ಕರ್ನಾಟಕದ ಜನಪ್ರಿಯ 'ಬಿಗ್ ಬಾಸ್‌' ರಿಯಾಲಿಟಿ ಶೋ

ಕನ್ನಡ 'ಬಿಗ್ ಬಾಸ್‌' ರಿಯಾಲಿಟಿ ಶೋ ಆ್ಯಂಕರ್​ ಯಾರು?

ಕಲರ್ಸ್​ ಕನ್ನಡ ಹೊಸ ಪ್ರೋಮೋದಲ್ಲಿ ಇದಕ್ಕಿದೆ ಉತ್ತರ!

ಕರ್ನಾಟಕದ ಜನಪ್ರಿಯ ‘ಬಿಗ್ ಬಾಸ್‌’ ರಿಯಾಲಿಟಿ ಶೋ ಯಾವಾಗ ಶುರು? ಎಂದು ಕಾಯುತ್ತಿರೋ ಎಲ್ಲರಿಗೂ ಗುಡ್​ನ್ಯೂಸ್​ ಸಿಕ್ಕಿದೆ. ‘ಬಿಗ್ ಬಾಸ್‌’ ಕನ್ನಡ ಸೀಸನ್ 11 ಯಾವಾಗ ಶುರು? ಯಾರೆಲ್ಲಾ ಈ ಸಲ ಸ್ಪರ್ಧಿಗಳು? ‘ಕಿಚ್ಚ’ ಸುದೀಪ್ ಅವರೇ ನಿರೂಪಣೆ ಮಾಡ್ತಾರಾ? ಹೀಗೆ ಹಲವು ಪ್ರಶ್ನೆಗಳಿದ್ದವು. ಈ ಎಲ್ಲಾದಕ್ಕೂ ಈಗ ಕಲರ್ಸ್ ಕನ್ನಡದ ಹೊಸ ಪ್ರೋಮೋ ಉತ್ತರ ನೀಡಿದೆ.

ಇದೇ ತಿಂಗಳು ಸೆಪ್ಟೆಂಬರ್ 29ರಿಂದ ‘ಬಿಗ್ ಬಾಸ್‌ ಕನ್ನಡದ ಹೊಸ ಸೀಸನ್‌ ಆರಂಭವಾಗಲಿದೆ. ಈಗಾಗಲೇ ಸ್ಪರ್ಧಿಗಳ ಆಯ್ಕೆ ವಿಚಾರವಾಗಿ ಕಲರ್ಸ್​ ಕನ್ನಡ ಕೆಲಸ ಮಾಡುತ್ತಿದೆ. ಯಾರೆಲ್ಲಾ ಶೋಗೆ ಸ್ಪರ್ಧಿಗಳಾಗಿ ಬರಲಿದ್ದಾರೆ ಎಂಬ ಒಂದೊಂದು ಅಪ್ಡೇಟ್​​ ಮುಂದಕ್ಕೆ ಸಿಗಲಿದೆ.

ಈ ಬಾರಿ ಆ್ಯಂಕರ್​ ಯಾರು?

ಈ ವರ್ಷವೂ ಬಿಗ್ ಬಾಸ್ ಕನ್ನಡ ಸೀಸನ್ 11ರ ನಿರೂಪಕರು ‘ಕಿಚ್ಚ’ ಸುದೀಪ್ ಅವರೇ ಎಂಬುದು ಪಕ್ಕಾ ಆಗಿದೆ. ಇವರ ಎಂಟ್ರಿಗಾಗಿ ವಿಶೇಷ ಪ್ರೋಮೋ ಒಂದು ಮಾಡಿದ್ದಾರೆ. ಕಲರ್ಸ್ ಕನ್ನಡ ವಾಹಿನಿ ಈ ಪ್ರೋಮೋ ಈಗ ಹಂಚಿಕೊಂಡಿದೆ. ಮಾತಿಗೆ ಮಾತು, ಸೇಡಿಗೆ ಸೇಡು, ವರ್ಷ ವರ್ಷ ಯುದ್ಧ ಮಾಡೋರು ಬದಲಾಗುತ್ತಾರೆ. ಆದರೆ ಎಲ್ಲರನ್ನೂ ನಿಯಂತ್ರಿಸುವ ಸೂತ್ರಧಾರ ಒಬ್ಬರೇ ಎಂದು ಸುದೀಪ್ ಎಂಟ್ರಿ ಆಗುತ್ತಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ