ಇಂದಿನ ಜಾಗ್ರತೆ ಮುಂದಿನ ನೈಜತೆ ಎಂದು ತಿಳಿಯಬೇಕಾದ ದಿನ

ಚರ್ಮಕ್ಕೆ ಸಂಬಂಧಿಸಿದ ತೊಂದರೆ ಕಾಣಬಹುದು ಎಚ್ಚರಿಕೆವಹಿಸಿ

ದ್ವೇಷ-ಅಸೂಯೆಗಳ ಸಂಕೋಲೆಗಳಿಂದ ಹೊರ ಬರಬೇಕಾಗುತ್ತದೆ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಕ್ರೋಧಿನಾಮ ಸಂವತ್ಸರ, ದಕ್ಷಿಣಾಯನ, ವರುಷ ಋತು, ಶ್ರಾವಣ ಮಾಸ, ಕೃಷ್ಣ ಪಕ್ಷ, ದಶಮಿ ತಿಥಿ, ಮೃಗಶಿರ ನಕ್ಷತ್ರ, ರಾಹುಕಾಲ ಶುಕ್ರವಾರ ಬೆಳಗ್ಗೆ 10.30 ರಿಂದ 12.00 ರವರೆಗೆ ಇರಲಿದೆ.

ಮೇಷ ರಾಶಿ

• ದೊಡ್ಡ ವ್ಯಕ್ತಿಗಳ ಭೇಟಿ ಸಾಧ್ಯತೆ
• ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಿ
• ಆರ್ಥಿಕ ಲಾಭವಿದ್ದರೂ ಭಯ ಕಾಡಬಹುದು
• ಈ ದಿನ ಪ್ರವಾಸಕ್ಕೆ ಅವಕಾಶವಿದೆ
• ನಿರೀಕ್ಷಿಸಿದ ವಿಚಾರ ತೃಪ್ತಿ ಕೊಡುವುದಿಲ್ಲ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ವೃಷಭ

• ಹಣದ ವಿಚಾರದಲ್ಲಿ ಕಾಳಜಿವಹಿಸಿ ನಷ್ಟ ಅಥವಾ ಮೋಸವಾಗಬಹುದು
• ಆಹಾರ ಮಿತವಾಗಿರಲಿ ಆರೋಗ್ಯ ಗಮನಿಸಿ
• ನಿಮ್ಮ ವೃತ್ತಿ ಅಥವಾ ನೌಕರಿಯಲ್ಲಿ ಅಡ್ಡಿಯಾಗುವ ಸೂಚನೆಯಿದೆ
• ನಿಮ್ಮ ಬಗ್ಗೆ ಇಲ್ಲಸಲ್ಲದ ಮಾತು ಬರಬಹುದು
• ನಿಮ್ಮ ಶಿಸ್ತು ನಿಮ್ಮನ್ನು ಕಾಪಾಡುತ್ತದೆ ಆಲಸ್ಯ ದೂರ ಮಾಡಿ
• ಕುಲದೇವತಾ ಆರಾಧನೆ ಮಾಡಿ

ಮಿಥುನ

• ತುಂಬಾ ಪರಿಶ್ರಮದ ದಿನ
• ವಿದ್ಯಾರ್ಥಿಗಳಿಗೆ ಹೆಚ್ಚಿನ ಸವಾಲುಗಳಿರುತ್ತದೆ
• ಹಿನ್ನಡೆ ಕಾಣಬಹುದು ಆದರೆ ಭವಿಷ್ಯದ ಮೆಟ್ಟಿಲೆಂದು ಭಾವಿಸಿ
• ಇಂದು ಆರ್ಥಿಕ ತೊಂದರೆಯಿಲ್ಲ
• ಈ ದಿನ ಸಾಲಗಳಿಂದ ಮುಕ್ತಿ ಸಿಗಲಿದೆ
• ಅತಿಥಿಗಳ ಆಗಮನದಿಂದ ಸಂತೋಷ ಆಗಲಿದೆ
• ಮನೆಯ ವಾತಾವರಣ ಸಾಯಂಕಾಲದ ಹೊತ್ತಿಗೆ ಶುಭವಿದೆ
• ಸ್ನೇಹಿತರಿಗೆ ಸಿಹಿ ಹಂಚಿ

ಕಟಕ

• ದೀರ್ಘಕಾಲದ ಆಲೋಚನೆಗಳು ಇಂದು ಪೂರ್ಣವಾಗಬಹುದು
• ಮನೆ ಕಟ್ಟುವ ವಿಚಾರದಲ್ಲಿ ನೆಮ್ಮದಿ ಸಿಗಲಿದೆ
• ಆರೋಗ್ಯದ ವಿಚಾರದಲ್ಲಿ ಏರುಪೇರಾಗಬಹುದು
• ತುಂಬಾ ಖರ್ಚು ಆದರೆ ನೆಮ್ಮದಿ ಇರುವುದಿಲ್ಲ
• ಹಳೆಯ ವಿಚಾರ ಅಥವಾ ಸ್ನೇಹಿತರ ಭೇಟಿಯ ಸಾಧ್ಯತೆ
• ಇಂದು ಕೋಪ ಕಡಿಮೆ ಇರಲಿ
• ವೃದ್ಧರಿಗೆ ವಸ್ತ್ರದಾನ ಮಾಡಿ

ಸಿಂಹ

• ನಿಮ್ಮ ಸ್ವಭಾವಕ್ಕೆ ಬೇರೆಯವರ ಒತ್ತಡಬೇಡ
• ಹಣದ ವಿಚಾರದಲ್ಲಿ ಜಾಗ್ರತೆವಹಿಸಿ
• ಮಕ್ಕಳೊಂದಿಗಿನ ಬಾಂಧವ್ಯ ಹಾಗೆ ಇರಲಿ ಕಲಹ ಬೇಡ
• ವಾತಾವರಣದ ವ್ಯತ್ಯಾಸ ಆರೋಗ್ಯದ ಮೇಲೆ ಪ್ರಭಾವ ಬೀರಬಹುದು
• ಅಕ್ಕ ಪಕ್ಕದವರು ನಿಮಗೆ ಸಹಾಯ ಮಾಡಬಹುದು
• ಹಿರಿಯರ ನಿಂದನೆಗೆ ಒಳಗಾಗುತ್ತೀರಿ
• ದಕ್ಷಿಣಾ ಮೂರ್ತಿಯನ್ನು ಪ್ರಾರ್ಥಿಸಿ

ಕನ್ಯಾ

• ಮಕ್ಕಳ ಪ್ರಗತಿ ಸಂತಸ ನೀಡಬಹುದು
• ವಾಸ್ತವ ವಿಚಾರಕ್ಕೆ ಹೋರಾಟ ಮಾಡಿ ಜಯವಿದೆ
• ಸಾಮಾಜಿಕ ಕೆಲಸಗಳಲ್ಲಿ ತೊಡಗಬಹುದು
• ಬೇರೆಯವರೊಂದಿಗಿನ ಸಂಪರ್ಕ ಸಮಾಧಾನ ನೀಡುತ್ತದೆ
• ಅನಗತ್ಯ ಮಾತಿನಿಂದ ಅಪಯಶಸ್ಸು
• ಕಾರ್ಯಕ್ಷೇತ್ರ, ವೃತ್ತಿ, ವ್ಯಾಪಾರದಲ್ಲಿ ಹಿನ್ನಡೆಯಾಗಬಹುದು
• ಶ್ರೀ ಕೃಷ್ಣನನ್ನು ಪ್ರಾರ್ಥನೆ ಮಾಡಿ

ತುಲಾ

• ಧಾರ್ಮಿಕ ಮುಖಂಡರ ಸಲಹೆ ಸಮಾಧಾನ
• ಹಣ ಹೂಡಿಕೆಗೆ ಉತ್ತಮ ದಿನ
• ಆಸಕ್ತಿದಾಯಕ ವಿಚಾರಗಳನ್ನು ಚರ್ಚಿಸಿ
• ಲಾಭ-ನಷ್ಟಗಳ ಚಿಂತೆ ಬೇಡ
• ಸಹಾಯ ಮಾಡಿದವರು ನಿಮ್ಮನ್ನು ಆಶ್ರಯಿಸಬಹುದು
• ಆರೋಗ್ಯದ ಬಗ್ಗೆ ಗಮನಿಸಿ ತಾತ್ಸಾರ ಬೇಡ
• ನವಗ್ರಹರನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಒತ್ತಡಗಳಿಂದ ದೂರ ಉಳಿಯಬೇಕು
• ಬೇರೆಯವರನ್ನು ಅವಲಂಬಿಸಿ ಅವಮಾನಕ್ಕೆ ಒಳಗಾಗದಿರಿ
• ಮನೆಯಲ್ಲಿ ಹಬ್ಬದ ವಾತಾವರಣ ಹಾಗೆ ಉಳಿಸಿಕೊಳ್ಳಿ
• ವೃತ್ತಿಪರ ಸಾಧನೆ ತೃಪ್ತಿ ಕೊಡಬಹುದು
• ತಾಯಿಯವರಿಗೆ ಅನಾರೋಗ್ಯ ಕಾಡಬಹುದು
• ಸಾಯಂಕಾಲಕ್ಕೆ ಬೇಸರ, ಹಣ ಖರ್ಚಾಗಬಹುದು
• ಅಮೃತ ಮೃತ್ಯುಂಜಯನನ್ನು ಜಪ ಮಾಡಿ

ಧನುಸ್ಸು

• ಪ್ರಯಾಣಕ್ಕೆ ಸಿದ್ಧತೆ ಪ್ರಯೋಜನವಿಲ್ಲ
• ಮಾನಸಿಕ ಕಿರಿಕಿರಿ ಉಂಟಾಗಬಹುದು
• ದೂರದ ಬಂಧುಗಳಿಂದ ಅಶುಭ ವಾರ್ತೆ
• ಅನುಮಾನಾಸ್ಪದವಾಗಿ ನಡೆದುಕೊಳ್ಳಬಾರದು
• ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಶುಭವಿದೆ
• ಸಹೋದರ ವರ್ಗದ ಜಗಳ ಬೇಸರ ತರಬಹುದು
• ಮೂಲ ದೇವರನ್ನು ಪ್ರಾರ್ಥನೆ ಮಾಡಿ

ಮಕರ

• ಗುಪ್ತರೋಗ ನಿಮ್ಮನ್ನು ಕಾಡಬಹುದು
• ಆಯಸ್ಸಿನ ಬಗ್ಗೆ ವಿಚಾರ ಮಾಡುತ್ತೀರಿ
• ಕುಟುಂಬದ ಕಲಹ ಮಾನಸಿಕವಾಗಿ ಕುಗ್ಗಿಸಬಹುದು
• ಹಿರಿಯರು ಹಾಗೂ ಗುರುಸ್ಥಾನದಲ್ಲಿರುವವರಿಗೆ ಬೇಸರವಾಗಬಹುದು
• ಹಣದ ವಿಚಾರ ಎಲ್ಲವನ್ನೂ ಮರೆಸುತ್ತದೆ
• ನಕಾರಾತ್ಮಕ ಚಿಂತನೆ ಇರಲಿ
• ಉಗ್ರನರಸಿಂಹನನ್ನು ಪ್ರಾರ್ಥಿಸಿ

ಕುಂಭ

• ಆರೋಗ್ಯ ಚೆನ್ನಾಗಿರುತ್ತದೆ
• ಹಣದ ವ್ಯವಹಾರ, ಸಾಲ ವಿಚಾರ ಬರಬಹುದು
• ಸಹೋದರರ ಜಗಳವಿದ್ದರೆ ಅಂತ್ಯಗೊಳಿಸಿ
• ಕೋಪ ಮತ್ತು ಅಸಹನೆಯಿಂದ ತೊಂದರೆಯಾಗಬಹುದು
• ಸಕಾಲಕ್ಕೆ ಭೋಜನವಿರುವುದಿಲ್ಲ
• ಸ್ವಯಂಕೃತ ಅಪರಾಧಗಳು ಬೇಡ
• ಶನೇಶ್ವರನ ಮಂತ್ರ ಜಪಿಸಿ

ಮೀನ

• ಕೇವಲ ವ್ಯಾವಹಾರಿಕವಾಗಿ ಚಿಂತಿಸದಿರಿ ವೈಚಾರಿಕತೆ ಇರಲಿ
• ಬೇರೆಯವರಿಗೆ ಮಾದರಿಯಾಗಿರಬೇಕಾದ ನೀವು ಅಪಹಾಸ್ಯಕ್ಕೆ ಗುರಿಯಾಗದಿರಿ
• ಕುಲದೇವತಾ ಅಥವಾ ಗುರುಗಳಲ್ಲಿ ಅಚಲ ಭಕ್ತಿ ಬೆಳೆಸಿಕೊಳ್ಳಿ
• ಕಾಯಕವೇ ನಿಮ್ಮ ಧ್ಯೇಯ ಎಂದು ತಿಳಿಯಿರಿ
• ದಿನ ನಿತ್ಯದ ಕೆಲಸಗಳಲ್ಲಿ ಸ್ವಲ್ಪ ವ್ಯತ್ಯಯವಾಗಬಹುದು
• ಅಸಮಾಧಾನ ಒತ್ತಡಗಳು ನಿಮ್ಮ ಕೋಪ ಹೆಚ್ಚಿಸಬಹುದು
• ಅನಾಥಾಲಯಗಳಿಗೆ ಕೈಲಾದ ಸಹಾಯ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ