ದೋಸೆ ಜೊತೆಗೆ ನೆಂಚಿಕೊಳ್ಳಲು ಸಾಂಬಾರ್​ ಕೊಡದ ಹೋಟೆಲ್​

ಕೇಳಿದ್ದಕ್ಕೆ ಹೋಟೆಲನ್ನೇ ಖರೀದಿ ಮಾಡು ಎಂದು ಹೇಳಿದ ಸಿಬ್ಬಂದಿ

140 ರೂಪಾಯಿಗೆ ದೋಸೆಗೆ 3500 ರೂಪಾಯಿ ದಂಡ! ಎಂಥಾ ಅವಸ್ಥೆ

ದೋಸೆಗಳಲ್ಲಿ ನಾನಾ ವೆರೈಟಿಗಳಿವೆ. ನೀರ್​ ದೋಸೆ, ಮಸಾಲೆ ದೋಸೆ, ಬೆಣ್ಣೆ ದೋಸೆ, ಪನ್ನೀರ್​ ದೋಸೆ ಹೀಗೆ ಬಾಯಲ್ಲಿ ನೀರುಣಿಸುವಂತೆ ಮಾಡುವ ಅನೇಕ ದೋಸೆಗಳಿವೆ. ಅದರಲ್ಲಿ ಕೆಲವೊಂದು ದೋಸೆಗಳನ್ನು ಚಟ್ನಿ ಜೊತೆಗೆ ತಿಂದರೆ ಚೆನ್ನಾಗಿರುತ್ತದೆ. ಇನ್ನು ಕೆಲವು ದೋಸೆಗಳನ್ನ ಸಾಂಬಾರ್​ ಜೊತೆಗೆ ಸೇವಿಸದರೆ ಮಾತ್ರ ಚೆನ್ನಾಗಿರುತ್ತದೆ. ಆದರೆ ಕೆಲವೊಂದು ಹೋಟೆಲ್​ಗಳು ದೋಸೆಗೆ ತಕ್ಕಂತೆ ಸಾಂಬಾರ್​ ಅಥವಾ ಚಟ್ನಿಯನ್ನು ನೀಡುವುದಿಲ್ಲ. ಅದರಂತೆ ಇಲ್ಲೊಂದು ಹೋಟೆಲ್​ ಕೂಡ ಗ್ರಾಹಕನೋರ್ವನಿಗೆ ದೋಸೆ ಜೊತೆಗೆ ಸಾಂಬಾರ್​ ನೀಡಿಲ್ಲ. ಇದರಿಂದ ಕೋಪಗೊಂಡ ಗ್ರಾಹಕ ಏನು ಮಾಡಿದ್ದಾನೆ ಗೊತ್ತಾ? ಕೋರ್ಟ್​ ಮೆಟ್ಟಿಲೇರಿದ್ದಾನೆ.

ಬಿಹಾರದಲ್ಲಿ ಈ ಘಟನೆ ನಡೆದಿದೆ. ಮನೀಶ್​ ಎಂಬ ವ್ಯಕ್ತಿ ಕೋರ್ಟ್​ ಮೆಟ್ಟಿಲೇರಿದ್ದಾರೆ. ತಮ್ಮ ಹುಟ್ಟುಹಬ್ಬದ ದಿನ ದೋಸೆ ಸವಿಯಲೆಂದು ಹೋಟೆಲ್​ಗೆ ಹೋಗಿದ್ದಾನೆ. ಆ ವೇಳೆ ತನ್ನಿಷ್ಟದ ದೋಸೆ ಆರ್ಡರ್​ ಮಾಡಿದ್ದಾನೆ. 140 ರೂಪಾಯಿಗೆ ದೋಸೆ ಆರ್ಡರ್​ ಮಾಡಿದ್ದಾನೆ.

ಮನೀಶ್ ದೋಸೆ ಆರ್ಡರ್​ ಮಾಡಿದಂತೆ ದೋಸೆ ಬಂದಿದೆ. ಆದರೆ ದೋಸೆ ಜೊತೆ ನೆಂಚಿಕೊಳ್ಳಲು ಸಾಂಬಾರ್​ ಕೊಟ್ಟಿರಲಿಲ್ಲ. ಈ ವೇಳೆ ಹೋಟೆಲ್​​ನವರನ್ನು ಕೇಳಿದಾಗ 140 ರೂಪಾಯಿಗೆ ಹೋಟೆಲನ್ನೇ ಖರೀದಿ ಮಾಡು ಎಂದು ಉಡಾಫೆ ಮಾತನಾಡಿದ್ದಾರೆ.

ಇದರಿಂದ ಕೋಪಗೊಂಡ ಮನೀಶ್​ ಕೋರ್ಟ್​ ಮೊರೆ ಹೋಗುತ್ತಾನೆ. ಮಾನಸಿಕ, ದೈಹಿಕ ಮತ್ತು ಆರ್ಥಿಕವಾಗಿ ದ್ರೋಹ ಮಾಡಿದೆ ಎಂದು ಹೋಟೆಲ್​ ವಿರುದ್ಧ ಕೋರ್ಟ್​ನಲ್ಲಿ ವಾದಿಸಿದ್ದಾನೆ. ಮನೀಶ್​​ಗೆ ಆದ ಅವಮಾನಕ್ಕೆ ಕೋರ್ಟ್​ ಹೋಟೆಲ್​ಗೆ 3500 ರೂಪಾಯಿ ದಂಡ ವಿಧಿಸುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ