ಒಂದೇ ಎಸೆತಕ್ಕೆ 286 ರನ್

ಕ್ರಿಕೆಟ್​​ ಲೋಕದಲ್ಲಿ ಯಾರು ಮಾಡದ ದಾಖಲೆ

ಇದು ಇಂದು ನಿನ್ನೆಯ ಕಥೆಯಲ್ಲ

ಕಿಕ್ರೆಟ್​​ ಅಂದರೆ ಅದೊಂದು ವಿಭಿನ್ನ ಆಟ. ಜಗದ ಉದ್ದಗಲಕ್ಕೂ ಇದನ್ನು ಕಣ್ತುಂಬಿಕೊಳ್ಳುವ ಮತ್ತು ಈ ಆಟವನ್ನು ಇಷ್ಟಪಡುವ ಅಭಿಮಾನಿಗಳಿದ್ದಾರೆ. ಅಂದಹಾಗೆಯೇ ಈ ವಿಭಿನ್ನ ಆಟದಲ್ಲಿ ಸಾಕಷ್ಟು ದಾಖಲೆಗಳು ಸೃಷ್ಠಿಯಾಗಿವೆ. ಆದರೆ ಕೆಲವೊಂದು ನಂಬಿಕೆ ಅರ್ಹವಾದರೆ ಇನ್ನೂ ಕೆಲವು ನಂಬಲಸಾಧ್ಯವಾದ ದಾಖಲೆಗಳಿವೆ. ಆದರೆ ಕ್ರಿಕೆಟ್​​ ಲೋಕದಲ್ಲಿ ಯಾರು ಮಾಡದ ದಾಖಲೆಯೊಂದರ ಬಗ್ಗೆ ಈ ಸ್ಟೋರಿ ಇದೆ. ಅದೇನು ಗೊತ್ತಾ? ಒಂದೇ ಎಸೆತಕ್ಕೆ 286 ರನ್​ ಬಾರಿಸಿದ ದಾಖಲೆ!.

ಮೊದಲೇ ಹೇಳಿದಂತೆ ಕ್ರಿಕೆಟ್​ನಲ್ಲಿ ಆರು ಎಸೆತಕ್ಕೆ ಆರು ಸಿಕ್ಸ್ ಬಾರಿಸಿದ ದಾಂಡಿಗರು ಇದ್ದಾರೆ. ಒಂದು ಬಾಲ್​ಗೆ 19 ರನ್ ಕೊಟ್ಟವರು ಇದ್ದಾರೆ. ಆದರೆ ಒಂದೇ ಎಸೆತಕ್ಕೆ​ 286 ರನ್ ಕೊಟ್ಟವರು ಇದ್ದಾರೆ ಎಂದರೆ ನಂಬುತ್ತೀರಾ? ನಂಬಲೇ ಬೇಕು.

ಸದ್ಯ 16ನೇ ಆವೃತ್ತಿಯ ಐಪಿಎಲ್​ ನಡೆಯುತ್ತಿದೆ. ಹಾಗಾಗಿ ಈ ಸುದ್ದಿ ಕೊಂಚ ಇಂಟ್ರಸ್ಟಿಂಗ್​ ಆಗಿದೆ. ಅಂದಹಾಗೆಯೇ ಒಂದೇ ಎಸೆತಕ್ಕೆ 286 ರನ್​ ಬಾರಿಸಿದ ಘಟನೆ ನಡೆದದ್ದು, ಇಂದು ನಿನ್ನೆಯಲ್ಲ. ಜನವರಿ 15, 1894ರಲ್ಲಿ ಈ ಘಟನೆ ನಡೆದಿದೆ.

ಪಶ್ಚಿಮ ಆಸ್ಟ್ರೇಲಿಯಾ ಮತ್ತು ವಿಕ್ಟೋರಿಯಾ ತಂಡಗಳ ನಡುವೆ ನಡೆದ ಸ್ಕ್ರಾಚ್ ಇಲೆವನ್ ಪಂದ್ಯದಲ್ಲಿ ಈ ಘಟನೆ ನಡೆದಿದೆ. ಒಂದು ಎಸೆತಕ್ಕೆ 286 ರನ್​ ಪೇರಿಸಲಾಗಿತ್ತು ಎಂದು ಪತ್ರಿಕೆಯೊಂದು ಈ ಬಗ್ಗೆ ವರದಿಯನ್ನು ಮಾಡಿತ್ತು.

 

ಇದು ಹೇಗೆ ಸಾಧ್ಯ?

ಸ್ಕ್ರಾಚ್ ಇಲೆವನ್ ಪಂದ್ಯದಲ್ಲಿ ವಿಕ್ಟೋರಿಯಾ ಟೀಮ್ ಬ್ಯಾಟಿಂಗ್ ಮಾಡುತ್ತಾರೆ. ಈ ವೇಳೆ ಎದುರಾಳಿ ಎಸೆದ ಚೆಂಡು ಮೈದಾನದ ಒಳಗಿದ್ದ ಜರಾಹ್ ಎಂಬ ಮರದ ಕೊಂಬೆಯಲ್ಲಿ ಸಿಲುಕಿಕೊಳ್ಳುತ್ತದೆ. ಇದೇ ಉತ್ತಮ ಅವಕಾಶವೆಂದುಕೊಂಡ ವಿಕ್ಟೋರಿಯಾ ತಂಡ ರನ್ ಪೇರಿಸಲು ಓಡುತ್ತಾರೆ. ಹೀಗೆ ಓಡುತ್ತಾ 286 ರನ್​ಗಳನ್ನು ಕಲೆಹಾಕಿದ್ದರು ಎಂದು ಹೇಳಲಾಗುತ್ತಿದೆ.

ಕೆಲವರು ಈ ಘಟನೆ ನಿಜವಾಗಿ ನಡೆದಿದೆ ಎನ್ನುತ್ತಾರೆ. ಇನ್ನು ಕೆಲವರು ಕಥೆ ಎನ್ನುತ್ತಾರೆ. ಅದರಂತೆ ಲಂಡನ್ ಮೂಲದ ಇಂಗ್ಲೀಷ್ ಭಾಷೆಯಲ್ಲಿ ಪ್ರಕಟವಾಗುತ್ತಿದ್ದ ಪಾಲ್ ಮಾಲ್ ಗ್ಯಾಜೆಟ್ 1865ರಲ್ಲಿ ಇದರ ಬಗ್ಗೆ ಉಲ್ಲೇಖಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ