ಈ ಕಂದನ ಸಾವಿಗೆ ಕಾರಣ ಕೇಳಿದ್ರೆ.. ನಿಮ್ಮ ಕಣ್ಣು ಕೆಂಪಾಗುತ್ತೆ!

ಮೈದಾನದ ಅಂಗಳದಲ್ಲೇ ಚಿರನಿದ್ರೆಗೆ ಜಾರಿದ 10 ವರ್ಷದ ಬಾಲಕ

ಮಕ್ಕಳ ಆಟದ ಮೈದಾನ ಸರಿಯಾಗಿ ನಿರ್ವಹಣೆ ಮಾಡದ ಬಿಬಿಎಂಪಿ

ಬೆಂಗಳೂರು: ಇವತ್ತು ಸಂಡೇ ಅಂತ ಬಿಬಿಎಂಪಿ ಆಟದ ಮೈದಾನಕ್ಕೆ ಹೋಗಿದ್ದ ಪುಟ್ಟ ಹುಡುಗ ದಾರುಣವಾಗಿ ಸಾವನ್ನಪ್ಪಿದ್ದಾನೆ. ಇವನ ಹೆಸರು ನಿರಂಜನ್ ಅಂತ. ಇನ್ನೂ 10 ವರ್ಷ ಅಷ್ಟೇ. ನಿರಂಜನ್ ಅಪ್ಪ ವಿಜಯ್ ​ಕುಮಾರ್ ಆಟೋಚಾಲಕ. ನಿರಂಜನ್ ಆಟ ಆಡೋಕೆ ಅಂತ ಮಲ್ಲೇಶ್ವರಂನ ಆಟದ ಮೈದಾನಕ್ಕೆ ಹೋಗಿದ್ದ. ಹೋದ ಅಷ್ಟೇ, ವಾಪಾಸ್ ಬರಲೇ ಇಲ್ಲ. ಮೈದಾನದ ಅಂಗಳದಲ್ಲೇ ಚಿರನಿದ್ರೆಗೆ ಜಾರಿಬಿಟ್ಟಿದ್ದಾನೆ.

ಇದನ್ನೂ ಓದಿ: ಮನೆಯ ಹೊಸ್ತಿಲಲ್ಲೇ ರಣ ಭೀಕರ ಹ*ತ್ಯೆ.. ಕಾರವಾರದಲ್ಲಿ ಉದ್ಯಮಿಯ ದಾರುಣ ಅಂತ್ಯ; ಆಗಿದ್ದೇನು? 

ಮಗನ ಸಾವನ್ನು ಕಣ್ಣಾರೆ ಕಂಡ ಈ ಹೆತ್ತವರ ಸಂಕಟ ಯಾವ್ ಶತ್ರುಗೂ ಬೇಡ ಅನ್ಸುತ್ತೆ. ಅಷ್ಟಕ್ಕೂ ಕಂದನ ಸಾವಿಗೆ ಕಾರಣ ಕೇಳಿದ್ರೆ, ನಿಮ್ಮ ಕಣ್ಣು ಕೆಂಪಾಗುತ್ತೆ. ಥೂ ಇವ್ರಿಗೆ ನಾಚಿಕೆಯಾಗ್ಬೇಕು ಅಂತ ಕೋಪ ಬರುತ್ತೆ. ಯಾಕಂದ್ರೆ, ಈ ಬಾಲಕನ ಸಾವಿಗೆ ಕಾರಣ ಬಿಬಿಎಂಪಿ. ಇಷ್ಟು ದಿನ ಬ್ರ್ಯಾಂಡ್​.. ಬ್ರ್ಯಾಂಡ್​ ಅಂತಾ ಕಥೆ ಹೇಳ್ಕೊಂಡು ತಿರುಗಾಡ್ತಿದ್ದ ಬಿಬಿಎಂಪಿ ಈಗ ಕ್ರಿಮಿನಲ್​ ಪಟ್ಟ ಹೊತ್ತಿದೆ ಅಂದ್ರೆ ತಪ್ಪೇ ಆಗೋದಿಲ್ಲ ಅನ್ಸುತ್ತೆ.

ಅಸಲಿಗೆ ಆಗಿದ್ದೇನು?
ನಿರಂಜನ್ ಆಟ ಆಡಲು ಹೋಗಿ ಬಿಬಿಎಂಪಿ ಮೈದಾನದ ಗೇಟ್ ಓಪನ್​ ಮಾಡಿದ್ದಾನೆ. ಓಪನ್ ಮಾಡ್ತಿದ್ದಂತೆ ಮೈದಾನದ ಗೇಟ್​ ಬಾಲಕನ ಮೇಲೆ ಬಿದ್ದು ಬಿಟ್ಟಿದೆ. ಗೇಟ್ ಬಿದ್ದ ರಭಸಕ್ಕೆ ಮಗುವಿನ ತಲೆಗೆ ತೀವ್ರ ಪೆಟ್ಟಾಗಿದೆ. ತಕ್ಷಣ ಸ್ಥಳೀಯರು ಕೆ.ಸಿ ಜನರಲ್‌ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ದುರಂತದಲ್ಲಿ ನಿರಂಜನ್ ಜೀವ ಉಳಿಯಲೇ ಇಲ್ಲ.

ಇದನ್ನೂ ಓದಿ: ಹೊಸ ಬೈಕ್ ಶೋಕಿ.. ತಂದೆ-ತಾಯಿ ಬುದ್ಧಿ ಮಾತಿಗೆ ಮನನೊಂದ ಮಗ ಸಾವಿಗೆ ಶರಣು; ಆಗಿದ್ದೇನು? 

ಸ್ಥಳಕ್ಕೆ ಬಂದ ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಅವರು ಈ ಬಗ್ಗೆ ಮಾಹಿತಿ ಪಡೆದರು. ಲೋಪ ಆಗಿದ್ದಲ್ಲಿ ಕ್ರಮ ಕೈಗೊಳ್ಳುವ ಭರವಸೆ ನೀಡಿ ಮಗನನ್ನು ಕಳೆದುಕೊಂಡ ನಿರಂಜನ್​ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ್ದಾರೆ.
ನಿಜಕ್ಕೂ ಈ ಸಾವಿಗೆ ನ್ಯಾಯ ಸಿಗಬೇಕು. ತಪ್ಪು ಮಾಡಿದವರಿಗೆ ಕಠಿಣಾತಿ ಕಠಿಣ ಶಿಕ್ಷೆಯಾಗಲೇ ಬೇಕು. ಮಕ್ಕಳ ಆಟದ ಮೈದಾನವನ್ನು ಸರಿಯಾಗಿ ನಿರ್ವಹಣೆ ಮಾಡದ ಬಿಬಿಎಂಪಿ ಬುದ್ಧಿ ಕಲಿಯೋದು ಯಾವಾಗ ಅನ್ನೋದೇ ಎಲ್ಲರ ಪ್ರಶ್ನೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ