ಟಾಲಿವುಡ್​ ಖ್ಯಾತ​ ನಟ ಸೂರ್ಯನ ಬರ್ತ್​ಡೇ ದಿನದಂದು ಅವಘಡ

ನಟನ ಹುಟ್ಟುಹಬ್ಬದಂದೇ ಪ್ರಾಣ ತೆತ್ತ ಇಬ್ಬರು ಅಭಿಮಾನಿಗಳು

ಸಾವನ್ನಪ್ಪಿರುವ ಇಬ್ಬರು ಪದವಿ ಓದುತ್ತಿದ್ದ ವಿದ್ಯಾರ್ಥಿಗಳು

ನಿನ್ನೆ ಟಾಲಿವುಡ್​ ಖ್ಯಾತ​ ನಟ ಸೂರ್ಯ ಅವರ ಹುಟ್ಟುಹಬ್ಬ. ಅಂದಹಾಗೆಯೇ ಸಿನಿ ತಾರೆಯರ ಹುಟ್ಟುಹಬ್ಬವೆಂದರೆ ಅಭಿಮಾನಿಗಳಿಗೆ ಹಬ್ಬವಿದ್ದಂತೆ. ನೆಚ್ಚಿನ ನಟನ ಬರ್ತ್​ಡೇಗೆ ಫ್ಯಾನ್ಸ್​ ಎನಾದರೊಂದು ಮಾಡುತ್ತಿರುತ್ತಾರೆ. ಅದರಂತೆ ಅಭಿಮಾನಿಗಳಿಬ್ಬರು ಸೂರ್ಯನ ಹುಟ್ಟುಹಬ್ಬದ ಸಲುವಾಗಿ ಬ್ಯಾನರ್​ ಅಳವಡಿಸುವಾಗ ಕರೆಂಟ್​ ಶಾಕ್​ ಹೊಡೆದು ಸಾವನ್ನಪ್ಪಿದ್ದಾರೆ.

ಆಂಧ್ರಪ್ರದೇಶದ ಪಲ್ನಾಡು ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಜಿಲ್ಲೆಯ ಮೋಪುಲವಾರಿಪಾಲೆಂಬ ಗ್ರಾಮದ ನರಸರಾವ್​ಪೇಟೆ ಮಂಡಲದ ನಕ್ಕಾ ವೆಂಕಟೇಶ್​ ಮತ್ತು ಪೋಲೂರಿ ಸಾಯಿ ಎಂಬವರು ವಿದ್ಯುತ್​ ಸ್ಪರ್ಶದಿಂದ ಮೃತಪಟ್ಟಿದ್ದಾರೆ.

ಪೊಲೀಸರ ಪ್ರಕಾರ ನಟ ಸೂರ್ಯ ಬರ್ತ್​ಡೇ ಅಂಗವಾಗಿ ಬ್ಯಾನರ್​​​ ಅಳವಡಿಸುವಾಗ ಕರೆಂಟ್​​ ಶಾಕ್​ ಹೊಡೆದಿದೆ. ಕಬ್ಬಿಣದ ರಾಡ್​​​​​ ತಂತಿಗೆ ತಗುಲಿದಾಗ ಶಾಕ್​​ ಹೊಡೆದಿದೆ. ಇದರಿಂದಾಗಿ ಇಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಎಂದು ಹೇಳಿದ್ದಾರೆ.

ಇನ್ನು ವೆಂಕಟೇಶ್ ಮತ್ತು ಸಾಯಿ ಇಬ್ಬರು ಡಿಗ್ರಿ ವ್ಯಾಸಂಗ ಮಾಡುತ್ತಿದ್ದರು ಎಂದು ತಿಳಿದುಬಂದಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ