ಸ್ಪಿನ್ ಫ್ರೆಂಡ್ಲಿ ಪಿಚ್​ನಲ್ಲಿ ಸ್ಪಿನ್ನರ್​ಗಳ ರೋಲ್ ಇಂಪಾರ್ಟೆಂಟ್

ವಿಶ್ವಕಪ್​ನಲ್ಲಿ ಸ್ಥಾನ ಪಡೆಯೋ ಸ್ಪಿನ್ನರ್ಸ್​ ಯಾರೆಂದು ಕುತೂಹಲ

ಈ ಸಲ ಕಪ್ ಗೆದ್ದು ಟ್ರೋಫಿಯ ಬರ ನೀಗಿಸಿಕೊಳ್ಳುತ್ತಾ ಭಾರತ?

ಏಕದಿನ ವಿಶ್ವಕಪ್ ಟೂರ್ನಿಗೆ ರಣಾಂಗಣ ಸಿದ್ಧಗೊಂಡಿದೆ. 12 ವರ್ಷಗಳ ಬಳಿಕ ತವರಲ್ಲೇ ಏಕದಿನ ಕಿರೀಟಕ್ಕೆ ಮುತ್ತಿಡುವ ಕಾತುರದಲ್ಲಿದೆ. ವಿಶ್ವಕಪ್​ನಲ್ಲಿ ಸ್ಥಾನ ಪಡೆಯುವ ಸ್ಪಿನ್ನರ್​ಗಳು ಯಾರು ಎಂಬ ಕುತೂಹಲ ಕ್ರಿಕೆಟ್ ಅಭಿಮಾನಿಗಳಲ್ಲಿ ಹುಟ್ಟಿಹಾಕಿದೆ.

ಯಾವಾಗ..? ಯಾವಾಗ..? ಅಂತಾ ಕಾಯ್ತಿದ್ದ ಏಕದಿನ ವಿಶ್ವಕಪ್ ಟೂರ್ನಿ ವೇಳಾಪಟ್ಟಿ ಪ್ರಕಟವಾಗಿ 3 ದಿನಗಳು ಕಳೆದಿವೆ. 12 ವರ್ಷಗಳ ಬಳಿಕ ತವರಲ್ಲಿ ವಿಶ್ವಕಪ್ ಆಡೋಕೆ ಸಜ್ಜಾಗ್ತಿರೋ ಟೀಮ್ ಇಂಡಿಯಾ, ಈ ಸಲ ಕಪ್ ಗೆದ್ದು ಟ್ರೋಫಿಯ ಬರ ನೀಗಿಸಿಕೊಳ್ಳುವ ಲೆಕ್ಕಚಾರದಲ್ಲಿದೆ. ಈ ನಡುವೆ ಟೀಮ್ ಇಂಡಿಯಾದ ಕೋರ್ ಟೀಮ್​ನಲ್ಲಿ ಯಾರ್ ಇರ್ತಾರೆ ಎಂಬ ಪ್ರಶ್ನೆ ಕಾಡ ತೊಡಗಿದೆ.

ಏಕದಿನ ವಿಶ್ವಕಪ್​ಗೆ ಅತಿಥ್ಯ ವಹಿಸಿರೋ ಭಾರತದ ಪಿಚ್​ಗಳು ಟರ್ನಿಂಗ್ ಟ್ರ್ಯಾಕ್​ಗೆ ಹೆಸರುವಾಸಿ. ಸ್ಪಿನ್ ಫ್ರೆಂಡ್ಲಿ ಇಂಡಿಯನ್ ಪಿಚ್​ನಲ್ಲಿ ಸ್ಪಿನ್ನರ್​ಗಳು ಮ್ಯಾಚ್ ವಿನ್ನರ್ಸ್. ಟರ್ನಿಂಗ್ ಟ್ರ್ಯಾಕ್​ನಲ್ಲಿ ಚೆಂಡನ್ನು ಬುಗುರಿಯಂತೆ ತಿರುಗಿಸುವ ಸ್ಪಿನ್ನರ್​ಗಳೆ ಗೇಮ್ ಚೇಂಜರ್​ಗಳು. ಆದ್ರೆ ಈ ಸಬ್ ಕಾಂಟಿನೆಂಟ್ ಪಿಚ್​ನಲ್ಲಿ ಯಾರು, ಟೀಮ್ ಇಂಡಿಯಾ ಕೋರ್ ಟೀಮ್​ನಲ್ಲಿ ಕಾಣಿಸಿಕೊಳ್ತಾರೆ ಅನ್ನೋದು ಯಕ್ಷ ಪ್ರಶ್ನೆಯಾಗಿದೆ.

ರವೀಂದ್ರ ಜಡೇಜಾ-ಅಕ್ಷರ್ ಕಾಂಬಿನೇಷನ್ ಬೆಸ್ಟಾ..?

ಜಡೇಜಾ-ಅಕ್ಷರ್ ಸದ್ಯ ಟೀಮ್ ಇಂಡಿಯಾದಲ್ಲಿರುವ ತ್ರಿ ಡೈಮಾನ್ಶಿಯಲ್ ಪ್ಲೇಯರ್ಸ್. ಬಿಂದಾಸ್ ಬ್ಯಾಟಿಂಗ್ ಮಾಡೋ ಇವರು, ಬೌಲಿಂಗ್​ನಲ್ಲೂ ಮ್ಯಾಜಿಕ್ ಮಾಡ್ತಾರೆ. ಅಷ್ಟೇ ಅಲ್ಲ, ಸೇಫ್ ಹ್ಯಾಂಡ್ ಫೀಲ್ಡರ್ಸ್. ಫ್ಲೆಕ್ಸಿಬಲ್ ಆಲ್​ರೌಂಡರ್​ಗಳು ಆಗಿರುವ ಈ ಲೆಫ್ಟಿ ಸ್ಪಿನ್ನರ್​ಗಳಿಗೆಲ್ಲಾ ಆಡಿಸ್ತಾರಾ ಅನ್ನೋದೇ ಈ ಮುಂದಿರೋ ಪ್ರಶ್ನೆ.

ಯಜುವೇಂದ್ರ ಚಹಾಲ್-ಕುಲ್ದೀಪ್.. ಇಬ್ಬರಲ್ಲಿ ಯಾರಿಗೆ ಸ್ಥಾನ..?

ಯುಜುವೇಂದ್ರ ಚಹಾಲ್ & ಕುಲ್ದೀಪ್ ಯಾದವ್, ಟೀಮ್ ಇಂಡಿಯಾದ ಸಕ್ಸಸ್​ ಫುಲ್​ ಸ್ಪಿನ್ ಟ್ವಿನ್ಸ್. 2019ರ ತನಕ ಬಹುಪಾಲು ಚೆಂಡನ್ನು ಹಂಚಿಕೊಂಡು ಕಮಾಲ್ ಮಾಡಿದ್ದ ಇವರಿಬ್ಬರು, ನಂತರ ಜೊತೆಗೂಡಿ ಆಡಿದ್ದು ಬೆರಳೆಣಿಕೆ ಮ್ಯಾಚ್.ಸಿಕ್ಕ ಒಂದಿಷ್ಟು ಪಂದ್ಯಗಳಲ್ಲೂ ಈ ಜೋಡಿಯ ಮೋಡಿ ಅಷ್ಟಕ್ಕೆ ಅಷ್ಟೇ ಎನ್ನಬಹುದು.

ಸುಂದರ್-ರವಿ ಬಿಷ್ಣೋಯಿ ಕಥೆ ಏನು..?

ಆಲ್​ರೌಂಡರ್​ ವಾಷಿಂಗ್ಟನ್ ಸುಂದರ್ ಕಥೆ ಒಂದಾದ್ರೆ, ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯಿ ಸ್ಟೋರಿಯೇ ಮತ್ತೊಂದು. ಇಂಜುರಿ ಕಾರಣ ಬರೋಬ್ಬರಿ 5 ತಿಂಗಳು ಸುಂದರ್ ದೂರ ಉಳಿದಿದ್ರೆ, ರವಿ ಬಿಷ್ಣೋಯಿ ಟಿ20 ಹೊರೆತಾಗಿ ಏಕದಿನ ಪಂದ್ಯಗಳನ್ನಾಡಿದ ಅನುಭವವೇ ಇಲ್ಲ. ಬರೋಬ್ಬರಿ 9 ತಿಂಗಳಿಂದ ದೂರ ಉಳಿದಿದ್ದಾರೆ. ಹೀಗಾಗಿ ಇವರಿಬ್ಬರ ಆಯ್ಕೆಯ ಕಥೆ ಫಿನೀಷ್ ಆಗೋದ್ರಲ್ಲಿ ಅನುಮಾನವೇ ಇಲ್ಲ.

ಏಕದಿನ ವಿಶ್ವಕಙ್​ನಿಂದ ಆರ್.ಅಶ್ವಿನ್ ಔಟ್..?

ಈಗಾಗಲೇ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಗೆ ಟೀಮ್ ಇಂಡಿಯಾವನ್ನು ಪ್ರಕಟಿಸಿರೋ ಬಿಸಿಸಿಐ, ಆಫ್ ಸ್ಪಿನ್ನರ್ ಅಶ್ವಿನ್​ಗೆ ಚಾನ್ಸ್ ನೀಡಿಲ್ಲ. ಆ ಮೂಲಕ ಏಕದಿನ ವಿಶ್ವಕಪ್ ಪ್ಲಾನ್​ನಲ್ಲಿ ಕೇರಂ ಸ್ಪಿನ್ನರ್ ಇಲ್ಲ ಎಂಬ ಸಂದೇಶ ರವಾನಿಸಿದೆ. ಆದ್ರೆ, ಏಕದಿನ ವಿಶ್ವಕಪ್ ರೇಸ್​ನಲ್ಲಿರೋ 6 ಮಂದಿ ಸ್ಪಿನ್​ರಗಳ ಪೈಕಿ ಯಾವ ಕಾಂಬಿನಷೇನ್​ಗೆ ಮಣೆ ಹಾಕುತ್ತೆ ಎಂಬ ಪ್ರಶ್ನೆ ಇದ್ದೇ ಇದೆ.

ಬೌಲಿಂಗ್ ಆಲ್​ರೌಂಡರ್​ಗಳಿಗೆ ಮಣೆ ಹಾಕುತ್ತಾ..?

ಇಂಡಿಯನ್ ಕಂಡೀಷನ್​ನಲ್ಲಿ ಸ್ಪಿನ್ನರ್​ಗಳ ಪಾತ್ರ ಬಹುಮುಖ್ಯ ಅನ್ನೋದು ಗೊತ್ತೇ ಇದೆ. ಆದ್ರೆ, ಲೋವರ್ ಆರ್ಡರ್ ಬ್ಯಾಟಿಂಗ್ ಬಲ ಹೆಚ್ಚಿಸಿಕೊಳ್ಳೋ ಸಲುವಾಗಿ ಬೌಲಿಂಗ್ ಆಲ್​ರೌಂಡರ್​ಗಳಿಗೆ ಹೆಚ್ಚಿನ ಒತ್ತು ನೀಡ ಬೇಕಾಗಿದೆ. ಮತ್ತೊಂದೆಡೆ ಸ್ಪಿನ್ ಫ್ರೆಂಡ್ಲಿ ಪಿಚ್​ನಲ್ಲಿ ಸ್ಪಿನ್​ರಗಳ ರೋಲ್ ಇಂಪಾರ್ಟೆಂಟ್. ಹೀಗಾಗಿ ಫ್ರಂಟ್ ಲೈನ್ ರನ್ನರ್ ಜಡೇಜಾ ಜೊತೆ ಜೊತೆಗೆ ಯಾರಿಗೆ ಚಾನ್ಸ್ ನೀಡುತ್ತೆ ಅನ್ನೋದನ್ನ ಕಾದುನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ