ವಿಶ್ವಕಪ್​ನಲ್ಲಿ ಅಫ್ಘಾನಿಸ್ತಾನ ಪಂದ್ಯ ಕಡೆಗಣಿಸುವಂತಿಲ್ಲ ಭಾರತ

ಟೀಮ್​ ಇಂಡಿಯಾ ಈ ಚಾಲೆಂಜ್​ಗಳನ್ನು ಗೆಲ್ಲೋದು ಕಷ್ಟ.. ಕಷ್ಟ

ರೋಹಿತ್ ಶರ್ಮಾ ಪಡೆ ಪ್ರತಿ ಪಂದ್ಯಕ್ಕೆ ಪ್ರಾಮುಖ್ಯತ ಕೊಡಬೇಕು

ವಿಶ್ವಕಪ್​ ವೇಳಾಪಟ್ಟಿ ಪ್ರಕಟವಾದ ಬೆನ್ನಲ್ಲೇ ಟೀಮ್​ ಇಂಡಿಯಾದಲ್ಲಿ ಆತಂಕ ಶುರುವಾಗಿದೆ. ತವರಿನಂಗಳದಲ್ಲಿ ಸುಲಭಕ್ಕೆ ಕಪ್​ ಗೆಲ್ಲೋ ಲೆಕ್ಕಾಚಾರದಲ್ಲಿದ್ದ ರೋಹಿತ್​ ಪಡೆಗೆ ಬಿಗ್​ ಟಾಸ್ಕ್​ ಎದುರಾಗಿದೆ. ಹೋಮ್​ ಅಡ್ವಾಂಟೇಜ್​ ಇದ್ರೂ, ಸೆಮಿಸ್​ಗೆ ಕ್ವಾಲಿಫೈ ಆಗಬೇಕಂದರೆ ಯುದ್ಧವನ್ನೇ ಗೆಲ್ಲಬೇಕಿದೆ.

ಬಹುನಿರೀಕ್ಷಿತ ಏಕದಿನ ವಿಶ್ವಕಪ್​ ಟೂರ್ನಿಯ ವೇಳಾಪಟ್ಟಿ ಕೊನೆಗೂ ಪ್ರಕಟವಾಗಿದೆ. ಶೆಡ್ಯೂಲ್​ ಅನೌನ್ಸ್ ಆದ ಬಳಿಕ ಫ್ಯಾನ್ಸ್​ ಫುಲ್​ ಖುಷ್​ ಆಗಿದ್ದಾರೆ. ಆದ್ರೆ, ಟೀಮ್​ ಇಂಡಿಯಾ ಕ್ಯಾಂಪ್​ ಮಾತ್ರ ಫುಲ್​ ಥಂಡಾ ಹೊಡೆದಿದೆ. 10 ವರ್ಷದ ಐಸಿಸಿ ಟ್ರೋಫಿ ಬರಕ್ಕೆ ಬ್ರೇಕ್​ ಹಾಕೋ ಲೆಕ್ಕಾಚಾರದಲ್ಲಿ ತಂಡ, ಬಲಿಷ್ಠ ಎದುರಾಳಿಗಳನ್ನ ಸವಾಲನ್ನ ಎದುರಿಸಬೇಕಿದೆ. 7 ಪಂದ್ಯಗಳಲ್ಲಿ ಭಾರತಕ್ಕೆ ಕಠಿಣ ಸವಾಲು ಕಾದಿದೆ.

• 8 ಅಕ್ಟೋಬರ್
  ಭಾರತ- ಆಸ್ಟ್ರೇಲಿಯಾ
  ಸ್ಥಳ – ಚೆನ್ನೈ

ವಿಶ್ವಕಪ್​ ಟೂರ್ನಿಯ ತನ್ನ ಮೊದಲ ಪಂದ್ಯದಲ್ಲೇ ಟಫ್​ ಟಾಸ್ಕ್​ ಟೀಮ್​ ಇಂಡಿಯಾಗೆ ಎದುರಾಗಲಿದೆ. ಚೆನ್ನೈನ ಚೆಪಾಕ್​ನಲ್ಲಿ ನಡೆಯೋ ಪಂದ್ಯದಲ್ಲಿ ಬಲಿಷ್ಠ ಆಸ್ಟ್ರೇಲಿಯಾದ ಸವಾಲನ್ನ ರೋಹಿತ್​ ಪಡೆ ಎದುರಿಸಲಿದೆ. ಏಕದಿನ ಮಾದರಿಯಲ್ಲಿ ನಂಬರ್​​ 1 ತಂಡದ ಆಸಿಸ್​ ಪಡೆಯನ್ನ ಕಟ್ಟಿ ಹಾಕಿ ಟೂರ್ನಿಯಲ್ಲಿ ಕಿಕ್​ ಸ್ಟಾರ್ಟ್​ ಮಾಡೋದು ಸುಲಭದ ವಿಚಾರ ಅಲ್ಲವೇ ಇಲ್ಲ.

• 11 ಅಕ್ಟೋಬರ್​
  ಭಾರತ- ಅಫ್ಘಾನಿಸ್ತಾನ
  ಸ್ಥಳ – ದೆಹಲಿ

ಅಫ್ಘಾನಿಸ್ತಾನ ತಂಡವನ್ನು ಟೀಮ್​ ಇಂಡಿಯಾ ಕಡೆಗಣಿಸುವಂತೇ ಇಲ್ಲ.. ಡೇರ್​​ ಡೆವಿಲ್​ ಬ್ಯಾಟ್ಸ್​ಮನ್​ಗಳು, ಯಂಗ್​ ಗನ್​ಗಳಂತ ವೇಗಿಗಳನ್ನ ಹೊಂದಿರೋ ಅಫ್ಘನ್​ ಶಾಕ್​​ ಟ್ರೀಟ್​​ಮೆಂಟ್​ ಕೊಡೋದ್ರಲ್ಲಿ ಎತ್ತಿದ ಕೈ. ಪಂದ್ಯ ಬೇರೆ ದೆಹಲಿಯ ಅರುಣ್​​ ಜೇಟ್ಲಿ ಮೈದಾನದಲ್ಲಿರೋದ್ರಿಂದ ಅಫ್ಘನ್​ನ​ ಮ್ಯಾಚ್​ ವಿನ್ನಿಂಗ್ ಸ್ಪಿನ್ನರ್ಸ್​ ಎದುರಿಸೋದು ನಿಜಕ್ಕೂ ಕಷ್ಟ.

• 15 ಅಕ್ಟೋಬರ್​
  ಭಾರತ- ಪಾಕಿಸ್ತಾನ
  ಸ್ಥಳ – ಅಹಮದಾಬಾದ್

ಭಾರತ -ಪಾಕಿಸ್ತಾನ ಪಂದ್ಯ ಅಂದ್ರೆ ಇಡೀ ವಿಶ್ವ ಕಾದು ಕುಳಿತಿರುತ್ತೆ. ತವರಿನಲ್ಲಿ ಬೇರೆ ಮುಖಾಮುಖಿ ಆಗ್ತಿರೋದು ಭಾರತೀಯ ಅಭಿಮಾನಿಗಳ ನಿರೀಕ್ಷೆಯನ್ನ ದುಪ್ಪಟ್ಟು ಮಾಡಿದೆ. ಈ ನಿರೀಕ್ಷೆಯ ಭಾರವೇ ಆಟಗಾರರನ್ನ ಒತ್ತಡಕ್ಕೆ ಸಿಲುಕಿಸೋ ಸಾಧ್ಯತೆಯಿದೆ. ಅದ್ರ ಜೊತೆಗೆ ಪಾಕಿಸ್ತಾನ ಕೂಡ ಎಲ್ಲ ವಿಭಾಗದಲ್ಲಿ ಬಲಿಷ್ಠವಾಗಿರೋದ್ರಿಂದ ರೋಹಿತ್​ ಟೀಮ್​ ಎಚ್ಚರಿಕೆಯ ಹೆಜ್ಜೆ ಇಡಬೇಕಿದೆ.

• 19 ಅಕ್ಟೋಬರ್​
  ಭಾರತ- ಬಾಂಗ್ಲಾದೇಶ
  ಸ್ಥಳ – ಪುಣೆ

ನೋಡೋಕೆ ಬಲಿಷ್ಠ ಟೀಮ್​ ಇಂಡಿಯಾಗೆ ಬಾಂಗ್ಲಾದೇಶ ಸುಲಭದ ತುತ್ತಂತೆ ಕಾಣ್ತಿದೆ. ಆದ್ರೆ, ಸ್ವಲ್ಪ ಯಾಮಾರಿದ್ರೂ ಮುಖಭಂಗ ಅನುಭವಿಸಬೇಕಾಗುತ್ತೆ. ಬಿಗ್​ ಟೂರ್ನಮೆಂಟ್​ಗಳಲ್ಲಿ ಬಾಂಗ್ಲಾದೇಶ ತಂಡ ಟೀಮ್​ ಇಂಡಿಯಾವನ್ನ ಅಷ್ಟು ಕಾಡಿದೆ. ಇದಕ್ಕೆ ಇತಿಹಾಸವೇ ಸಾಕ್ಷಿ.

• 22 ಅಕ್ಟೋಬರ್​
  ಭಾರತ- ನ್ಯೂಜಿಲೆಂಡ್​
  ಸ್ಥಳ – ಧರ್ಮಶಾಲಾ

ಅಕ್ಟೋಬರ್​ 22ರಂದು ಮತ್ತೊಂದು ಕಠಿಣ ಸವಾಲನ್ನ ಇಂಡಿಯಾ ಎದುರಿಸಲಿದೆ. ಟಾಪ್​ ಕ್ಲಾಸ್​ ಬ್ಯಾಟ್ಸ್​ಮನ್​ಗಳು, ಬೆಂಕಿಯುಂಡೆಗಳನ್ನೇ ಉಗುಳೊ ಬೌಲರ್​ಗಳಿರೋ ನ್ಯೂಜಿಲೆಂಡ್ ವಿರುದ್ಧ ರೋಹಿತ್​ ಪಡೆ ಸೆಣೆಸಲಿದೆ. ಧರ್ಮಶಾಲಾ ಮೈದಾನದಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಗೆಲ್ಲೋಕೆ ಟೀಮ್​ಗೆ ಆಟದ ಜೊತೆ ಲಕ್​ ಕೂಡ ಬೇಕಾಗಿತ್ತೆ.

• 29 ಅಕ್ಟೋಬರ್​
  ಭಾರತ- ಇಂಗ್ಲೆಂಡ್
  ಸ್ಥಳ – ಲಕ್ನೋ

2019ರ ವಿಶ್ವಕಪ್​ ಟೂರ್ನಿಯಲ್ಲಿ ಚಾಂಪಿಯನ್​ ಪಟ್ಟಕ್ಕೇರಿದ ಇಂಗ್ಲೆಂಡ್​ ತಂಡ ಈಗ ಮತ್ತಷ್ಟು ಬಲಿಷ್ಠವಾಗಿದೆ. ಅಗ್ರೆಸ್ಸಿವ್​ ಆಟವನ್ನಾಡ್ತಿರೋ ಆಂಗ್ಲರನ್ನ ಕಟ್ಟಿ ಹಾಕೋದು ಟೀಮ್​ ಇಂಡಿಯಾಗೆ ನಿಜಕ್ಕೂ ಸವಾಲಾಗಲಿದೆ.

• 05 ನವೆಂಬರ್​​
  ಭಾರತ- ಸೌತ್​ ಆಫ್ರಿಕಾ
  ಸ್ಥಳ – ಕೊಲ್ಕತ್ತಾ

ನವೆಂಬರ್​ 5ರಂದು ಈಡನ್​ ಗಾರ್ಡನ್​ನಲ್ಲಿ ಸೌತ್​ ಆಫ್ರಿಕಾ ಸವಾಲನ್ನ ಟೀಮ್​ ಇಂಡಿಯಾ ಎದುರಿಸಲಿದೆ. ಐಸಿಸಿ ಟೂರ್ನಿಯಲ್ಲಿ ಸೌತ್​ ಆಫ್ರಿಕಾವನ್ನ ಚೋಕರ್ಸ್​​ ಅಂತಾರೆ. ಸದ್ಯ ಟೀಮ್​ ಇಂಡಿಯಾ ಕೂಡ ಇದೇ ಸ್ಥಿತಿಯಲ್ಲಿದ್ದು, ಎಚ್ಚರಿಕೆಯ ಆಟ ಆಡಬೇಕಿದೆ.

ಟೂರ್ನಿಯ ಲೀಗ್​ ಹಂತದಲ್ಲಿ ಟೀಮ್​ ಇಂಡಿಯಾ ಎದುರಿಸೋ ಎಲ್ಲ ತಂಡಗಳೂ ಆನ್​ ಪೇಪರ್ ಸಖತ್​ ಸ್ಟ್ರಾಂಗ್​ ಆಗಿವೆ. ಹಾಗಂತ ಟೀಮ್​ ಇಂಡಿಯಾ ದುರ್ಬಲ ತಂಡ ಅಂತಾ ಹೇಳೋಕಾಗಲ್ಲ. ರೋಹಿತ್​ ಪಡೆಯನ್ನ ಅದ್ರಲ್ಲೂ, ತವರಿನಲ್ಲಿ ಮಣಿಸೋದು ವಿದೇಶಿ ತಂಡಗಳ ಪಾಲಿಗೆ ಅಸಾಧ್ಯದ ಮಾತೇ. ಹಾಗಂತ ಅತಿಯಾದ ಆತ್ಮವಿಶ್ವಾಸದಲ್ಲಿ ಎದುರಾಳಿಯನ್ನ ಕಡೆಗಣಿಸೋಕೆ ಆಗುತ್ತಾ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ