ಟೀಂ ಇಂಡಿಯಾ ಮತ್ತು ಆಸ್ಟ್ರೇಲಿಯಾ ಪಂದ್ಯದ ವೇಳೆ ಭದ್ರತಾ ಲೋಪ

ಕೊಹ್ಲಿ ಕಂಡು ಮೈದಾನದತ್ತ ಓಡೋಡಿ ಬಂದ ಪಾಲೆಸ್ತೀನ್​ ಫ್ಯಾನ್​

ವಿರಾಟ್​ನನ್ನು ಕಂಡು ಬಿಗಿದಪ್ಪಿದ ಅಭಿಮಾನಿ.. ಮುಂದೇನಾಯ್ತು?

ಟೀಂ ಇಂಡಿಯಾ ಮತ್ತು ಆಸ್ಟ್ರೇಲಿಯಾ ಪಂದ್ಯದ ವೇಳೆ ಭದ್ರತಾ ಲೋಪವೊಂದು ಎದುರಾಗಿದೆ. ಕೊಹ್ಲಿ ಮತ್ತು ರಾಹುಲ್​ ಬ್ಯಾಟಿಂಗ್​ ವೇಳೆ ಅಭಿಮಾನಿಯೊಬ್ಬ ಮೈದಾನದೊಳಕ್ಕೆ ನುಗ್ಗಿದ್ದಾನೆ. ಈ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಪಾಲೆಸ್ತೀನ್​ ಅಭಿಮಾನಿಯೊಬ್ಬ ವಿರಾಟ್​ ಕೊಹ್ಲಿಯನ್ನು ಕಂಡು ಮೈದಾನಕ್ಕೆ ನುಗ್ಗಿದ್ದಾನೆ. ಕೆ.ಎಲ್​ ರಾಹುಲ್​ ಮತ್ತು ವಿರಾಟ್​ ಬ್ಯಾಟಿಂಗ್​ ಮಾಡುವ ವೇಳೆ ನೇರವಾಗಿ ಬಂದ ಅಭಿಮಾನಿ ಕೊಹ್ಲಿಯನ್ನು ಅಪ್ಪಿ ಹಿಡಿದಿದ್ದಾನೆ. ಸದ್ಯ ಈ ದೃಶ್ಯ ಎಕ್ಸ್​ನಲ್ಲಿ ಹರಿದಾಡುತ್ತಿದೆ.

A fan breached the field to meet Virat Kohli. pic.twitter.com/c6U9aTrB0r

— Mufaddal Vohra (@mufaddal_vohra) November 19, 2023

ಕೊಹ್ಲಿ ಔಟ್​!

ಆರ್ಧ ಶತಕ ಬಾರಿಸಿ ತಂಡಕ್ಕೆ ದೊಡ್ಡ ಮೊತ್ತವನ್ನು ಪೇರಿಸಲು ಮುಂದಾಗಿದ್ದ ವಿರಾಟ್​​ ಕೊಹ್ಲಿ ಔಟಾಗಿದ್ದಾರೆ. ಆಸೀಸ್​ ನಾಯಕದ ಎಸೆತಕ್ಕೆ ವಿಕೆಟ್​ ಒಪ್ಪಿಸಿದ್ದಾರೆ.

ಕೊಹ್ಲಿ 63 ಎಸೆತಕ್ಕೆ 54 ರನ್​ ಬಾರಿಸಿ ತಂಡಕ್ಕೆ ಆಸರೆಯಾಗಿದ್ದರು. ಆದರೆ ಯಾವುದೇ ಸಿಕ್ಸ್​ ಬಾರಿಸದ ಜಾಗರೂಕತೆಯಿಂದ ಆಟವಾಡುತ್ತಿದ್ದ ಕೊಹ್ಲಿಗೆ ಅದೃಷ್ಟ ಕೈ ಕೊಟ್ಟಿದೆ. ಕಮಿನ್ಸ್​ ಎಸೆತಕ್ಕೆ ಬ್ಯಾಟ್​ಗೆ ತಾಗಿದ ಚೆಂಡು ನೇರವಾಗಿ ವಿಕೆಟ್​ಗೆ ಬಡಿದಿದೆ. ಹೀಗಾಗಿ ವಿರಾಟ್​ ವಿಕೆಟ್​ ಉರುಳಿದೆ. ಆದರೆ ಇದು ನಂಬಲಸಾಧ್ಯವಾದ ಚಿತ್ರಣವಾಗಿತ್ತು. ವಿರಾಟ್​ ಫ್ಯಾನ್ಸ್ ಅಂತೂ ಕಣ್ಣೀರು ಹಾಕಿದ್ದಾರೆ.

ಸದ್ಯ ಟೀಂ ಇಂಡಿಯಾದ ಮೇಲೆ ಎಲ್ಲರ ನಿರೀಕ್ಷೆ ಇದೆ. ಆದರೆ ಆರಂಭಿಕ ದಾಂಡಿಗರ ವಿಕೆಟ್​ ಉರುಳಿದ ಕಾರಣ ಸದ್ಯ ಟೀಂ ಇಂಡಿಯಾಗೆ ಹೆಚ್ಚಿನ ರನ್​ ಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ