ಪ್ರೇಮಿಗಳಿಗೆ ಇಂದು ಶುಭ ದಿನ -ಏನ್ ಹೇಳ್ತಿದೆ ನಿಮ್ಮ ಭವಿಷ್ಯ..?

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮರಾಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಾಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶುಭಕೃತು ನಾಮಸಂವತ್ಸರ, ದಕ್ಷಿಣಾಯನ, ಹೇಮಂತ ಋತು, ಮಾರ್ಗಶಿರ ಮಾಸ, ಶುಕ್ಲಪಕ್ಷ, ತೃತಿಯಾ (ತದಿಗೆ) ಮೂಲ ನಕ್ಷತ್ರ-ಶೂಲನಾಮಯೋಗ-ತೈತಿಲಕರಣ. ರಾಹುಕಾಲ-ಶನಿವಾರ – 9.00 ರಿಂದ 10.30 ರವರೆಗೆ ಇರಲಿದೆ.

ಮೇಷ

• ನಿಮ್ಮ ಕಾರ್ಯಕ್ಷೇತ್ರದಲ್ಲಿ ವಿಶೇಷವಾದ ತಲ್ಲೀನತೆ ಹೊಂದಿರುತ್ತೀರಿ
• ವಿದ್ಯಾರ್ಥಿಗಳು ಈ ದಿನ ಎಲ್ಲಿಲ್ಲದ ಕಾಳಜಿವಹಿಸಿ ಅಧ್ಯಯನ ಮಾಡುತ್ತೀರಿ
• ವ್ಯವಹಾರದ ಬಗ್ಗೆ ದೊಡ್ಡ ಮಟ್ಟದಲ್ಲಿ ಚರ್ಚೆ ನಡೆಯುತ್ತದೆ
• ಕೋಪ ಮತ್ತು ಆತುರದ ನಿರ್ಧಾರ ಬೇಡ
• ಬೇರೆಯವರ ಮೇಲಿನ ಕೋಪದಿಂದ ಯಾವ ವ್ಯವಹಾರದ ಮಾತುಗಳನ್ನು ಆಡಬಾರದು
• ಪ್ರೇಮಿಗಳಿಗೆ ಶುಭವಿದೆ ಸದುಪಯೋಗ ಮಾಡಿಕೊಳ್ಳಿ
• ಕುಲದೇವತಾ ಪ್ರಾರ್ಥನೆ ಮಾಡಿ

ವೃಷಭ

• ಆಲಸ್ಯವನ್ನು ದೂರಮಾಡಿ ಉತ್ತಮವಾದ ಚಟುವಟಿಕೆಯಲ್ಲಿ ಪಾಲ್ಗೊಳ್ಳಿ
• ಆಲಸ್ಯವೇ ರೋಗವಾಗಿ ಪರಿಣಮಿಸಬಹುದು
• ಪರಿಶ್ರಮ ಪಡುವವರಿಗೆ ಈ ದಿನ ಶುಭವಿದೆ
• ವ್ಯವಹಾರದಲ್ಲಿ ದೂರದೃಷ್ಟಿಯಿರಲಿ ಇಂದು ಅಲ್ಪ ಲಾಭ ಕಾಣಬಹುದು
• ಉತ್ತಮವಾದ ಆಹಾರ ಸೇವಿಸಬಹುದು
• ಮಕ್ಕಳು ಶಾಲೆಗೆ ಹೋಗಲು ನಿರ್ಲಕ್ಷಿಸಬಹುದು
• ಇಷ್ಟದೇವತಾ ಆರಾಧನೆ ಮಾಡಿ

ಮಿಥುನ

• ತುಂಬಾ ಪ್ರೌಢವಾಗಿ, ಬೌದ್ಧಿಕವಾಗಿ ಆಲೋಚನೆ ಮಾಡಿ
• ಎಲ್ಲಾ ವಿಚಾರದಲ್ಲೂ ತೀರ್ಮಾನ ತೆಗೆದುಕೊಳ್ಳೊ ಯೋಗ ಬರುತ್ತದೆ
• ಪಿತ್ರಾರ್ಜಿತ ಆಸ್ತಿಯ ಪಾಲು, ಲಾಭ ದೊರೆಯಬಹುದು
• ನಿಮ್ಮೆಲ್ಲಾ ಕೆಲಸಗಳು ಸಕಾಲದಲ್ಲಿ ಪೂರ್ಣಗೊಳ್ಳಲಿದೆ
• ವ್ಯಾವಹಾರಿಕವಾಗಿ ಧನಾತ್ಮಕ ಬದಲಾವಣೆ
• ಮನೆಯವರ, ಸ್ನೇಹಿತರ ಪ್ರೋತ್ಸಾಹದಿಂದ ಉತ್ಸಾಹಿಗಳಾಗುತ್ತೀರಿ
• ತಾಯಿಯವರ ಬಗ್ಗೆ ಸ್ವಲ್ಪ ಎಚ್ಚರಿಕೆ ವಹಿಸಿ ಅವರಿಗೆ ತೊಂದರೆಯಾಗುವ ಸಾಧ್ಯತೆ ಇದೆ

ಕಟಕ

• ತಿದ್ದಲು ಸಾಧ್ಯವಾಗದ ಸ್ನೇಹಿತರು ನಿಮ್ಮ ಸಂಪರ್ಕದಲ್ಲಿರಬಹುದು
• ಕುಟುಂಬದಲ್ಲಿ ವಿನಾಕಾರಣ ಆತಂಕಗಳು ಇರುತ್ತವೆ
• ನಿಮ್ಮ ನಡವಳಿಕೆಯಿಂದ ಪೊಲೀಸ್ ಸ್ಟೇಷನ್, ಕೋರ್ಟ್ ಗಳಿಗೆ ಹೋಗಬಹುದಾದ ದಿನ
• ಮಾತನಾಡಬೇಕಾದರೆ ಯೋಚಿಸಿ ಮಾತಾಡಿ ನಯ ವಿನಯದಿಂದ ವರ್ತಿಸಿ
• ಹಣ ಅಥವಾ ಯಾವುದೋ ನಿರೀಕ್ಷೆಯಿಂದ ದುರ್ಮಾಗವನ್ನು ಹುಡುಕಿಕೊಂಡು ಹೋಗುವುದು
• ಹಣಕ್ಕಿಂತ ಮರ್ಯಾದೆ ಮುಖ್ಯ ಎಂದು ಅರಿಯಬೇಕಾದ ದಿನ
• ವಿದ್ಯಾರ್ಥಿಗಳಿಗೆ ಕಳ್ಳತನದ ಆರೋಪ ಬರಬಹುದು
• ಗುರು ದಕ್ಷಿಣಾಮೂರ್ತಿಯನ್ನು ಪ್ರಾರ್ಥಿಸಿ

ಸಿಂಹ

• ಕುಟುಂಬದಲ್ಲಿ ಹಬ್ಬದ ವಾತಾವರಣವಿರುತ್ತದೆ
• ಪ್ರತಿಯೊಂದು ಕೆಲಸವೂ ಸಕಾಲಕ್ಕೆ ನಡೆದು ಮನಸ್ಸಿಗೆ ಸಮಾಧಾನವಿರುತ್ತದೆ
• ಕುಟುಂಬದಲ್ಲಿ ಅನ್ಯೋನ್ಯತೆ ತನ್ನಿಂದ ತಾನೇ ಬೆಳೆಯುತ್ತದೆ
• ಹೊಸ ಯೋಜನೆಗಳಿಗೆ ಮಾತುಕತೆ ನಡೆಯುತ್ತದೆ
• ವಿಹಾರಕ್ಕಾಗಿ ಹೊರಗೆ ಹೋಗುವ ಸಾಧ್ಯತೆಗಳಿವೆ
• ಪ್ರಾಣಿಗಳಿಂದ ಎಚ್ಚರಿಕೆಯಿಂದಿರಬೇಕು
• ಪುಬ್ಬಾ ನಕ್ಷತ್ರದವರಿಗೆ ಶನಿದೆಸೆ ನಡೆಯುತ್ತಿದೆ ಸ್ವಲ್ಪ ತೊಂದರೆ ಇದೆ ಎಚ್ಚರಿಕೆ
• ಶನೈಶ್ವರನನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ನೀವು ಯಾವುದೇ ರೀತಿಯ ತಪ್ಪು ಮಾಡಿರುವುದಿಲ್ಲ
• ಆದರೆ ನಿಮ್ಮ ಮಾತಿನ ಶೈಲಿ ನಿಮಗೆ ಅವಮಾನ ಮಾಡುತ್ತದೆ
• ವ್ಯಾಪಾರ, ವ್ಯವಹಾರದಲ್ಲಿ ಜಾಗರೂಕರಾಗಿರಿ
• ಖರೀದಿಸಿರುವ ಪದಾರ್ಥವನ್ನು ಅಲ್ಲೇ ಬಿಟ್ಟು ಬರುವ ಸಾಧ್ಯತೆಗಳಿರುತ್ತವೆ
• ವಾಹನಕ್ಕೆ ಹಾನಿಯಿದೆ ಎಚ್ಚರವಹಿಸಿ
• ವಿನಾಕಾರಣ ವಾದ-ವಿವಾದಕ್ಕೆ ಕಾರಣರಾಗುತ್ತೀರಿ
• ಬಿಡುವಿನ ಸಮಯದಲ್ಲಿ ಯಾವುದಾದರೂ ಉತ್ತಮ ಪುಸ್ತಕಗಳನ್ನು ಓದಿ
• ಬೇರೆಯವರ ವಿಚಾರ ಪ್ರಸ್ತಾಪ ಮಾಡಬೇಡಿ
• ಕುಲದೇವತೆಯನ್ನು ಆರಾಧನೆ ಮಾಡಿ

ತುಲಾ

• ನೀವು ಕೇಳಿರದ ಧಾರ್ಮಿಕ ಕ್ಷೇತ್ರದ ಮಾಹಿತಿ ತಿಳಿದುಕೊಂಡು ಆಶ್ವರ್ಯ ಚಕಿತರಾಗುತ್ತೀರಿ
• ಅಲ್ಲಿಗೆ ದರ್ಶನಕ್ಕಾಗಿ ಹೋಗಬೇಕೆಂಬ ತುಡಿತದಲ್ಲಿರುತ್ತೀರಿ, ಧನಾತ್ಮಕ ಚಿಂತನೆ
• ನೀವು ಮಾಡುವ ಕೆಲಸದಲ್ಲಿ ಅರ್ಧ ಮನಸ್ಸು ಅರ್ಧ ಆಲಸ್ಯವಿರುವಂತಹದ್ದು
• ವಿದ್ಯಾರ್ಥಿಗಳಿಗೆ ತಾವು ಮಾಡಿದ ತಪ್ಪಿನಿಂದ ಅವಮಾನವಾಗುವ ಸಾಧ್ಯತೆ
• ಸರಿಪಡಿಸಿಕೊಳ್ಳುವ ಪ್ರಯತ್ನ ಮಾಡಿ ಶುಭವಾಗಲಿದೆ
• ಮನೆಯ ಅಲಂಕಾರ,ವಸ್ತು ಖರೀದಿಯ ವಿಚಾರದಲ್ಲಿ ವಾಗ್ವಾದ ನಡೆಯಬಹುದು
• ನಿಮ್ಮ ಗುರಿಯ ಬಗ್ಗೆ ಹೆಚ್ಚು ಗಮನಹರಿಸಿ
• ಕಾನೂನಿಗೆ ವಿರುದ್ಧವಾದಂತಹ ಯಾವುದೇ ಕೆಲಸದಲ್ಲಿ ಜಯ ಇರುವುದಿಲ್ಲ
• ಭಗವತಿಯನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

• ನಾಗಾಲೋಟದಿಂದ ಓಡುತ್ತಿರುವ ಈ ಪ್ರಪಂಚದ ಜೊತೆಯಲ್ಲಿ ಬದುಕಲು ಸಾಧ್ಯವಾ ಎಂಬ ಪ್ರಶ್ನೆಯಿಂದ ಹತಾಶರಾಗಬೇಡಿ ಧೈರ್ಯವಾಗಿರಿ
• ವಿದ್ಯಾರ್ಥಿಗಳಿಗೆ ಅಧ್ಯಯನದ ವಿಚಾರದಿಂದ ಸ್ವಲ್ಪ ಗೊಂದಲ ಸರಿಪಡಿಸಿಕೊಳ್ಳಿ
• ಮಕ್ಕಳ ಶೈಕ್ಷಣಿಕ ಖರ್ಚು ಮನಸ್ಸಿಗೆ ಬೇಸರ ತರಬಹುದು ತಾಳ್ಮೆಯಿರಲಿ
• ಬೇರೆಯವರ ಕೆಲಸಗಳಲ್ಲಿ ಹಸ್ತಕ್ಷೇಪ ಮಾಡಬೇಡಿ
• ನಿಮ್ಮ ಅನುಮಾನಾಸ್ಪದ ನಡವಳಿಕೆಯಿಂದ ಪರಿಚಿತಸ್ಥರಿಗೆ ನಿಮ್ಮ ಮೇಲೆ ಕೋಪ ಬರಬಹುದು
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥಿಸಿ

ಧನಸ್ಸು

• ಕುಟುಂಬದವರು, ನಿಮ್ಮ ಕೈಕೆಳಗೆ ಕೆಲಸ ಮಾಡುವವರು, ಸಹೋದ್ಯೋಗಿಗಳು ನಿಮ್ಮ ಮೇಲೆಯೇ ಇಂದು ಅವಲಂಬಿತರಾಗಿರುತ್ತಾರೆ
• ನೀವು ಆರಾಮವಾಗಿ ಕಾಲಹರಣ ಮಾಡುತ್ತೀರಿ
• ವಿದೇಶ ಪ್ರಯಾಣದ ಸೂಚನೆ ಸಿಗಲಿದೆ
• ಸವಾಲುಗಳನ್ನು ಎದುರಿಸಲು ಸಮರ್ಥರಾಗಿರುತ್ತೀರಿ
• ನಿಮ್ಮ ಕೆಲಸಗಳನ್ನು ವ್ಯವಸ್ಥಿತವಾಗಿ ನಿಭಾಯಿಸಲು ನೀವು ಶಕ್ತರಾಗಿರುತ್ತೀರಿ
• ಬೇರೆಯವರ ಮಾತಿಗೆ ಶಾಪಕ್ಕೆ ಗುರಿಯಾಗಬೇಕಾಗುತ್ತೆ
• ಕರ್ತವ್ಯ ಪ್ರಜ್ಞೆ ಎಲ್ಲವನ್ನೂ ದೂರ ಮಾಡುವಂತದ್ದು
• ಜಗನ್ಮಾತೆಯನ್ನು ಆರಾಧನೆ ಮಾಡಿ

ಮಕರ

• ವಿದ್ಯಾರ್ಥಿಗಳಿಗೆ ಹೊರ ಪ್ರಪಂಚದ ವಿಚಾರಗಳು, ವಸ್ತುಗಳು ಆಕರ್ಷಿಸುವುದರಿಂದ ತೊಂದರೆಗೆ ಈಡಾಗುತ್ತೀರಿ
• ಓದು ಬರಹಕ್ಕೆ ಈ ದಿನ ವಿಶ್ರಾಂತಿ ಸಿಗಲಿದೆ
• ಸ್ತ್ರೀಯರಿಗೆ ಆರೋಗ್ಯ ಸಮಸ್ಯೆ ಕಾಡಬಹುದು
• ಸರ್ಕಾರದ ಅನುದಾನಗಳು ಸಹಾಯಗಳು ಅಡ್ಡಿಯಾಗುವ ಸಾಧ್ಯತೆ ಇದೆ
• ಸಮೂಹ ಸಹಕಾರದಿಂದ ಮಾತ್ರ ನಿಮ್ಮ ಪರಿಶ್ರಮಕ್ಕೆ ಫಲವಿರುತ್ತದೆ
• ಅನುಪಯುಕ್ತ ಮಾತು ಸಭೆ, ಯಾವುದು ಪ್ರಯೋಜನಕ್ಕೆ ಬರುವುದು
• ಕುಬೇರ ಲಕ್ಷ್ಮಿಯನ್ನು ಪ್ರಾರ್ಥಿಸಿ

ಕುಂಭ

• ದೊಡ್ಡ ದೊಡ್ಡ ಕಂಪನಿಗಳಲ್ಲಿ ಕೆಲಸ ನಿರ್ವಹಿಸುವವರಿಗೆ ನೌಕರಿಯ ಭೀತಿ ಕಾಡಬಹುದು
• ಭವಿಷ್ಯದಲ್ಲಿ ಜೀವನದ ಆಲೋಚನೆ ಇರದವರು ಇಂದು ಹೆಚ್ಚು ಹಣವನ್ನು ಖರ್ಚು ಮಾಡುತ್ತೀರಿ
• ಹಣದ ಸಮಸ್ಯೆ ಏನು ಅನ್ನುವುದು ಗೊತ್ತಿಲ್ಲದೆ ಮುಂದೆ ಕಷ್ಟವಾಗಬಹುದು
• ಹಲವು ಕಾರ್ಯಗಳ ಪ್ರಾರಂಭ ಮಾಡುತ್ತೀರಿ ಮುಂಗಡ ಹಣವನ್ನು ಕೊಡುತ್ತೀರಿ
• ಇದನ್ನ ಮುಂದುವರೆಸಿಕೊಂಡು ಹೋಗಲು ಕಷ್ಟ ಆಗಬಹುದು ಜಾಗ್ರತೆ
• ಧಾರ್ಮಿಕ ಕಾರ್ಯಗಳಲ್ಲಿ ಭಕ್ತಿ, ಶ್ರದ್ಧೆ ಇರುವುದಿಲ್ಲ
• ನಿಮ್ಮ ತಪ್ಪಿನ ಅರಿವು ಈ ದಿನ ನಿಮಗೆ ಗೊತ್ತೇ ಆಗುವುದಿಲ್ಲ ಮುಂದೆ ಪಶ್ಚಾತ್ತಾಪ ಪಡುತ್ತೀರಿ
• ಕುಲದೇವತಾ ಸ್ಮರಣೆ ಮಾಡಿ

ಮೀನ

• ರಾಜಕೀಯದಲ್ಲಿ ಪಳಗಿರುವವರಿಗೆ ಅಪಮಾನವಾಗುವ ಸಾಧ್ಯತೆ
• ಹೊಸಬರ ಪರ ಮಾತನಾಡಲು ಹೋಗಿ ಮೇಲಿನವರ ಅಪಕೃಪೆಗೆ ಪಾತ್ರರಾಗಬಹುದು
• ಭೂ ಸಂಬಂಧವಾದ ವ್ಯವಹಾರ ಕೈಗೂಡುವುದಿಲ್ಲ ಜಗಳ ಸಾಧ್ಯತೆ ಇದೆ
• ಹೆಣ್ಣು ಮಕ್ಕಳಿಗೆ ಪಿತ್ರಾರ್ಜಿತ ಆಸ್ತಿ ಲಭ್ಯವಾಗಬಹುದು
• ಮಕ್ಕಳ ಭವಿಷ್ಯ ಉಜ್ವಲವಾಗುವ ಹಲವಾರು ಸೂಚನೆಗಳಿವೆ
• ಮಾನಸಿಕ ಸಮಾಧಾನವಿರಲಿ
• ಜಗಳ ಮತ್ತು ಗಲಭೆಗಳಲ್ಲಿ ಭಾಗಿಯಾಗಬೇಡಿ
• ತಿರುಪತಿ ಶ್ರೀನಿವಾಸನನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ