ಕ್ರೈಮ್​ರೆಕಾರ್ಡ್ ಅನ್ನ ಕೋರ್ಟ್​ಗೆ ಸಲ್ಲಿಸಿದ ಪೊಲೀಸರು

ದರ್ಶನ್ ಸೇರಿ 17 ಜನ ನಡೆಸಿದ್ದ ಮೃಘೀಯ ವರ್ತನೆ ವರದಿ

ಜೈಲಿನಲ್ಲಿ ತಮಗಿರುವ ಅವಕಾಶದಂತೆ ಪತ್ನಿಗೆ ದರ್ಶನ್​ ಕರೆ

ದರ್ಶನ್ ಅಂಡ್ ಗ್ಯಾಂಗ್​ನ ಕ್ರೈಮ್​ ರೆಕಾರ್ಡ್​ ಅನ್ನ ಪೊಲೀಸರು ನ್ಯಾಯಾಲಯಕ್ಕೆ ಸಲ್ಲಿಸಿದ್ದಾರೆ. 85 ದಿನಗಳ ಬಳಿಕ ದೋಷಾರೋಪ ಪಟ್ಟಿಯನ್ನ ನೀಡಿದ್ದಾರೆ. ಇದೇ ವೇಳೆ ಚಾರ್ಜ್​ಶೀಟ್​ನಲ್ಲಿರೋದೇನು ಅನ್ನೋದನ್ನ ತಿಳಿಯಲು ದಾಸ ಫುಲ್ ಟೆನ್ಶನ್​ ಆಗಿದ್ದಾರೆ. ಅದನ್ನು ತಿಳಿಯೋಕೆ ಟಿ.ವಿಗಾಗಿ ಬೇಡಿಕೆ ಇಟ್ಟಿದ್ದಾರೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಬಿಗ್​ಬಾಸ್​ ಬೆಡಗಿ ಸಂಗೀತಾ ಶೃಂಗೇರಿಗೆ ಒಲಿದ ಅವಾರ್ಡ್; ಅನುಬಂಧದಲ್ಲಿ ಗಿಟ್ಟಿಸಿಕೊಂಡ ಬಿರುದೇನು?

ದರ್ಶನ್ ಸೇರಿ 17 ಮಂದಿ ನಡೆಸಿದ್ದ ಮೃಗೀಯ ವರ್ತನೆಯನ್ನ ಚಿತ್ರಗುಪ್ತನಂತೆ ಪೊಲೀಸರು ಸವಿವರವಾಗಿ ಬರೆದಿದ್ದಾರೆ. ಎಲ್ಲಾ 17 ಆರೋಪಿಗಳ ವಿರುದ್ಧ ಎಸಿಪಿ ಚಂದನ್​​​ ನೇತೃತ್ವದಲ್ಲಿ 3,991 ಪುಟಗಳ ಚಾರ್ಜ್​ಶೀಟ್ ಸಲ್ಲಿಸಿದೆ. ಈ ಬೆನ್ನಲ್ಲೇ ಪ್ರಕರಣದಲ್ಲಿ ಬಹುದೊಡ್ಡ ಬದಲಾವಣೆಯಾಗಿದೆ. ಅತ್ತ ಪೊಲೀಸರು ನ್ಯಾಯಾಲಯಕ್ಕೆ ಚಾರ್ಜ್​ಶೀಟ್​ ಸಲ್ಲಿಸುತ್ತಿದ್ದಂತೆ ದರ್ಶನ್ ಫುಲ್​ ಟೆನ್ಶನ್​ನಲ್ಲಿದ್ರು. ವಿಷಯ ತಿಳಿಯುತ್ತಿದ್ದಂತೆ ಜೈಲಿನಲ್ಲಿ ತಮಗಿರುವ ಅವಕಾಶದಂತೆ ಪತ್ನಿ ವಿಜಯಲಕ್ಷ್ಮೀಗೆ ಕರೆ ಮಾಡಿದ್ದಾರೆ. ಚಾರ್ಜ್​ಶೀಟ್​ ಸಲ್ಲಿಕೆಯ ವಿವರವನ್ನು ಕೇಳಿದ್ದಾರೆ.

ಈ ವಿಚಾರವನ್ನ ಪತ್ನಿ ಜೊತೆ ಮಾತನಾಡುತ್ತಿರುವಾಗಲೇ ಕರೆ ಅರ್ಧಕ್ಕೆ ಕಟ್ ಆಗಿದೆ. ಜೈಲಿನಿಂದ ಮಾತನಾಡಲು ಕೇವಲ 5 ನಿಮಿಷ ಮಾತ್ರ ಅವಕಾಶ ಇರೋದ್ರಿಂದ ಕಡಿತವಾಗಿದೆ. ಇದು ದರ್ಶನ್​ ಟೆನ್ಶನ್​ಗೆ ಕಾರಣವಾಗಿದೆ. ಚಾರ್ಜ್​ಶೀಟ್​ನಲ್ಲಿ ಏನಿದೆ ಅನ್ನೋದನ್ನು ತಿಳಿಯಲು ದಾಸ ಸದ್ಯ ಭಾರೀ ತಲೆಬಿಸಿ ಮಾಡಿಕೊಂಡಿದ್ದಾರೆ. ರಾತ್ರಿಯೆಲ್ಲಾ ನಿದ್ದೆ ಇಲ್ಲದೇ ಕಂಗಾಲಾಗಿದ್ದಾರೆ ಅಂತ ಮಾಹಿತಿ ಸಿಕ್ಕಿದೆ. ತನ್ನ ಕೇಸ್​ ಬಗ್ಗೆ ಮಾಹಿತಿ ತಿಳಿಯಲು ದರ್ಶನ್​ ಟಿವಿ ನೀಡುವಂತೆ ಜೈಲಧಿಕಾರಿಗಳಿಗೆ ಮನವಿ ಮಾಡಿದ್ದರು. ಇಂದು ಟಿವಿ ನೀಡುವ ಸಾಧ್ಯತೆ ಇದೆ.

ಈ ಹಿಂದೆ ಟಿವಿ ಬೇಡ ಅಂತಿದ್ದ ದಾಸ ಈಗ ತನ್ನ ಕೇಸ್​ನ ಮಾಹಿತಿ ಪಡೆಯಲು ಟಿವಿಗಾಗಿ ಬೇಡಿಕೆ ಇಟ್ಟಿದ್ದಾರೆ. ಹೀಗಾಗಿ 15ನೇ ಸೆಲ್​ನಲ್ಲಿ ಟಿವಿ ನೀಡಲು ಜೈಲಧಿಕಾರಿಗಳು ನಿರ್ಧರಿಸಿದ್ದಾರೆ. ಇತ್ತ ಈ ನಡುವೆಯೇ ಬಳ್ಳಾರಿಯ ಕೇಂದ್ರ ಜೈಲಿನಲ್ಲಿ ಮನವಿ ಮಾಡಿದಂತೆ ದರ್ಶನ್​ಗೆ ಈಗಾಗಲೇ ಸರ್ಜಿಕಲ್ ಚೇರ್​ನ್ನು ನೀಡಲಾಗಿದೆ. ಚಾರ್ಜ್​ಶೀಟ್​ ಸಲ್ಲಿಕೆ ಬೆನ್ನಲ್ಲೇ ಮೊದಲೇ ಡಿ ಗ್ಯಾಂಗ್ ದಿಕ್ಕಾಪಾಲಾಗಿದ್ದು ಈಗ ಒಬ್ಬೊಬ್ಬರಿಗೆ ಒಂದೊಂದು ತಲೆನೋವು ಶುರುವಾಗಿದೆ. ಅದರಲ್ಲೂ ಪ್ರಕರಣದ ಮೊದಲನೇ ಆರೋಪಿ ಪವಿತ್ರಾ ಗೌಡ ಏಕಾಂಗಿಯಾಗಿದ್ದಾರೆ. ಮೊದಲೇ ಜಾಮೀನು ಅರ್ಜಿ ತಿರಸ್ಕಾರವಾಗಿರುವ ತಲೆಬಿಸಿಯಲ್ಲಿರುವ ಪವಿತ್ರಾಗೆ ಇದು ಮತ್ತೊಂದು ತಲೆನೋವಿಗೆ ಕಾರಣವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ