ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯ

ಸಿಡಿಲಬ್ಬರದ ಬ್ಯಾಟಿಂಗ್ ಮಾಡಿದ ಲಂಕಾದ ಓಪನರ್ ಕುಸಾಲ್ ಪೆರೆರಾ

ಅತಿ ವೇಗದ ಹಾಫ್ ಸೆಂಚುರಿ ಸಿಡಿಸಿದ 2ನೇ ಶ್ರೀಲಂಕಾದ ಬ್ಯಾಟ್ಸ್​ಮನ್

ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನ್ಯೂಜಿಲೆಂಡ್​​ ಮತ್ತು ಶ್ರೀಲಂಕಾ ತಂಡಗಳ ಮಧ್ಯೆ ವಿಶ್ವಕಪ್ ಹಣಾಹಣಿ ನಡೆಯುತ್ತಿದೆ.  ಪಂದ್ಯದ ವೇಳೆ ಲಂಕಾದ ಬ್ಯಾಟ್ಸ್​ಮನ್​ ಕುಸಾಲ್ ಪೆರೆರಾ ಅತಿ ವೇಗದ ಅರ್ಧ ಶತಕ ಬಾರಿಸಿ ವಿಶ್ವ ದಾಖಲೆ ಮಾಡಿದ್ದಾರೆ.

ಟಾಸ್​​ ಗೆದ್ದುಕೊಂಡ ಕಿವೀಸ್, ಎದುರಾಳಿ ಶ್ರೀಲಂಕಾ ತಂಡವನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿತು. ಓಪನರ್ ಆಗಿ ಕ್ರೀಸ್​ಗೆ​ ಆಗಮಿಸಿದ ಪಾತುಂ ನಿಸ್ಸಾಂಕ ಮತ್ತು ಕುಸಾಲ್ ಪೆರೆರಾ ಉತ್ತಮ ಆರಂಭವೇನು ಪಡೆಯಲಿಲ್ಲ. ಕೇವಲ 2 ರನ್​ಗೆ ನಿಸ್ಸಾಂಕ ಕ್ಯಾಚ್​ ನೀಡಿ ಪೆವಿಲಿಯನ್​ಗೆ ನಡೆದರು. ಆದ್ರೆ ಕ್ರೀಸ್​ ಕಾಯ್ದುಕೊಂಡ ಪೆರೆರಾ ಧೈರ್ಯ ಕಳೆದುಕೊಳ್ಳದೇ ಸಿಡಿಲಬ್ಬರದ ಬ್ಯಾಟಿಂಗ್​ಗೆ ಮುಂದಾದರು.

#NZvSL #ICCRankings #ICCCricketWorldCup #WorldCup2023 Kusal Perera is on the attack..👍👍👍👍#NZVSL #Cricket #CricketReels #CWC23 pic.twitter.com/nAuWWYy7Bp

— Rustam Gopang (@RustamGopang) November 9, 2023

ಕೀವಿಸ್​ ಬೌಲರ್​ಗಳನ್ನ ಆರಂಭದಲ್ಲಿ ದಂಡಿಸಿದ ಪೆರೆರಾ ಕೇವಲ 22 ಎಸೆತಗಳಲ್ಲಿ 9 ಬೌಂಡರಿ, 2 ಸಿಕ್ಸರ್​ ಸಮೇತ 50 ರನ್​ ಸಿಡಿಸಿದರು. ಅತಿ ವೇಗವಾಗಿ ಹಾಫ್​ ಸೆಂಚುರಿ ಸಿಡಿಸಿದ 2ನೇ ಆಟಗಾರ ಎಂಬ ಖ್ಯಾತಿಗೆ ಶ್ರೀಲಂಕಾದ ಪೆರೆರಾ ಪಾತ್ರರಾಗಿದ್ದಾರೆ. ಈ ವೇಳೆ 51 ರನ್​ ಗಳಿಸಿ ಆಡುವಾಗ ಪೆರೆರಾ ಸ್ಯಾಟ್ನರ್​ಗೆ ಕ್ಯಾಚ್​ ನೀಡಿ ಔಟ್​ ಆದರು. ಇದಕ್ಕೂ ಮೊದಲು ಅಂದರೆ 2015ರಲ್ಲಿ ಆಲ್​ ರೌಂಡರ್​ ಮ್ಯಾಥ್ಯೂಸ್ ಕೇವಲ 20 ಎಸೆತಗಳಲ್ಲಿ ಅರ್ಧ ಶತಕ ಸಿಡಿಸಿ ಪ್ರಥಮ ಸ್ಥಾನದಲ್ಲಿದ್ದಾರೆ.

ಸದ್ಯ ಬೆಂಗಳೂರಿನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಶ್ರೀಲಂಕಾ ಟೀಮ್​ 46.4 ಓವರ್​ಗೆ ಎಲ್ಲ ವಿಕೆಟ್​ ಕಳೆದುಕೊಂಡು 171 ರನ್​ಗಳನ್ನು ಮಾತ್ರ ಗಳಿಸಿದೆ. ನ್ಯೂಜಿಲೆಂಡ್ 172 ರನ್‌ ಟಾರ್ಗೆಟ್ ಎದುರಿಸುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ