RCB ಅಚ್ಚರಿ ಆಯ್ಕೆ.. ಬೆಸ್ಟ್​ ಪಿಕ್​ ಯಾವ್ದು..? ಟೀಮ್​ ಬ್ಯಾಲೆನ್ಸ್​ ಹೇಗಿದೆ..?

ಇದ್ದದ್ದೇ 8.75 ಕೋಟಿ. ಇದು ಆರ್​ಸಿಬಿ ಪರ್ಸ್​​ನಲ್ಲಿದ್ದ ಮೊತ್ತ. ಎಲ್ಲಾ ಫ್ರಾಂಚೈಸಿಗಳು, ದೊಡ್ಡ ದೊಡ್ಡ ಆಟಗಾರರನ್ನೇ ಬುಟ್ಟಿಗೆ ಹಾಕಿಕೊಳ್ತಿದ್ರೆ ಆರ್​ಸಿಬಿ ಮಾತ್ರ ಕಣ್ಣು​​ಕಣ್ಣು ಬಿಟ್ಟ ನೋಡ್ತಿತ್ತು. ಇದ್ರ ನಡುವೆಯೂ ನಮ್ಮ ಬೆಂಗಳೂರು, ಕೆಲ ಅರ್ಥವಿಲ್ಲದ ಆಟಗಾರರನ್ನ ಪಿಕ್ ಮಾಡಿ, ಅಚ್ಚರಿ ಮೂಡಿಸಿದೆ.

ಪರ್ಸ್​​​​ನಲ್ಲಿ ಕಡಿಮೆ ದುಡ್ಡಿದ್ರೂ ಆರ್​​ಸಿಬಿ ಲೆಕ್ಕಾಚಾರ ಜೋರಾಗೇ ಇತ್ತು. ಮೈಂಡ್​​​​​​​​​​​ನಲ್ಲಿ ಕೆಲ ಪ್ಲೇಯರ್​​ಗಳನ್ನ ಟಾರ್ಗೆಟ್​ ಮಾಡ್ಬೇಕು ಎಂದು ಫಿಕ್ಸ್​ ಆಗಿತ್ತು. ಹೀಗಾಗಿ ಸ್ಯಾಮ್​ ಕರನ್, ಕ್ಯಾಮರೂನ್​​​​ ಗ್ರೀನ್​, ಬೆನ್​​​ ಸ್ಟೋಕ್ಸ್​.. ಹೀಗೆ ಕೆಲವ್ರು ಸಿಕ್ತಾರೇನೋ ಅಂತ ಕಲ್ಲು ಹಾಕಿತು. ಅಷ್ಟೊಂದು ಸುಲಭವಾಗಿರಲಿಲ್ಲ. ಕೊನೆಗೆ ಆರ್​ಸಿಬಿ ತಾಳ್ಮೆಯಿಂದಲೇ ಆಕ್ಷನ್​​ನಲ್ಲಿ ಕೆಲ ಪ್ಲೇಯರ್​​ಗಳನ್ನ ಖರೀದಿಸ್ತು.

Download the Newsfirstlive app

ವಿಲ್​​ ಜಾಕ್ಸ್: 3 ಕೋಟಿ 20 ಲಕ್ಷ
ಕಡಿಮೆ ದುಡ್ಡಲ್ಲೂ ಆರ್​ಸಿಬಿ, ಉತ್ತಮ ಪಿಕ್​ ಮಾಡಿದೆ. ಅಳೆದು ತೂಗಿ ಬಿಡ್​ ಮಾಡಿದ ಬೆಂಗಳೂರು, ಹೊಡಿಬಡಿ ಆಟಗಾರನಿಗೇ ಗಾಳ ಹಾಕಿದೆ. ದುಬೈನಲ್ಲಿ ನಡೆದ T10 ಪಂದ್ಯವೊಂದ್ರಲ್ಲಿ ಇಂಗ್ಲೆಂಡ್‌ನ ವಿಲ್ ಜ್ಯಾಕ್ಸ್, 25 ಎಸೆತಗಳಿಗೆ ಶತಕ ಚಚ್ಚಿ ವಿಶ್ವದ ಗಮನ ಸೆಳೆದಿದ್ದ. ಜೊತೆಗೆ ಒಂದೇ ಓವರ್‌ನಲ್ಲಿ 6 ಸಿಕ್ಸರ್ ಬಾರಿಸಿದ್ದ. ಅಂತಾರಾಷ್ಟ್ರೀಯ ಕ್ರಿಕೆಟ್​​ನಲ್ಲೂ ಧೂಳೆಬ್ಬಿಸಿರುವ ಈ ಯಂಗ್​ ಕ್ರಿಕೆಟರ್,​​ ರೆಡ್​ ಆರ್ಮಿಗೆ ಸೇರಿದ್ದು ತಂಡದ ಬಲ ಹೆಚ್ಚಿಸಿದೆ. ಈ ಸ್ಫೋಟಕ ಬ್ಯಾಟ್ಸ್​ಮನ್​, ಫಿನಿಷರ್​​​​​ ದಿನೇಶ್​ ಕಾರ್ತಿಕ್​ಗೆ ಒಳ್ಳೆ ಜೋಡಿ ಕೂಡ ಆಗಿದ್ದಾರೆ.

𝗦𝘁𝗿𝗼𝗻𝗴 𝗰𝗼𝗿𝗲 𝗮𝗻𝗱 𝘁𝗵𝗲𝗻 𝘀𝗼𝗺𝗲 𝗺𝗼𝗿𝗲. 💪

Pretty much sums up our Class of 2023. We’re summer ready! Aren’t we, 12th Man Army? 😍#PlayBold #WeAreChallengers #IPL2023 #ClassOf2023 pic.twitter.com/JhPKnldrP6

— Royal Challengers Bangalore (@RCBTweets) December 24, 2022

ರಿಸಿ ಟಾಪ್ಲೆ: 1 ಕೋಟಿ 90 ಲಕ್ಷ
ರಿಸಿ ಟಾಪ್ಲೆ, ಇಂಗ್ಲೆಂಡ್ ತಂಡದ ಲೆಫ್ಟ್​​​​​​​​​ ಆರ್ಮ್​ ಪೇಸರ್​​​​. 6.7 ಅಡಿ ಇರುವ ಈ ಆಜಾನುಬಾಹು ಮೇಲೆ ಆರ್​ಸಿಬಿ, 1 ಕೋಟಿ 90 ಲಕ್ಷ ಬಂಡವಾಳ ಹೂಡಿದೆ. 75 ಲಕ್ಷ ಬೇಸ್​​​ಪ್ರೈಸ್​​ ಹೊಂದಿದ್ದ ಟಾಪ್ಲೆ, ಹೇಜಲ್​​ವುಡ್​ಗೆ ಬೆಸ್ಟ್​​​ ಬ್ಯಾಕಪ್​ ಆಗಿದ್ದಾರೆ. ಎರಡೂ ರೀತಿಯಲ್ಲಿ ಚೆಂಡನ್ನ ಸ್ವಿಂಗ್​ ಮಾಡುವ ಟೋಪ್ಲಿಗಾಗಿ ಬಿಡ್ಡಿಂಗ್​​ನಲ್ಲಿ ಮುಂಬೈ, ಚೆನ್ನೈ, ಆರ್​​​ಸಿಬಿ ಟೀಮ್​ಗಳು, ತೀವ್ರ ಪೈಪೋಟಿ ನಡೆಸಿದ್ವು. ಕೊನೆಗೆ ಟಾಪ್ಲೆ ಆರ್​​ಸಿಬಿ ಪಾಲಾದ್ರು. ವಿಲ್​ ಜಾಕ್​, ರಿಸಿ ಟೋಪ್ಲೆ, ಅಷ್ಟೇ ಅಲ್ಲ. ಇನ್ನೂ ಕೆಲ ಯಂಗ್​ ಕ್ರಿಕೆಟ್​ಗಳೂ ಆರ್​ಸಿಬಿಗೆ ತಮಡ​ ಸೇರಿದ್ದಾರೆ.

RCB ತಂಡವನ್ನ​ ಸೇರಿದವರು..!

• ರಾಜನ್​ ಕುಮಾರ್ 70 ಲಕ್ಷ
• ಅವಿನಾಶ್​ ಸಿಂಗ್ 60 ಲಕ್ಷ
• ಮನೋಜ್​ ಬಂಡಗೆ 20 ಲಕ್ಷ
• ಹಿಮಾಂಶು ಶರ್ಮಾ 20 ಲಕ್ಷ
• ಸೋನು ಯಾದವ್​​ 20 ಲಕ್ಷ
• ಆರ್​​ಸಿಬಿ ಸ್ಕೌಟ್ಸ್​ ಲೆಕ್ಕಚಾರವೇ ಅರ್ಥವಾಗ್ಲಿಲ್ಲ..!

ಆರ್​ಸಿಬಿ ಲೆಕ್ಕಾಚಾರ, ಎಲ್ಲರನ್ನೂ ಗೊಂದಲಕ್ಕೆ ಸಿಲುಕಿಸಿದೆ. ಯುವ ಆಟಗಾರರ ದಂಡನ್ನೇ ಖರೀದಿಸಿರುವ ಆರ್​ಸಿಬಿಗೆ, ಆ ಕ್ರಿಕೆಟಿಗರು ಯಾರು..? ಅವ್ರ ಹಿನ್ನಲೆ ಏನು ಅಂತ ಗೊತ್ತಿದಿಯೋ ಇಲ್ವೋ ಗೊತ್ತಿಲ್ಲ. ಆದ್ರೆ ಯುವಕರನ್ನ ಗುಡ್ಡೆ ಹಾಕಿಕೊಂಡಿರೋ ಆರ್​ಸಿಬಿ, ಖಂಡಿತ ಗ್ಯಾಂಬ್ಲಿಗ್​ ಮಾಡಿರೋದಂತೂ ಸುಳ್ಳಲ್ಲ.

RCB ಬೆಸ್ಟ್​ ಪಿಕ್​ ಯಾವ್ದು..? ಟೀಮ್​ ಬ್ಯಾಲೆನ್ಸ್​ ಹೇಗಿದೆ?
ಟಿ20 ಕ್ರಿಕೆಟ್​​​​​ಗೆ ಹೇಳಿ ಮಾಡಿಸಿದಂತಿರೋ ಇಂಗ್ಲೆಂಡ್​​ನ ವಿಲ್​​ ಜಾಕ್ಸ್​​​, RCBಯ ಬೆಸ್ಟ್​ ಪಿಕ್​​​. ಅಗ್ರೆಸ್ಸಿವ್​ ಬ್ಯಾಟ್ಸ್​​ಮನ್​ ಜೊತೆಗೆ ಮ್ಯಾಚ್​ ಫಿನಿಷರ್​ ಆಗಿರುವ ಜಾಕ್ಸ್​, ಆರ್​​​​ಸಿಬಿಗೆ ಬಲ ತುಂಬಲಿದ್ದಾರೆ. ಆದ್ರೆ ಆರ್​​ಸಿಬಿ ಟೀಮ್​ ಬ್ಯಾಲೆನ್ಸ್​​​​ ನೋಡ್ತಾ ಇದ್ರೆ, ಕಳೆದ ಬಾರಿಗೂ, ಈ ಬಾರಿಗೂ ಯಾವುದೇ ವ್ಯತ್ಯಾಸ ಕಾಣ್ತಿಲ್ಲ.

Joining RCB’s #ClassOf2023:

Name: Will Jacks
Price: 320L

Welcome to the RCB family! ❤️#PlayBold #WeAreChallengers #IPL2023 #IPL2023Auction pic.twitter.com/gsqumWPITW

— Royal Challengers Bangalore (@RCBTweets) December 23, 2022

ಹರಾಜಿನಲ್ಲಿ ಆರ್​​ಸಿಬಿ ಸ್ಟ್ರಾಟಜಿನೇ, ಅರ್ಥವಾಗ್ಲಿಲ್ಲ.!
ಒಟ್ನಲ್ಲಿ..ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ, ಲೋಕಲ್​ ಟ್ಯಾಲೆಂಟ್​ ಅನ್ನ ಮಿಸ್​ ಮಾಡಿಕೊಂಡಿದೆ. ನಮ್ಮ ರಾಜ್ಯದ ಕೆಲ ಆಟಗಾರರನ್ನ ಆರ್​ಸಿಬಿ, ಬಿಡ್​ ಮಾಡಿ ಖರೀದಿಸಬಹುದಿತ್ತು. ಆದ್ರೆ ಆರ್​ಸಿಬಿ, ಆ ಸಾಹಸಕ್ಕೆ ಕೈ ಹಾಕಲಿಲ್ಲ. ಜೊತೆಗೆ​ ಸ್ಟಾರ್​​ ಆಟಗಾರರ ಖರೀದಿಯಲ್ಲೂ, ರಿಸ್ಕ್​​​ ಕೂಡ ತೆಗೆದುಕೊಳ್ಳಲಿಲ್ಲ. ಏನೇ ಇರಲಿ..! ಆಕ್ಷನ್​ ಏನೋ​ ಮುಗಿತು. ಆದ್ರೆ ಅಭಿಮಾನಿಗಳಿಗೆ ಕಾಡ್ತಿರೋ ಒಂದೇ ಒಂದು ಪ್ರಶ್ನೆ, ಈ ಸಲ ಆರ್​ಸಿಬಿ ಕಪ್​​ ಗೆಲ್ಲುತ್ತಾ ಅನ್ನೋದು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ