ಬಿಗ್​ ಬ್ಯಾಟಲ್​​ನಲ್ಲಿ ಇನ್ನಿಂಗ್ಸ್​ ಆರಂಭಿಸೋ ಓಪನರ್ಸ್​ ಯಾರು?

ಓಪನಿಂಗ್ ಸ್ಲಾಟ್​​ಗೆ ಟೀಮ್​ ಇಂಡಿಯಾದಲ್ಲಿ ಏರ್ಪಟ್ಟ ಮೆಗಾಫೈಟ್

ರೇಸ್​ನಲ್ಲಿ ಮುಂಚೂಣಿಯಲ್ಲಿರುವ ಜೋಡಿ ರೋಹಿತ್- ಶುಭ್​​ಮನ್

ಬಹುನಿರೀಕ್ಷಿತ ಒನ್ಡೇ ವಿಶ್ವಕಪ್ ದಂಗಲ್ ಬಂದೇ ಬಿಡ್ತು. ಫಿಫ್ಟಿ ಓವರ್​​ ಬ್ಯಾಟಲ್ ಸಮೀಪಿಸ್ತಿದ್ದಂತೆ ಟೀಮ್ ಇಂಡಿಯಾಗೆ ಓಪನಿಂಗ್​ ಟೆನ್ಷನ್ ಶುರುವಾಗಿದೆ. ಒಂದು ಓಪನಿಂಗ್ ಸ್ಲಾಟ್​​ಗಾಗಿ 4 ಜೋಡಿ ಮಧ್ಯೆ ಫೈಟ್ ಏರ್ಪಟ್ಟಿದೆ. ಅಷ್ಟಕ್ಕೂ ಆ ಜೋಡಿ ಯಾವುವು, ಯಾರನ್ನ ಆಡಿಸಿದ್ರೆ ಭಾರತಕ್ಕೆ ಹೆಚ್ಚು ಲಾಭ ಎಂಬದರ ಬಗ್ಗೆ ಡಿಟೇಲ್ಸ್​ ಇಲ್ಲಿದೆ.

ಟೀಮ್ ಇಂಡಿಯಾ ನಿರೀಕ್ಷೆಯಂತೆ ವೆಸ್ಟ್​ ಇಂಡೀಸ್​ ತಂಡವನ್ನ ಒನ್ಡೇ ಸಿರೀಸ್​​ನಲ್ಲಿ ಬೇಟೆಯಾಡಿದೆ. ಆ ಮೂಲಕ ಒನ್ಡೇ ವಿಶ್ವಕಪ್​​ಗೆ ಭರ್ಜರಿ ಸಿದ್ಧತೆ ಆರಂಭಿಸಿದೆ. ಈ ಸರಣಿಯಲ್ಲಿ ಮೆನ್​ ಇನ್ ಬ್ಲೂ ಪಡೆಯ ಸರಣಿ ಗೆಲುವಿಗಿಂತ ಆರಂಭಿಕ ಜೋಡಿಯ ದಮ್ದಾರ್​​ ಪರ್ಫಾಮೆನ್ಸ್​ ಸಖತ್ ಕಿಕ್ ನೀಡ್ತು. ಯಂಗ್​ಪೇರ್​​​​ ಆರ್ಭಟದಿಂದ ಒನ್ಡೇ ವಿಶ್ವಕಪ್​​ನಲ್ಲಿ ಟೀಮ್ ಇಂಡಿಯಾ ಓಪನರ್ಸ್​ ಯಾರು ಆಗ್ಬೇಕು ಅನ್ನೋ ಹೊಸ ಪ್ರಶ್ನೆ ಹುಟ್ಟುಕೊಂಡಿದೆ.

ಶುಭ್​​ಮನ್ ಗಿಲ್​​​​​​-ಇಶಾನ್ ಕಿಶನ್​​​​

ಯಂಗ್​ಸ್ಟರ್ ಶುಭ್​​ಮನ್ ಗಿಲ್​ ಹಾಗೂ ಇಶಾನ್ ಕಿಶನ್ ಜೋಡಿ​ ವಿಂಡೀಸ್​ ಏಕದಿನ ಸರಣಿಯಲ್ಲಿ ಓಪನರ್ ಆಗಿ ಸೂಪರ್​​ ಡೂಪರ್​ ಆಟವಾಡಿದ್ರು. ಅನುಭವಿಗಳಂತೆ ಇನ್ನಿಂಗ್ಸ್ ಕಟ್ಟಿದ ಈ ಜೋಡಿ ಸರಣಿಯಲ್ಲಿ 1 ಶತಕ ಹಾಗೂ 1 ಅರ್ಧಶತಕದ ಜೊತೆಯಾಟವಾಡಿ ಸೈ ಅನ್ನಿಸಿಕೊಳ್ತು. ಆ ಮೂಲಕ ಒನ್ಡೇ ವಿಶ್ವಕಪ್​​​ ಓಪನಿಂಗ್ ರೇಸ್​​ನಲ್ಲಿ ನಾವಿದ್ದೇವೆ ಅನ್ನೋ ಸ್ಟ್ರಾಂಗ್ ಮೆಸೇಜ್ ರವಾನಿಸಿದೆ.

ಗಿಲ್​​ ಹಾಗೂ ಕಿಶನ್​​ಗೆ ಅನುಭವ ಕಮ್ಮಿ ನಿಜ. ಆದ್ರೆ ಲೆಫ್ಟಿ ರೈಟಿ ಕಾಂಬಿನೇಶನ್​​ ತಂಡಕ್ಕೆ ನೆರವಾಗಬಲ್ಲದು. ಎಲ್ಲಕ್ಕಿಂತ ಹೆಚ್ಚಾಗಿ ಇಬ್ಬರು ಡೇರಿಂಗ್ ಬ್ಯಾಟರ್ಸ್​. ಎಂತಹ ಬೌಲರ್​​ಗಳನ್ನೂ ಲೀಲಾಜಾಲವಾಗಿ ದಂಡಿಸಿ ಭದ್ರಬುನಾದಿ ಹಾಕಿಕೊಡಬಲ್ಲರು.

ರೋಹಿತ್ ಶರ್ಮಾ- ಶುಭ್​​ಮನ್ ಗಿಲ್​​​​​​

ರೋಹಿತ್ ಶರ್ಮಾ ಹಾಗೂ ಶುಭ್​ಮನ್ ಗಿಲ್ ಜೋಡಿ ಓಪನಿಂಗ್ ರೇಸ್​​ನಲ್ಲಿ ಮುಂಚೂಣಿಯಲ್ಲಿದೆ. ಈ ಜೋಡಿಗೆ ಆರಂಭಿಕರಾಗಿ ಆಡಿದ ಸಾಕಷ್ಟು ಅನುಭವಿದೆ. ರೋಹಿತ್​​​-ಗಿಲ್​​​​​​​​ ಕಣಕ್ಕಿಳಿತಾರೆ ಅಂದ್ರೆ ಎದುರಾಳಿ ಪಡೆ ಥಂಡಾ ಹೊಡೆಯುತ್ತೆ. ಅಷ್ಟರ ಮಟ್ಟಿಗೆ ಈ ಜೋಡಿ ಟೆರರ್​​​. ಅದ್ಭುತ ಆಟದಿಂದ ಅನೇಕ ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟಿದೆ. ಕ್ಯಾಪ್ಟನ್ ರೋಹಿತ್​ ಶರ್ಮಾ ಅಪಾರ ಅನುಭವ, ಶುಭ್​​​ಮನ್ ಗಿಲ್​ರ ಡೀಸೆಂಟ್​​​​ ಆಟ ವಿಶ್ವಕಪ್​​ನಲ್ಲಿ ತಂಡಕ್ಕೆ ಪ್ಲಸ್​ ಪಾಯಿಂಟ್​​​ ಆಗಬಲ್ಲದು.

ರೋಹಿತ್ ಶರ್ಮಾ- ಇಶಾನ್​ ಕಿಶನ್​

ಇನ್ನು ಈ ಜೋಡಿಯು ಫಿಫ್ಟಿ ಓವರ್ ಮಹಾಸಮರದಲ್ಲಿ ಇನ್ನಿಂಗ್ಸ್​ ಆರಂಭಿಸುವ ಸಾಧ್ಯತೆಯನ್ನ ಅಲ್ಲಗಳೆಯುವಂತಿಲ್ಲ. ಇಬ್ಬರು ಲೆಫ್ಟಿ, ರೈಟಿ ಆಗಿರೋದು ತಂಡಕ್ಕೆ ಮೊದಲ ಅಡ್ವಾಂಟೇಜ್​​. ಹಿಟ್​ಮ್ಯಾನ್​ ಅನುಭವ ಬಳಸಿ ಗಟ್ಟಿಯಾಗಿ ನೆಲೆ ನಿಂತ್ರೆ, ಇಶಾನ್ ಕಿಶನ್​ ಬಿರುಸಿನ ಆಟವಾಡಿ ಎದುರಾಳಿ ತಂಡದ ಪ್ಲಾನ್​​ಗಳನ್ನ ತಲೆ ಕೆಳಗೆ ಮಾಡಬಲ್ಲರು.

ರೋಹಿತ್ ಶರ್ಮಾ- ಕೆ.ಎಲ್​ ರಾಹುಲ್​

ರೋಹಿತ್ ಶರ್ಮಾ- ಕೆ.ಎಲ್ ರಾಹುಲ್​​​​​​ ಟೀಮ್ ಇಂಡಿಯಾದ ಅನುಭವಿ ಓಪನರ್ಸ್​. ಈ ರೈಟಿ ಕಾಂಬೋ ಭಾರತಕ್ಕೆ ಅನೇಕ ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟಿದೆ. ಇದೇ ಜೋಡಿ ವಿಶ್ವಕಪ್​ ರಣಾಂಗಣದಲ್ಲಿ ಇನ್ನಿಂಗ್ಸ್​ ಆರಂಭಿಸಿದ್ರೆ ಕಟ್ಟಿ ಹಾಕೋದು ಕಷ್ಟ. ಸದ್ಯ ರಾಹುಲ್​​​ ಸುದೀರ್ಘ ಇಂಜುರಿ ಬಳಿಕ ತಂಡಕ್ಕೆ ಮರಳಲು ಸಜ್ಜಾಗಿದ್ದಾರೆ. ಹಲವು ಸವಾಲು ಮುಂದಿದ್ರೂ ರೋಹಿತ್​ರ ಸ್ಟಾರ್ ಓಪನರ್​​ ಜೊತೆಗಿದ್ರೆ ನಿರ್ಭೀತಿಯಿಂದ ಬ್ಯಾಟ್ ಬೀಸಬಹುದು.

ಮೇಲಿನ 4 ಜೋಡಿ ಒನ್ಡೇ ವಿಶ್ವಕಪ್​​ನಲ್ಲಿ ಆರಂಭಿಕ ಸ್ಥಾನದ ಮೇಲೆ ಕಣ್ಣಿಟ್ಟಿದೆ. ಆದ್ರೆ ಟೀಮ್ ಮ್ಯಾನೇಜ್​​​ಮೆಂಟ್ ಕೃಪಾಕಟಾಕ್ಷ ಯಾರ ಮೇಲಿದೆ ಅನ್ನೋದು ಗೊತ್ತಾಗಬೇಕಾದ್ರೆ ಇನ್ನೂ ಸ್ವಲ್ಪ ದಿನ ಕಾಯಬೇಕು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ