ನಂಬಿದ್ರೆ ನಂಬಿ! ಗರ್ಲ್​ಫ್ರೆಂಡ್​ ಮೋಸ ಮಾಡಿದ್ದಕ್ಕೆ ಈತನಿಗೆ 25 ಸಾವಿರ ಇನ್ಶುರೆನ್ಸ್ ಸಿಕ್ತು!

ಅಪಘಾತವಾದಾಗ ಇನ್ಶುರೆನ್ಸ್​​ ಸಿಗುತ್ತೆ. ಅನಾರೋಗ್ಯಕ್ಕೆ ಒಳಗಾಗಿ ಆಸ್ಪತ್ರೆ ಸೇರಿದ್ರು ಇನ್ಶುರೆನ್ಸ್​ ಕ್ಲೈಮ್​​ ಆಗುತ್ತೆ. ಆದರೆ ಗರ್ಲ್​ ಫ್ರೆಂಡ್​ ಕೈ ಕೊಟ್ಟರೆ ಇನ್ಶುರೆನ್ಸ್​ ಸಿಗುತ್ತಾ?. ಇಂತಹದೊಂದು ಆಲೋಚನೆ ನಿಮ್ಮಲ್ಲೂ ಬರಬಹುದು. ಆದ್ರೆ ಈ ಸ್ಟೋರಿ ಓದಿದಾಗ ಎಂಥವರಿಗೂ ಆಶ್ಚರ್ಯವಾಗೋದು ನಿಜ. ಹಾಗಂತ ಮೊಬೈಲ್​ ಕೈಗೆತ್ತಿಕೊಂಡು ಹುಡುಗಿ ಕೈ ಕೊಟ್ರೆ ಜೀವವಿಮೆ ಸಿಗುತ್ತಾ ಎಂದು ಸರ್ಚ್​ ಮಾಡುವ ಮುನ್ನ ಈ ಸ್ಟೋರಿಯನ್ನ ಸರಿಯಾಗಿ ಓದಿ. ಆಮೇಲೆ ಇಂಥದೊಂದು ಪ್ಲಾನ್​ ನೀವು ಕೂಡ ಮಾಡ್ಬೋದು ನೋಡಿ.

ಪ್ರತೀಕ್​ ಆರ್ಯನ್​ ಹುಡುಗಿಯೊಬ್ಬಳನ್ನು ಪ್ರೀತಿಸುತ್ತಿದ್ದನು. ಆದರೆ ಆಕೆ ಆತನನಿಗೆ ಮೋಸ ಮಾಡಿ ತೊರೆದು ಹೋದ ಬಳಿಕ 25 ಸಾವಿರ ಹಣ ಆತನ ಪಾಲಾಗಿದೆ. ಆದರೆ ಇದು ಹೇಗೆ ಸಾಧ್ಯ ಎಂಬ ವಿಚಾರ ಇಲ್ಲಿದೆ.

ಪ್ರತೀಕ್​ ಆರ್ಯನ್​ ಮತ್ತು ಆತನ ಗೆಳತಿ ಪ್ರೀತಿಸುವ ಮೊದಲೇ ಒಪ್ಪಂದವೊಂದನ್ನು ಮಾಡಿಕೊಂಡಿದ್ರು. ಇಬ್ಬರು ಒಂದೇ ಖಾತೆ ತೆರೆದು ಅದರಲ್ಲಿ ಹಣ ಹೂಡಿಕೆ ಮಾಡುವ ಒಪ್ಪಂದ ಮಾಡಿಕೊಂಡಿದ್ದರು. ಪ್ರತಿ ತಿಂಗಳು 500 ರೂಪಾಯಿ ಪಾವತಿಸುತ್ತಿದ್ರು. ಅವರಿಬ್ಬರ ಒಪ್ಪಂದದ ಪ್ರಕಾರ ಯಾರು ಮೋಸ ಮಾಡಿ ಬಿಟ್ಟು ಹೋಗುತ್ತಾರೋ ಅವರಿಗೆ ಖಾತೆಯಲ್ಲಿರುವ ಸಂಪೂರ್ಣ ಹಣ ಜಮಾವಾಗುತ್ತದೆ ಎಂಬುದು ಅವರಿಬ್ಬರ ನಿರ್ಧಾರವಾಗಿತ್ತು.

I got Rs 25000 because my girlfriend cheated on me .When Our relationship started we deposited a monthly Rs 500 each into a joint account during relationship and made a policy that whoever gets cheated on ,will walk away with all money.
That is Heartbreak Insurance Fund ( HIF ).

— Prateekaaryan (@Prateek_Aaryan) March 15, 2023

Download the Newsfirstlive app

ಹಾಗಾಗಿ ಪ್ರತೀಕ್​​ ಆರ್ಯನ್​ ತನ್ನ ಗೆಳತಿಯಿಂದ ಕೊನೆಗೆ ಮೋಸ ಹೋಗಿದ್ದಾರೆ. ಈಗಾಗಲೇ ಜಮಾವಾಗಿದ್ದ ಸುಮಾರು 25 ಸಾವಿರ ರೂಪಾಯಿ ಪ್ರತೀಕ್​ಗೆ ಸಿಕ್ಕಿದೆ. ಅಂದಹಾಗೆಯೇ ಈ ಬಗ್ಗೆ ಪ್ರತೀಕ್​ ಸಾಮಾಜಿಕ ಜಾಲತಾಣದಲ್ಲಿ ಬರೆದು ಹಾಕಿದ್ದಾರೆ.
ಟ್ವೀಟ್​​​ ಮಾಡಿರುವ ಪ್ರತೀಕ್​ ಆರ್ಯನ್​, ‘‘ನನ್ನ ಗೆಳತಿ ನನಗೆ ಮೋಸ ಮಾಡಿದ ಕಾರಣ ನನಗೆ 25000 ರೂ ಸಿಕ್ಕಿತು. ನಮ್ಮ ಸಂಬಂಧ ಪ್ರಾರಂಭವಾದಾಗ ನಾವು ಜಂಟಿ ಖಾತೆಗೆ ಮಾಸಿಕ 500 ರೂ.ಗಳನ್ನು ಜಮಾ ಮಾಡಿದ್ದೇವೆ ಮತ್ತು ಯಾರು ಮೋಸ ಹೋದರೆ ಅವರು ಎಲ್ಲಾ ಹಣವನ್ನು ಬಿಟ್ಟು ಹೋಗುತ್ತಾರೆ ಎಂದು ಪಾಲಿಸಿ ಮಾಡಿದ್ದೇವೆ. ಇದು ಹಾರ್ಟ್ ಬ್ರೇಕ್ ಇನ್ಶುರೆನ್ಸ್ ಫಂಡ್ ಎಂದು ಟ್ವೀಟ್​ನಲ್ಲಿ ಬರೆದುಕೊಂಡಿದ್ದಾರೆ.

I got Rs 25000 because my girlfriend cheated on me .When Our relationship started we deposited a monthly Rs 500 each into a joint account during relationship and made a policy that whoever gets cheated on ,will walk away with all money.
That is Heartbreak Insurance Fund ( HIF ).

— Prateekaaryan (@Prateek_Aaryan) March 15, 2023

ಪ್ರತೀಕ್​ ಆರ್ಯನ್​​ ಟ್ವೀಟ್​ ನೋಡಿ ಅನೇಕರು ಕಾಮೆಂಟ್​​ ಬರೆದಿದ್ದಾರೆ. ಅದರಲ್ಲೊಬ್ಬ, ‘ನೀವು ಹೇಗೆ ಭಾವಿಸುತ್ತೀರಿ ಎಂದು ತಿಳಿದಿಲ್ಲ. ನೀವು ಸಂತೋಷವಾಗಿದ್ದರೆ ಅಭಿನಂದರೆ. ಅಥವಾ ಮೋಸ ಹೋಗಿ ಬೇಸರವಾಗಿದ್ದರೆ ಕ್ಷಮಿಸಿ ಎಂದು ಬರೆದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ