ಮೈಸೂರಿನ ಶ್ರೀಗಂಧ ಮರದಿಂದ ತಯಾರಿಸಿದ್ದ ವಿಶೇಷ ಬಾಕ್ಸ್

ಆ ಶ್ರೀಗಂಧ ಬಾಕ್ಸ್ ಒಳಗೆ ಏನೆಲ್ಲಾ ಉಡುಗೊರೆ ಇದೆ ಗೊತ್ತಾ..?

ಅಂತಾರಾಷ್ಟ್ರೀಯ ಸಂಬಂಧ ಬಿಂಬಿಸುವ ಸಂಕೇತವೇ ಗ್ರೀನ್ ಡೈಮಂಡ್

ಅಮೆರಿಕ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿಯನ್ನು ಅಧ್ಯಕ್ಷ ಜೋ ಬೈಡನ್ ಮತ್ತು ಫಸ್ಟ್​ ಲೇಡಿ ಜಿಲ್ ಬೈಡನ್ ಅವರನ್ನು ಆತ್ಮೀಯವಾಗಿ ಸ್ವಾಗತಿಸಿದ್ದಾರೆ. ನ್ಯೂಯಾರ್ಕ್​ನಿಂದ ವಾಷಿಂಗ್ಟನ್​ನಲ್ಲಿರುವ ಶ್ವೇತಭವನಕ್ಕೆ ಮೋದಿ ಬರ್ತಿದ್ದಂತೆಯೇ ಸ್ವಾಗತಿಸಿದ್ದಾರೆ. ಈ ವೇಳೆ ಭಾರತದಿಂದ ತೆಗೆದುಕೊಂಡು ಹೋಗಿದ್ದ ಮೌಲ್ಯ ವಸ್ತುಗಳ ಉಡುಗೊರೆಗಳನ್ನು ಅಮೆರಿಕದ ಫಸ್ಟ್​ ಕಪಲ್​ಗೆ ಪ್ರಧಾನಿ ಮೋದಿ ನೀಡಿದರು.

ಗಿಫ್ಟ್​ 1: ಸ್ಯಾಂಡಲ್​ವುಡ್​ ಬಾಕ್ಸ್

ರಾಜಸ್ಥಾನದ ಜೈಪುರದ ಕುಶಲಕರ್ಮಿ ಒಬ್ಬರು ತಯಾರಿಸಿದ ಸ್ಯಾಂಡಲ್​ವುಡ್ ಬಾಕ್ಸ್​ ಅನ್ನು ಮೋದಿ ಜೋ ಬೈಡನ್​ಗೆ ನೀಡಿದರು. ಇದು ನಮ್ಮ ರಾಜ್ಯದ ಮೈಸೂರಿನ ಶ್ರೀಗಂಧ ಮರದಿಂದ ಮಾಡಿದ ಬಾಕ್ಸ್ ಆಗಿದೆ. ಈ ಬಾಕ್ಸ್​ ಮೇಲೆ ಸಸ್ಯ ಹಾಗೂ ಪ್ರಾಣಿಗಳ ಮಾದರಿಗಳನ್ನು ಕೆತ್ತಲಾಗಿದೆ.

ಈ ಬಾಕ್ಸ್​ನಲ್ಲಿ ಏನಿದೆ..?

ಗಣೇಶನ‌ ವಿಗ್ರಹ, ಎಣ್ಣೆ ದೀಪ, ತಾಮ್ರದ ಪ್ಲೇಟ್, 10 ಬೆಳ್ಳಿ ಬಾಕ್ಸ್​ಗಳಿವೆ. ಇದು ದಾಸ-ದಾನಂ ಪದ್ದತಿಯನ್ನು ನೆನಪಿಸುತ್ತಿದೆ.

ಗಿಫ್ಟ್​ 2: ಡೈಮಂಡ್

ಅಮೆರಿಕ ಮೊದಲ ಮಹಿಳೆ ಜಿಲ್ ಬಿಡೆನ್​ಗೆ ಲ್ಯಾಬ್​ನಲ್ಲಿ ತಯಾರಿಸಿದ್ದ ಡೈಮಂಡ್ ಗಿಫ್ಟ್ ನೀಡಿದರು. ಇದು 7.5 ಕ್ಯಾರೆಟ್ ಗ್ರೀನ್ ಡೈಮಂಡ್ ಆಗಿದ್ದು, ಪರಿಸರಸ್ನೇಹಿಯಾಗಿದೆ. ಕಾಶ್ಮೀರದ ಕರ್ ಇ ಕಲಮಧನಿ ಬಾಕ್ಸ್​ನಲ್ಲಿ ಗ್ರೀನ್ ಡೈಮಂಡ್ ಇಟ್ಟು ಉಡುಗೊರೆ ಮಾಡಿದ್ದಾರೆ. ಭಾರತಕ್ಕೆ ಸ್ವಾತಂತ್ರ್ಯ ಸಿಕ್ಕ 75 ವರ್ಷ, ಸುಸ್ಥಿರ ಅಂತಾರಾಷ್ಟ್ರೀಯ ಸಂಬಂಧಗಳನ್ನು ಬಿಂಬಿಸುವ ಸಂಕೇತವಾಗಿ ಗ್ರೀನ್ ಡೈಮಂಡ್ ಗಿಫ್ಟ್​ಗಳನ್ನು ನೀಡಲಾಗಿದೆ.

ಗಿಫ್ಟ್​ 3: ಉಪನಿಷತ್ ಪುಸ್ತಕ

ಲಂಡನ್​ನಲ್ಲಿ ಮುದ್ರಣವಾದ ಉಪನಿಷತ್ ಪುಸ್ತಕವನ್ನು ಮೋದಿ ಜೋ ಬೈಡೆನ್​ಗೆ ನೀಡಿದ್ದಾರೆ. ಯೂನಿವರ್ಸಿಟಿ ಪ್ರೆಸ್ ಗ್ಲಾಸ್ಗೋನಲ್ಲಿ ಮುದ್ರಣವಾದ ‘ಟೆನ್ ಪ್ರಿನ್ಸಿಪಲ್ ಉಪನಿಷತ್’ ಪುಸ್ತಕದ ಮೊದಲ ಸಂಚಿಕೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಲಂಡನ್​ನ ಫಾಬರ್ & ಫಾಬರ್ ಲಿಮಿಟೆಡ್ ಈ ಪುಸ್ತಕದ ಪ್ರಕಾಶರಾಗಿದ್ದಾರೆ.

 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ