ಚಿನಕುರಳಿ ಗ್ರಾಮದ ಪರಮೇಶ್ ಹಣ ಕಳೆದುಕೊಂಡ ವ್ಯಕ್ತಿ

ಕಾರನ್ನು ಹಿಂಬಾಲಿಸಿ ಹಣವನ್ನು ದೋಚಿದ ಆರೋಪಿಗಳು

ನೋಡ ನೋಡ್ತಿದ್ದಂತೆ ಹಣ ಕದ್ದು ಆರೋಪಿಗಳು ಎಸ್ಕೇಪ್​

ಮಂಡ್ಯ: ಹಾಡಹಗಲೇ ಕಾರಿನ ಗ್ಲಾಸ್ ಒಡೆದು 4.5 ಲಕ್ಷ ರೂಪಾಯಿ ಕಳ್ಳತನ ಮಾಡಿ ಪರಾರಿಯಾಗಿರೋ ಘಟನೆ ನಗರಸಭೆ ಆವರಣದಲ್ಲಿ ನಡೆದಿದೆ. ಚಿನಕುರಳಿ ಗ್ರಾಮದ ಪರಮೇಶ್ ಹಣ ಕಳೆದುಕೊಂಡ ವ್ಯಕ್ತಿ.

ನಗರಸಭೆ ಆವರಣದಲ್ಲಿ ಪರಮೇಶ್ ಎಂಬುವವರು ರಿಜಿಸ್ಟರ್ ಆಫೀಸ್​ನಿಂದ ನಗರಸಭೆ ಬಳಿ ಬಂದಿದ್ದರು. ಕಾರು ನಿಲ್ಲಿಸಿ ಪಕ್ಕದ ರಸ್ತೆಯ SBI ಬ್ಯಾಂಕ್​ಗೆ ತೆರಳಿದ್ದರು. ಇದನ್ನೇ ಗಮನಿಸಿಕೊಂಡು ಕೂತಿದ್ದ ಖತರ್ನಾಕ್ ಕಳ್ಳ ಬ್ರೀಜಾ ಕಾರಿನ ಎಡಭಾಗದ ಡೋರ್ ಗ್ಲಾಸ್ ಹೊಡೆದು ಹಣ ದೋಚಿ ಪರಾರಿಯಾಗಿದ್ದಾರೆ.

ಬಳಿಕ ಬ್ಯಾಂಕ್​ನಿಂದ ಪರಮೇಶ್ ವಾಪಸ್ ಕಾರಿನ ಬಳಿ ಬಂದಾಗ ಈ ಕೃತ್ಯ ಬೆಳಕಿಗೆ ಬಂದಿದೆ. ಕೂಡಲೇ ಮಂಡ್ಯದ ಪಶ್ಚಿಮ‌ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಘಟನಾ ಸ್ಥಳಕ್ಕೆ ಭೇಟಿ ಕೊಟ್ಟ ಪೊಲೀಸ್​​ ಅಧಿಕಾರಿಗಳು ಪರಿಶೀಲನೆ ನಡೆಸುತ್ತಿದ್ದಾರೆ. ಇನ್ನೂ ಕಳ್ಳರ ಕೃತ್ಯ ನಗರಸಭೆ ಕಚೇರಿಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ