ಪೊಲೀಸರ ಎದುರು ಆರೋಪಿಗಳು ಕಟ್ಟಿದ್ದ ಕಹಾನಿಯೇ ಬೇರೆ

ನಾವೇ ನಾಲ್ವರು ಸೇರಿ ಆತನನ್ನು ಕೊಲೆ ಮಾಡಿದ್ವಿ ಸರ್​ ಅಂದ್ರು

ಆರೋಪಿಗಳು ಡೂಪ್ಲಿಕೇಟ್ ಕಥೆ ಕಟ್ಟಿ ಶರಣಾಗಿದ್ದೇ ರೋಚಕ

ಚಿತ್ರದುರ್ಗದ ರೇಣುಕಾಸ್ವಾಮಿಯನ್ನು ಅತ್ಯಂತ ಕ್ರೂರವಾಗಿ ಕೊಂದ ಆರೋಪದಲ್ಲಿ ದರ್ಶನ್ ಗ್ಯಾಂಗ್​ ಸದ್ಯ ಜೈಲಿನಲ್ಲಿದೆ. ರೇಣುಕಾಸ್ವಾಮಿ ಕೇಸ್ ಸಂಬಂಧ ಆರೋಪಿಗಳ ವಿರುದ್ಧ ಪೊಲೀಸರು ಡಿಟೇಲ್ ಆದ ಚಾರ್ಜ್ ಶೀಟ್​ ಸಲ್ಲಿಕೆ ಮಾಡಿದ್ದಾರೆ.

ಇದನ್ನೂ ಓದಿ: ನಕಲಿ ಜನರು ಮುಖವಾಡ ಹಾಕೊಂಡು ಬದುಕ್ತಾರೆ -ಭಾರೀ ಸದ್ದು ಮಾಡ್ತಿದೆ ರಚಿತಾ ರಾಮ್​​ ಪೋಸ್ಟ್

ಚಾರ್ಜ್ ಶೀಟ್​ನಲ್ಲಿ ಆರೋಪಿಗಳ ಬಗ್ಗೆ ಪೊಲೀಸರು ಇಂಚಿಂಚೂ ಮಾಹಿತಿಯನ್ನು ದಾಖಲಿಸಿರೋದು ರೋಚಕವಾಗಿದೆ. ಮೊದಲು ಈ ಕೊಲೆ ಕೇಸ್​ನಲ್ಲಿ ನಟ ದರ್ಶನ್ ಹೆಸರು ಬರಬಾರದು ಅಂತ ಆರೋಪಿಗಳು ಪೊಲೀಸರ ಎದುರು ಡೂಪ್ಲಿಕೇಟ್ ಕಹಾನಿ ಕಟ್ಟಿದ್ದರಂತೆ.

ಇದನ್ನೂ ಓದಿ: ಕಿಡ್ನ್ಯಾಪ್​​ನಿಂದ ಹತ್ಯೆವರೆಗೂ; ನಟ ದರ್ಶನ್​​ ಗ್ಯಾಂಗ್​ ಕ್ರೌರ್ಯ ಅಷ್ಟಿಷ್ಟಲ್ಲ; ಇಲ್ಲಿದೆ 20 ಮನಕಲಕುವ ಫೋಟೋಸ್​​ 

ಪೊಲೀಸರ ಮುಂದೆ ರಾಘವೇಂದ್ರ ರೇಣುಕಾಸ್ವಾಮಿ ನನಗೆ ಎರಡೂವರೆ ಲಕ್ಷ ಹಣ ಕೊಡಬೇಕಾಗಿತ್ತು. ಅದಕ್ಕಾಗಿ ರೇಣುಕಾಸ್ವಾಮಿಯೇ ಬೆಂಗಳೂರಿನಲ್ಲಿ ಕೊಡುವುದಾಗಿ ಕರೆದುಕೊಂಡು ಬಂದಿದ್ದ. ಈ ವೇಳೆಗೆ ರಾಘವೇಂದ್ರ, ಕಾರ್ತಿಕ್, ನಿಖಿಲ್ ಕೇಶವಮೂರ್ತಿಯನ್ನ ಕರೆಸಿಕೊಂಡು ಹೋಗಿದ್ದೆ. ಈ ವೇಳೆ ಸುಮನಹಳ್ಳಿ ಜಂಕ್ಷನ್ ಬಳಿ ರೇಣುಕಾಸ್ವಾಮಿ ಹಾಗೂ ರಾಘವೇಂದ್ರ ನಡುವೆ ಗಲಾಟೆ ಆಗಿದೆ.

ಈ ಗಲಾಟೆಯಲ್ಲಿ ರೇಣುಕಾಸ್ವಾಮಿ ರಾಘವೇಂದ್ರಗೆ ಹೊಡೆದಿದ್ದ. ಆಗ ರೇಣುಕಾಸ್ವಾಮಿಯನ್ನ ರಾಘವೇಂದ್ರ ಕೆಳಕ್ಕೆ ತಳ್ಳಿದ್ದನಂತೆ. ಈ ವೇಳೆ ನಾಲ್ವರು ಸೇರಿ ರೇಣುಕಾಸ್ವಾಮಿಯ ತಲೆ ಮೇಲೆ ಕಲ್ಲು ಎತ್ತಿ ಹಾಕಿದಕ್ಕೆ ಆತ ಸಾವನ್ನಪ್ಪಿದ್ದ ಅಂತ ಹೇಳಿ ಪೊಲೀಸರ ಎದುರು ಕೊಲೆ ಸಂಬಂಧ ಆರೋಪಿಗಳು ಡೂಪ್ಲಿಕೇಟ್ ಕಥೆ ಕಟ್ಟಿ ಶರಣಾಗಿದ್ದರಂತೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ