ಹಾಸ್ಟೆಲ್​ ಹುಡುಗರ ಸಿನಿಮಾಗೆ ಸ್ಯಾಂಡಲ್‌ವುಡ್ ಕ್ವೀನ್ ‘ಕಿರಿಕ್’

ನೋಟಿಸ್ ಜಾರಿ ಮಾಡಿ 1 ಕೋಟಿ ರೂ. ಪರಿಹಾರದ ವಾರ್ನಿಂಗ್

ಜು. 21ಕ್ಕೆ ಹಾಸ್ಟೆಲ್​ ಹುಡುಗರು ಬೇಕಾಗಿದ್ದಾರೆ ಸಿನಿಮಾ ರಿಲೀಸ್

ಸ್ಯಾಂಡಲ್‌ವುಡ್‌ನಲ್ಲಿ ಭಾರೀ ನಿರೀಕ್ಷೆ ಹುಟ್ಟು ಹಾಕಿರುವ ಹಾಸ್ಟೆಲ್​ ಹುಡುಗರು ಬೇಕಾಗಿದ್ದಾರೆ ಸಿನಿಮಾ ಇದೇ ಜುಲೈ 21ರಂದು ಭರ್ಜರಿಯಾಗಿ ತೆರೆಗೆ ಅಪ್ಪಳಿಸಲು ಸಜ್ಜಾಗಿದೆ. ಇದೀಗ ಕೊನೇ ಘಳಿಗೆಯಲ್ಲಿ ಚಿತ್ರತಂಡ ಇಕ್ಕಟ್ಟಿಗೆ ಸಿಲುಕುವಂತಾಗಿದೆ. ಹಲವು ವರ್ಷಗಳ ಗ್ಯಾಪ್​ನ ನಂತರ ಹೊಸಬರು ಸೇರಿಕೊಂಡು ನಿರ್ಮಿಸಿದ್ದ ಸಿನಿಮಾದಲ್ಲಿ ನಟಿ ರಮ್ಯಾ ಗೆಸ್ಟ್ ಅಪೀಯರೆನ್ಸ್ ಮಾಡಿದ್ದರು. ಬಹಳ ವರ್ಷಗಳ ನಂತರ ನೆಚ್ಚಿನ ನಟಿಯನ್ನು ನೋಡೋಕೆ ಅಭಿಮಾನಿಗಳು ಖುಷ್​ ಆಗಿದ್ದರು.

ಆದರೆ ಇದೀಗ ತನ್ನ ಒಪ್ಪಿಗೆ ಇಲ್ಲದೇ ಯಾವ ದೃಶ್ಯವನ್ನೂ ಬಳಸಬಾರದು ಅಂತಾ ನಟಿ ರಮ್ಯಾ ತಡೆಯಾಜ್ಞೆ ನೋಟಿಸ್​ ಕಳಿಸಿದ್ದಾರೆ. ಅನುಮತಿ ಇಲ್ಲದೆ ನನ್ನ ದೃಶ್ಯ ಬಳಸಿದರೆ 1 ಕೋಟಿ ರೂಪಾಯಿ ಪರಿಹಾರ ನೀಡಬೇಕು ಎಂದು ಸೂಚನೆ ನೀಡಿದ್ದಾರೆ. ಈ ಕುರಿತು ಕರ್ಮಷಿಯಲ್ ಕೋರ್ಟ್​ನಲ್ಲಿ ಚಿತ್ರತಂಡಕ್ಕೆ ನೋಟಿಸ್ ಜಾರಿ ಮಾಡಿದ್ದಾರೆ. ಇದು ಈಗ ಚಿತ್ರತಂಡಕ್ಕೆ ದಿಕ್ಕೇ ತೋಚದಂತೆ ಆಗಿದೆ. ಈಗ ಕೊನೆಯ ಕ್ಷಣದಲ್ಲಿ ನಟಿ ರಮ್ಯಾ ಅವರಿಂದ ಲೀಗಲ್​ ನೋಟೀಸ್​ ಬಂದಿದ್ದರಿಂದ ಚಿತ್ರತಂಡಕ್ಕೆ ಸಂಕಷ್ಟ ಎದುರಾಗಿದೆ. ಆದರೆ ನಟಿ ರಮ್ಯಾ ಅವರ ನಡೆಗೆ ಅಚ್ಚರಿ ಮೂಡಿಸಿದೆ.

ಇಷ್ಟು ದಿನ ಬರೀ ಪ್ರಮೋಷನ್​ನಲ್ಲೇ ಕಿಕ್ ಕೊಡುತ್ತಿದ್ದ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾ ಈಗ ಥಿಯೇಟರ್​ಗೆ ಬರೋಕೆ ಸಜ್ಜಾಗಿ ನಿಂತಿದೆ. ಜುಲೈ 21ಕ್ಕೆ ಬಿಗ್ ಪರದೆ ಮೇಲೆ ಹಾಸ್ಟೆಲ್ ಹೈಕ್ಳ ಹಾವಳಿ ಶುರುವಾಗಲಿದ್ದು, ಸಿನಿಪ್ರೇಕ್ಷಕರ ಕಾತುರನೂ ಜಾಸ್ತಿ ಆಗ್ತಿದೆ. ಮೊದಲ ದಿನದಿಂದಲೂ ಇಲ್ಲಿಯವರೆಗೂ ಹಲವು ಸ್ಟಾರ್​ ನಟರು ಹಾಸ್ಟೆಲ್ ಹುಡುಗರಿಗೆ ಸಾಥ್ ಕೊಟ್ಟಿದ್ದಾರೆ. ಅಪ್ಪು ಅವರಿಂದ ಶುರುವಾದ ಈ ಜರ್ನಿ ಕಿಚ್ಚ ಸುದೀಪ್, ರಕ್ಷಿತ್ ಶೆಟ್ಟಿ, ರಿಷಬ್ ಶೆಟ್ಟಿ, ರಮ್ಯಾ, ದಿಗಂತ್, ಧ್ರುವ ಸರ್ಜಾ ಅವರವರೆಗೂ ಸಾಗಿ ಬಂದಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ