಿಸಿದ್ರು. ಹಾರ್ದಿಕ್​​ ಪಾಂಡ್ಯ 1 ಸಿಕ್ಸರ್​​, 2 ಫೋರ್​ ಸಮೇತ 25 ರನ್​ ಸಿಡಿಸಿ ಗೆಲುವು ತಂದುಕೊಟ್ಟರು. ಟೀಂ ಇಂಡಿಯಾ 19.5 ಓವರ್​​ಗೆ 4 ವಿಕೆಟ್​ ನಷ್ಟಕ್ಕೆ 187 ರನ್​​ ಗಳಿಸಿ ಸೀರೀಸ್​ ಗೆದ್ದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ