ಎಲ್ಲದರಲ್ಲೂ 100% ಪ್ರದರ್ಶನ ಕೊಡ್ತಿರುವ ಭಾರತದ ಪ್ಲೇಯರ್ಸ್

ಪಂದ್ಯದಲ್ಲಿ ಅಗ್ರೆಸ್ಸೀವ್ ಬ್ಯಾಟಿಂಗ್ ಮಾಡುತ್ತಿರೋ​ ರೋಹಿತ್ ಶರ್ಮಾ

ರೋಹಿತ್​ ಶರ್ಮಾನೇ ರಿಯಲ್​ ಹೀರೋ, ಫಿಯರ್​ಲೆಸ್​ ಬ್ರ್ಯಾಂಡ್​

ಕಿವೀಸ್​ ಕಿವಿ ಹಿಂಡಿದ ಟೀಮ್​ ಇಂಡಿಯಾ ಫೈನಲ್​ಗೆ ರಾಜನಂತೆ ಎಂಟ್ರಿ ಕೊಟ್ಟಿದೆ. ಎಲ್ಲೆಡೆ ಟೀಮ್ ಇಂಡಿಯಾ ಗೆಲುವಿನ ರೂವಾರಿಗಳಿಗೆ ಜೈಕಾರ ಜೋರಾಗಿದೆ. ಆದ್ರೆ, ಎಲ್ಲರ ಅಬ್ಬರದ ನಡುವೆ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಕಣ್ಮರೆಯಾಗಿದ್ದಾರೆ. ಟೀಮ್​ ಇಂಡಿದ ಸಕ್ಸಸ್​ ಹಿಂದಿನ ಅಸಲಿ ಹಿರೋನನ್ನೆ ಮರೆತರೆ ಹೇಗೆ..? ಈ ವಿಶ್ವಕಪ್​ ಟೂರ್ನಿಯ ಯಶಸ್ಸಿನ ಸೂತ್ರದಾರ ಮುಂಬೈಕರ್​.

ವಿಶ್ವಕಪ್​ ಟೂರ್ನಿಯಲ್ಲಿ ಟೀಮ್​ ಇಂಡಿಯಾ ನಡೆದಿದ್ದೇ ಹಾದಿ. ತವರಿನಂಗಳದಲ್ಲಿ ನಡೀತಾ ಇರೋ ಪ್ರತಿಷ್ಠಿತ ಟೂರ್ನಿಯ ಹೆಮ್ಮೆಯ ಕ್ರಿಕೆಟಿಗರು ಭಾರತ ವಿಜಯಪತಾಕೆಯನ್ನ ಮುಗಿಲೆತ್ತರಕ್ಕೆ ಹಾರಿಸಿದ್ದಾರೆ. ಒಬ್ಬೊಬ್ಬರ ಪರ್ಫಾಮೆನ್ಸ್ ಕೂಡ​ ಅದ್ಭುತ, ಅಮೋಘ. ಬ್ಯಾಟಿಂಗ್​, ಬೌಲಿಂಗ್​, ಫೀಲ್ಡಿಂಗ್​.. ಎಲ್ಲಾ ವಿಭಾಗದಲ್ಲಿ 100 ಪರ್ಸೆಂಟ್​ ಕೊಡ್ತಿರೋ ಪ್ಲೇಯರ್ಸ್​​ ಗೆಲುವಿನ ನಗಾರಿನ ದೇಶದ ಉದ್ದಗಲದಲ್ಲೂ ಬಾರಿಸಿದ್ದಾರೆ. ಈ ಸಕ್ಸಸ್​ ಹಿಂದಿನ ಸೂತ್ರದಾರ ಕ್ಯಾಪ್ಟನ್ ರೋಹಿತ್​ ಶರ್ಮಾ.

ಕ್ಯಾಪ್ಟನ್​ ರೋಹಿತ್​ಗೆ ಸಲ್ಲಬೇಕು ಸಂಪೂರ್ಣ ಶ್ರೇಯ..!

ಈ ವಿಶ್ವಕಪ್​ನಲ್ಲಿ ಅಜೇಯವಾಗಿ ಟೀಮ್​ ಇಂಡಿಯಾ ಫೈನಲ್​ಗೆ ಎಂಟ್ರಿ ಕೊಟ್ಟಿರೋದ್ರ ಹಿಂದೆ ಎಲ್ಲರ ಶ್ರಮವಿದೆ. ಒಗ್ಗಟ್ಟಿನ ಸೂತ್ರ ಯಶಸ್ಸಿನ ಗಿಫ್ಟ್​ ನೀಡಿದೆ. ಇದ್ರಲ್ಲಿ ಅನುಮಾನವೇ ಬೇಡ. ಆದ್ರೆ, ಇದೆಲ್ಲ ಸಾಧ್ಯವಾಗಿದ್ದು ಹೇಗೆ?. ಈ ಪ್ರಶ್ನೆಗೆ ಉತ್ತರ ರೋಹಿತ್​ ಶರ್ಮಾ.. ಸೆಮಿಸ್​ ಗೆದ್ದ ಬಳಿಕ ಕ್ರಿಕೆಟ್​ ಲೋಕ ಕಂಡ ದಿಗ್ಗಜರುಗಳು ಹೇಳ್ತಿರೋ ಮನದ ಮಾತಿದು.

ಸ್ವಾರ್ಥ ಇಲ್ಲ ತಂಡ ಗೆಲ್ಲಬೇಕು ಅನ್ನೋದೆ ಹಂಬಲ.!

ವಿಶ್ವಕಪ್​ ಟೂರ್ನಿಯನ್ನ ನಾವು ಸೂಕ್ಮವಾಗಿ ಗಮನಿಸಿದ್ರೆ, ನೀವೂ ಕೂಡ ಇದೇ ಮಾತನ್ನ ಹೇಳ್ತಿರಾ. ಆರಂಭದಿಂದಲೇ ಅಗ್ರೆಸ್ಸೀವ್​ ಆಟವಾಡ್ತಿರೋ ರೋಹಿತ್​, ಬೌಲರ್​ಗಳ ಬೆಂಡೆತ್ತುತ್ತಿದ್ದಾರೆ. ನಾನು ದೊಡ್ಡ ಇನ್ನಿಂಗ್ಸ್​ ಕಟ್ಟಬೇಕು, ಸೆಂಚುರಿ ಸಿಡಿಸಬೇಕು ಅನ್ನೋ ಚಿಕ್ಕ ಸ್ವಾರ್ಥವೇ ಇಲ್ಲ..

ನನ್ನ ಪ್ರಕಾರ ರೋಹಿತ್​ ರಿಯಲ್​ ಹೀರೋ. ಮೊದಲ ಬಾರಿ ಪರೀಕ್ಷೆಯಾಯಿತು. ಗ್ರೂಪ್​ ಸ್ಟೇಜ್​ನದ್ದು ಒಂದು ಕತೆ. ಆದ್ರೆ, ನಾಕೌಟ್​ ಹಂತದಲ್ಲಿ ಮತ್ತೆ ಭಯಮುಕ್ತರಾಗಿ ಆಡ್ತಾರಾ ಅನ್ನೋ ಪ್ರಶ್ನೆಯಿತ್ತು. ಮೈದಾನಕ್ಕೆ ಇಳಿದ ನಾಯಕ ಇಲ್ಲಿರುವವರಿಗೆ ಹಾಗೂ ಡ್ರೆಸ್ಸಿಂಗ್​ ರೂಮ್​ನಲ್ಲಿದ್ದವರಿಗೆ ಹೀಗೆ ಆಡಬೇಕು ಎಂದು ತೋರಿಸಿದ್ರು.

ನಾಸಿರ್​ ಹುಸೇನ್​, ಮಾಜಿ ಕ್ರಿಕೆಟಿಗ

ನಾಸಿರ್​ ಹುಸೇನ್​ ಹೇಳಿದ ಮಾತು ನೂರಕ್ಕೆ ನೂರು ಸತ್ಯ. ರೋಹಿತ್​ ಶರ್ಮಾನೇ ರಿಯಲ್​ ಹಿರೋ. ರೋಹಿತ್​ ಆಡ್ತಿರೋ ಆ ಫಿಯರ್​ಲೆಸ್​ ಬ್ರ್ಯಾಂಡ್​ ಆಫ್​ ಕ್ರಿಕೆಟ್​ನ ಹಿಂದೊಂದು ಉದ್ದೇಶಯಿದೆ. ತಂಡಕ್ಕೆ ಗುಡ್​ ಸ್ಟಾರ್ಟ್​ ಸಿಗಬೇಕು, ಉಳಿದ ಬ್ಯಾಟ್ಸ್​ಮನ್​ಗಳ ಮೇಲಿನ ಪ್ರೆಶರ್​ ರಿಲೀಸ್​ ಮಾಡಬೇಕು ಅನ್ನೋದು ರೋಹಿತ್​ ಲೆಕ್ಕಾಚಾರ. ಈ ಲೆಕ್ಕಾಚಾರ ಸಖತ್​ ಆಗಿ ವರ್ಕೌಟ್​ ಆಗ್ತಿದೆ.

ಎಲ್ಲವೂ ನನ್ನನ್ನ ಇಂಪ್ರೆಸ್​ ಮಾಡುತ್ತೆ. ಅವರ ಜೊತೆ ಬ್ಯಾಟಿಂಗ್​ ಮಾಡುವಾಗ ನಾನು ನಾನ್​ಸ್ಟ್ರೈಕರ್​ ಎಂಡ್​ನಲ್ಲೆ ಬಿಡ್ತೀನಿ. 10 ಆದಾಗ ನಾನು 15-20 ಬಾಲ್​ ಆಡಿರುತ್ತೇನೆ. ಉಳಿದಿದ್ದೆಲ್ಲ ರೋಹಿತ್​ ಬಾಯ್​ ಸಿಕ್ಸ್​-ಫೋರ್​​ ಹೊಡೆದು ಮುಗಿಸಿರುತ್ತಾರೆ. ನಾನು ನೋಡ್ತಾ ಇರೋದಷ್ಟೇ.

ಬದ್ಧವೈರಿ ಪಾಕ್​ ಆಟಗಾರರಿಂದಲೂ ಬಹುಪರಾಕ್​..!

ಸದಾ ಟೀಮ್​ ಇಂಡಿಯಾವನ್ನ ಟೀಕಿಸೋ ಪಾಕಿಸ್ತಾನಿ ಕ್ರಿಕೆಟರ್ಸ್​ ಕೂಡ ರೋಹಿತ್​ ಆಟಕ್ಕೆ ಫಿದಾ ಆಗಿದ್ದಾರೆ. ರೋಹಿತ್​ ಶರ್ಮಾ ನಾಯಕತ್ವಕ್ಕೆ ಬಹುಪರಾಕ್​ ಹೇಳ್ತಿದ್ದಾರೆ. ನಾಯಕ ಮುಂದೆ ನಿಂತು ಮುನ್ನಡೆಸಿದ ಪರಿ ನಿಜಕ್ಕೂ ಅದ್ಭುತ. ರೋಹಿತ್​ ಶರ್ಮಾ ಹೆಸರು ತುಂಬಾ ಬರಲ್ಲ. ಆತ ಸೆಂಚುರಿ ಹೊಡೆದಿಲ್ಲ. ದ್ವಿಶತಕ ಹೊಡೆದಿಲ್ಲ. ನಾಕೌಟ್​ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡೋದು, 3ನೇ ಎಸೆತದಲ್ಲಿ ಬೌಲರ್​ ಮೇಲೆ ಆಕ್ರಮಣ ಮಾಡೋದು ಅದೊಂದು ದೊಡ್ಡ ಡೀಲ್. ಅದನ್ನ ಮಾಡಲು ತುಂಬಾ ಧೈರ್ಯ ಬೇಕು. ಹ್ಯಾಟ್ಸಾಫ್​.

ಗೆಲುವಿನೊಂದಿಗೆ ವಿದಾಯ ಹೇಳಲು ನಡೆದಿದೆ ಪ್ಲಾನ್.!

ವಿಶ್ವಕಪ್​ ಟೂರ್ನಿಯಲ್ಲಿ ಟೀಮ್​ ಇಂಡಿಯಾ ಯಶಸ್ವಿಯಾಗಿ ಸೆಮಿಫೈನಲ್​ಗೆ ಎಂಟ್ರಿ ಕೊಡ್ತಿದ್ದಂತೆ ಹೊಸ ಸುದ್ದಿ ಹೊರಬಿದ್ದಿದೆ. ರೋಹಿತ್​ ನಿವೃತ್ತಿಯ ವಿಚಾರ ಮತ್ತೆ ಮುನ್ನೆಲೆಗೆ ಬಂದಿದೆ. ನವೆಂಬರ್​ 19ರಂದು ನಡೆಯೋ ಫೈನಲ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾವನ್ನ ಚಾಂಪಿಯನ್​ ಪಟ್ಟಕ್ಕೇರಿಸಿ, ಕ್ರಿಕೆಟ್​ ಗುಡ್​ ಬೈ ಹೇಳೋ ಲೆಕ್ಕಾಚಾರದಲ್ಲಿ ರೋಹಿತ್​ ಶರ್ಮಾ ಇದಾರೆ ಅನ್ನೋದು ಆಪ್ತ ಮೂಲಗಳ ಮಾಹಿತಿ. 36 ವರ್ಷದ ರೋಹಿತ್​ ಮುಂದಿನ ವಿಶ್ವಕಪ್​ನಲ್ಲಿ ಬಹುತೇಕ ಅಸಾಧ್ಯದ ಮಾತೇ.

ನಿವೃತ್ತಿಯ ಸುದ್ದಿ ಸದ್ಯಕ್ಕಂತೂ ಅಂತೆ ಕಂತೆಯ ಕಥೆಯಾಗಿದೆ. ಆದ್ರೆ, ಟೀಮ್​ ಇಂಡಿಯಾ ಫೈನಲ್​ಗೆ ಎಂಟ್ರಿ ಕೊಟ್ಟಿರೋದಂತೂ ಕಣ್ಮುಂದೆ ಸತ್ಯ. ಈ ಫೈನಲ್​ ಫೈಟ್​ನಲ್ಲೂ ರೋಹಿತ್​ ಶರ್ಮಾ ಭರ್ಜರಿ ಬ್ಯಾಟಿಂಗ್ ನಡೆಸಲಿ. ಚಾಣಾಕ್ಷನಂತೆ ನಾಯಕತ್ವ ನಿಭಾಯಿಸಿ ಟ್ರೋಫಿ ಗೆಲುವಿನ ಕನಸನ್ನ ನನಸು ಮಾಡಲಿ ಅನ್ನೋದು ಅಭಿಮಾನಿಗಳ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ