ಹೆಚ್ಚಾಗಿದೆ ಭಾರತ -ಪಾಕ್​ ನಡುವಿನ ಏಷ್ಯಾಕಪ್​ ಪಂದ್ಯದ ಕಾವು

ಶ್ರೀಲಂಕಾಗೆ ಬಂದಿಳಿದ ಪಾಕಿಸ್ತಾನ ತಂಡ

ಕೌಂಟಿ ಕ್ರಿಕೆಟ್​ ಆಡಲು ಸಜ್ಜಾದ ಸಾಯಿ ಸುದರ್ಶನ್​

5963 ಕೋಟಿಗೆ ಪ್ರಸಾರ ಹಕ್ಕುಗಳ ಮಾರಾಟ

ಭಾರತದಲ್ಲಿ ನಡೆಯಲಿರುವ ಅಂತರಾಷ್ಟ್ರೀಯ ಹಾಗೂ ಡೊಮೆಸ್ಟಿಕ್​​ ಪಂದ್ಯಗಳ ಪ್ರಸಾರದ ಹಕ್ಕಿನಿಂದ ಕೋಟಿ ಕೋಟಿ ಹಣ ಬಿಸಿಸಿಐ ಖಜಾನೆ ಸೇರಲಿದೆ. ನಿನ್ನೆ ನಡೆದ ಹರಾಜಿನಲ್ಲಿ ಹಕ್ಕುಗಳು ಬರೋಬ್ಬರಿ 5963 ಕೋಟಿಗೆ ಮಾರಾಟಗೊಂಡಿವೆ. ಹರಾಜು ಪ್ರಕ್ರಿಯೆಯಲ್ಲಿ ನಾಲ್ಕು ಪ್ರಮುಖ ವಾಹಿನಿಗಳ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಅಂತಿಮವಾಗಿ ವಯೋಕಾಮ್​​ 18 ಪ್ರೈವೇಟ್​​ ಲಿಮಿಟೆಡ್​​ 5963 ಕೋಟಿ ಹಕ್ಕನ್ನ ಖರೀದಿಸಿತು. ಈ ಹಿಂದೆ ಸ್ಟಾರ್​​ಸ್ಪೋರ್ಟ್ಸ್​​ ಪಂದ್ಯಗಳ ಪ್ರಸಾರ ಹಕ್ಕನ್ನ ಹೊಂದಿತ್ತು.

ಕೊಹ್ಲಿಯ ಗುಣಗಾನ ಮಾಡಿದ ಬಾಬರ್​ ಅಝಂ

ಏಷ್ಯಾಕಪ್​ ಟೂರ್ನಿಯಲ್ಲಿ ಭಾರತ – ಪಾಕಿಸ್ತಾನ ನಡುವಿನ ಪಂದ್ಯಕ್ಕೆ ಕೌಂಟ್​​ಡೌನ್​ ಸ್ಟಾರ್ಟ್​​ ಆಗಿದೆ. ನಾಳೆ ಪೆಲ್ಲೆಕೆಲೆ ಮೈದಾನದಲ್ಲಿ ಭಾರತ – ಪಾಕ್​ ಮುಖಾಮುಖಿಯಾಗಲಿದ್ದು, ವಿಶ್ವ ಕ್ರಿಕೆಟ್​ ಲೋಕದಲ್ಲಿ ಇಂಡೋ – ಪಾಕ್​ ಪಂದ್ಯದ ಫೀವರ್​ ಹೆಚ್ಚಿದೆ. ಇದರ ಪಾಕಿಸ್ತಾನದ ನಾಯಕ ಬಾಬರ್​ ಅಝಂ, ವಿರಾಟ್​ ಕೊಹ್ಲಿಯ ಗುಣಗಾನ ಮಾಡಿದ್ದಾರೆ. 2019ರ ವಿಶ್ವಕಪ್​ ವೇಳೆ ನಾನು ಕೊಹ್ಲಿಯನ್ನ ಭೇಟಿಯಾಗಿ ಬ್ಯಾಟಿಂಗ್​ ಬಗ್ಗೆ ಹಲವು ಪ್ರಶ್ನೆಗಳನ್ನ ಕೇಳಿದೆ. ಅವರು ಪ್ರಾಮಾಣಿಕವಾಗಿ ನನಗೆ ಎಲ್ಲವನ್ನೂ ವಿವರಿಸಿದರು. ಇದ್ರಿಂದ ನಾನು ತುಂಬಾ ಕಲಿತೆ. ಅವರು ಆಗಲೂ ಎತ್ತರದಲ್ಲಿದ್ರು, ಈಗಲೂ ಎತ್ತರದಲ್ಲಿದ್ದಾರೆ ಎಂದು ಬಾಬರ್​ ಅಝಂ ಹೇಳಿಕೊಂಡಿದ್ದಾರೆ.

ಇಂಡೋ – ಪಾಕ್​ ಫೀವರ್, ಹೋಟೆಲ್​ಗಳಿಗೆ ಡಿಮ್ಯಾಂಡ್​​

ಭಾರತ – ಪಾಕಿಸ್ತಾನ ನಡುವಿನ ಏಷ್ಯಾಕಪ್​ ಪಂದ್ಯದ ಕಾವು ಹೆಚ್ಚಾಗಿದೆ. ಶ್ರೀಲಂಕಾಗೆ ಪ್ರವಾಸಿಗರ ದಂಡು ಹರಿದು ಬರ್ತಿದ್ದು, ಕ್ಯಾಂಡಿಯ ಹೋಟೆಲ್​ ಹಾಗೂ ರೆಸಾರ್ಟ್​​ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಈಗಾಗಲೇ ಕ್ಯಾಂಡಿಯಲ್ಲಿರುವ ಎಲ್ಲಾ ಹೇಟೆಲ್​ ಹಾಗೂ ರೆಸಾರ್ಟ್​​ಗಳು ಸಂಪೂರ್ಣ ಭರ್ತಿಯಾಗಿವೆ ಎಂದು ತಿಳಿದುಬಂದಿದೆ. ಸಂಕಷ್ಟಕ್ಕೆ ಸಿಲುಕಿರುವ ಶ್ರೀಲಂಕಾದ ಆರ್ಥಿಕತೆ ಚೇತನ ಸಿಗಲಿದೆ ಎಂಬ ಅಭಿಪ್ರಾಯಗಳು ವ್ಯಕ್ತವಾಗ್ತಿವೆ. ಗ್ರೂಪ್​ ಹಂತದ ಹೊರತಾಗಿ ಸೂಪರ್​ 4 ಹಾಗೂ ಫೈನಲ್​ನಲ್ಲಿಯೂ ಕೂಡ ಭಾರತ – ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗುವ ಸಾಧ್ಯತೆಯಿದೆ.

ಅಭಿಮಾನಿಗಳೊಂದಿಗೆ ಕಾಲ ಕಳೆದ ಬಾಬರ್​ ಅಝಂ

ಏಷ್ಯಾಕಪ್​ ಟೂರ್ನಿಯ ಮೊದಲ ಪಂದ್ಯದಲ್ಲಿ ಜಯ ಸಾಧಿಸಿದ ಬಳಿಕ ಪಾಕಿಸ್ತಾನ ತಂಡದ ನಾಯಕ ಬಾಬರ್​ ಅಝಂ ವಿಶೇಷ ಅಭಿಮಾನಿಗಳನ್ನ ಭೇಟಿಯಾಗಿದ್ದಾರೆ. ಬಾಬರ್ ಅಝಂಗೆ ಕೋಚ್​ ಮಿಕ್ಕಿ ಆರ್ಥರ್​ ಸಾಥ್​ ನೀಡಿದ್ದಾರೆ. ಮುಲ್ತಾನ್​ ಸ್ಟೇಡಿಯಂನಲ್ಲಿ ಪಂದ್ಯ ಮುಗಿದ ಬಳಿಕ ಭೇಟಿಯಾಗಿದ್ದು, ಈ ವೇಳೆ ವಿಶೇಷ ಚೇತನ ಅಭಿಮಾನಿಗಳು ಹಾಗೂ ಇಬ್ಬರು ಪುಟ್ಟ ಮಕ್ಕಳಿಗೆ ಜೆರ್ಸಿ ಹಾಗೂ ಕ್ಯಾಪ್​ ನೀಡಿದ್ದಾರೆ. ಬಾಬರ್​ ಭೇಟಿಯಾದ ಅಭಿಮಾನಿಗಳು ಫುಟ್​ ಖುಷ್​ ಆಗಿದ್ದಾರೆ.

ಶ್ರೀಲಂಕಾ ತಲುಪಿದ ಪಾಕಿಸ್ತಾನ ಆಟಗಾರರು

ಏಷ್ಯಾಕಪ್​ ಟೂರ್ನಿಯ ಭಾರತದ ವಿರುದ್ಧದ ಪಂದ್ಯವನ್ನಾಡಲು ಪಾಕಿಸ್ತಾನ ತಂಡ ಶ್ರೀಲಂಕಾಗೆ ಬಂದಿಳಿದಿದೆ. ಬಾಬರ್​ ಅಝಂ ನೇತೃತ್ವದ ಪಾಕ್​ ಪಡೆ ಕೊಲಂಬೋ ತಲುಪಿದ್ದು, ಇಂದು ಅಭ್ಯಾಸ ನಡೆಸಲಿದೆ. ನಾಳೆ ಪಲ್ಲೆಕೆಲೆಯಲ್ಲಿ ಟೀಮ್​ ಇಂಡಿಯಾ ವಿರುದ್ಧ ಪಾಕಿಸ್ತಾನ ಪಂದ್ಯವನ್ನಾಡಲಿದೆ. ಟೂರ್ನಿಯ ಮೊದಲ ಪಂದ್ಯದಲ್ಲಿ ನೇಪಾಳ ವಿರುದ್ಧ ಪಾಕಿಸ್ತಾನ ಪಡೆ ಭರ್ಜರಿ ಗೆಲುವು ದಾಖಲಿಸಿತು. ಈ ಗೆಲುವಿನ ಬೆನ್ನಲ್ಲೇ ಪಾಕ್​ ಆಟಗಾರರು ಲಂಕಾಗೆ ಹಾರಿದ್ರು.

ಕೌಂಟಿ ಕ್ರಿಕೆಟ್​ ಆಡಲು ಸಜ್ಜಾದ ಸಾಯಿ ಸುದರ್ಶನ್​

ಭಾರತದ ಯುವ ಕ್ರಿಕೆಟಿಗ, ಗುಜರಾತ್​ ಟೈಟನ್ಸ್​ ತಂಡದ ಬ್ಯಾಟ್ಸ್​ಮನ್​ ಸಾಯಿ ಸುದರ್ಶನ ಕೌಂಟಿ ಕ್ರಿಕೆಟ್​ ಆಡಲು ಸಜ್ಜಾಗಿದ್ದಾರೆ. ಇಂಗ್ಲೆಂಡ್​ ಕೌಂಟಿ ಕ್ರಿಕೆಟ್​ ತಂಡ ಸರ್ರೆ ಪರ ಆಡಲು ಸಾಯಿ ಸುದರ್ಶನ ಮುಂದಾಗಿದ್ದಾರೆ. ಇಂಗ್ಲೀಷ್​ ಕೌಂಟಿ ಚಾಂಪಿಯನ್​ಶಿಪ್​​ ಸೀಸನ್​ನ ಕೊನೆಯ 3 ಪಂದ್ಯಗಳು ಬಾಕಿ ಉಳಿದಿದ್ದು, ಆ ಪಂದ್ಯಗಳನ್ನ ಸಾಯಿ ಸುದರ್ಶನ್​ ಆಡಲಿದ್ದಾರೆ. ಈ ಸೀಸನ್​ ಐಪಿಎಲ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಸಾಯಿ ಸುದರ್ಶನ್​, 51.71ರ ಸರಾಸರಿಯಲ್ಲಿ 362 ರನ್​​ಗಳಿಸಿದ್ರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ