ಕಿರುತೆರೆ ವೀಕ್ಷಕರಲ್ಲಿ ಮತ್ತಷ್ಟು ಕುತೂಹಲ ಹೆಚ್ಚಿಸಿದ ಬಿಗ್​ಬಾಸ್​ ಶೋ

4 ಸ್ಪರ್ಧಿಗಳಲ್ಲಿ ಈ ವಾರ ಮನೆಯಿಂದ ಆಚೆ ಹೋಗೋರು ಯಾರು?

ಗೌರೀಶ್, ಸಂಗೀತಾ, ಭಾಗ್ಯಶ್ರೀ, ತನಿಷಾ ಇವರಲ್ಲಿ ಯಾರು ಆಚೆ ಬರ್ತಾರೆ

ಕನ್ನಡದ ಅತೀ ದೊಡ್ಡ ರಿಯಾಲಿಟಿ ಶೋ ಬಿಗ್​ಬಾಸ್‌ ಸೀಸನ್​ 10 ಈಗ ಎರಡು ವಾರ ಪೂರೈಸಿ ಮೂರನೇ ವಾರಕ್ಕೆ ಕಾಲಿಡುತ್ತಿದೆ. ಮೊದಲ ವಾರ ಬಿಗ್​ಬಾಸ್ ಮನೆಯಿಂದ ಮೈಸೂರಿನ ಸ್ನೇಕ್ ಶ್ಯಾಮ್ ಅವರು ಹೊರಬಿದ್ದರು. ಎರಡನೇ ವಾರ ಔಟ್ ಆಗೋದು ಯಾರು ಎಂಬ ಪ್ರಶ್ನೆ ಈಗ ವೀಕ್ಷಕರಿಗೆ ಕಾಡುತ್ತಿದೆ. ಇಂದು ಇದಕ್ಕೆಲ್ಲ ಕಿಚ್ಚ ಸುದೀಪ್​ ತೆರೆ ಎಳೆಯಲಿದ್ದಾರೆ.

ಇದನ್ನು ಓದಿ: BIGG BOSS Kannada: ಎರಡನೇ ವಾರಕ್ಕೆ ಬಿಗ್​ಬಾಸ್​ ಮನೆಯಿಂದ ಔಟ್​ ಆಗೋದು ಇವರೇನಾ..?

ಹೌದು, ಬಿಗ್​ಬಾಸ್​ ಸೀಸನ್​ 10ರಲ್ಲಿ ಈಗ ಒಟ್ಟು 16 ಜನ ಇದ್ದಾರೆ. ಈ 16 ಜನರಲ್ಲಿ ಒಬ್ಬರು ಇಂದು ಬಿಗ್​ಬಾಸ್​ ಮನೆಯಿಂದ ಆಚೆ ಬರೋದು ಪಕ್ಕಾ. ಬಿಗ್​ಬಾಸ್​​ ಸೀಸನ್​​ 10ರ ಎರಡನೇ ವಾರದಲ್ಲಿ ಭಾಗ್ಯಶ್ರೀ, ತುಕಾಲಿ ಸಂತು, ಗೌರೀಶ್ ಅಕ್ಕಿ, ಸಂಗೀತಾ ಶೃಂಗೇರಿ, ತನಿಷಾ ಕುಪ್ಪಂಡ ಮತ್ತು ಕಾರ್ತಿಕ್ ಮಹೇಶ್ ಒಟ್ಟು ಆರು ಮಂದಿ ನಾಮಿನೇಟ್ ಆಗಿದ್ದರು. ಈ ಆರು ಜನರ ಪೈಕಿ ನಿನ್ನೆ ತುಕಾಲಿ ಸಂತೋಷ್​​ ಹಾಗೂ ಕಾರ್ತಿಕ್ ಮಹೇಶ್​​ ಈ ಇಬ್ಬರನ್ನು ಕಿಚ್ಚ ಸುದೀಪ್​ ಸೇಫ್​ ಮಾಡಿದ್ದಾರೆ. ಇನ್ನೂ ಇಂದಿನ ಕಿಚ್ಚನ ಪಂಚಾಯಿತಿಯಲ್ಲಿ ಕಿಚ್ಚ ಸುದೀಪ್​​​ 4 ಜನರಲ್ಲಿ ಬಿಗ್​ಬಾಸ್​​ ಮನೆಯಿಂದ ಆಚೆ ಬರುವ ಸ್ಪರ್ಧಿಯ ಹೆಸರನ್ನು ಹೇಳುತ್ತಾರೆ. ಈ ಮೂಲಕ ಆ ಸ್ಪರ್ಧಿಯ ಪಯಣ ಅಂತ್ಯವಾಗಲಿದೆ.

ಮೂಲಗಳ ಮಾಹಿತಿ ಪ್ರಕಾರ ಕಿರುತೆರೆ ನಟಿ ಭಾಗ್ಯಶ್ರೀ ಅವರು ಬಿಗ್​ಬಾಸ್​​ ಮನೆಯಿಂದ ಹೊರಗೆ ಹೋಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಇದರ ಜೊತೆಗೆ ಪತ್ರಕರ್ತ ಗೌರೀಶ್‌ ಅಕ್ಕಿ ಅವರ ಹೆಸರು ಕೂಡ ಕೇಳಿ ಬರುತ್ತಿದೆ. ಈ ಹಿಂದೆ ಗೌರೀಶ್‌ ಅಕ್ಕಿ ಅವರು ಬಿಗ್​ಬಾಸ್​​ ಮನೆಯಲ್ಲಿ ನಾನು ಮಿನಿಮಂ ಎರಡು ವಾರ, ಮ್ಯಾಕ್ಸಿಮಂ ನಾಲ್ಕು ವಾರ ಇರಬಹುದು ಅಂತ ಅಂದುಕೊಂಡು ಬಂದಿದ್ದೀನಿ ಎಂದು ಹೇಳಿದ್ದರು. ಹೀಗಾಗಿ, ಈ ವಾರ ತಾವೇ ಔಟ್ ಆಗಬಹುದು ಎಂದು ಗೌರೀಶ್ ಅಕ್ಕಿ ಊಹಿಸಿದ್ದಾರೆ. ಇದಕ್ಕೆಲ್ಲ  ಇಂದು ಕಿಚ್ಚನ ಪಂಚಾಯಿತಿಯಲ್ಲಿ ಬಹಿರಂಗವಾಗಲಿದೆ.