ನ್ಯೂಸ್​ ಫಸ್ಟ್ ವರದಿ‌ ಬಳಿಕ ಎಚ್ಚೆತ್ತ ವಿಜಯನಗರ ಡಿಸಿ, ಶಾಸಕ ನೇಮಿರಾಜ್ ನಾಯ್ಕ್

ಹೊಸಪೇಟೆ ಕಾರ್ಮಿಕರಿಂದಲೇ ಜಲಾಶಯ ಕ್ರಸ್ಟ್‌ ಗೇಟ್​ ದುರಸ್ಥಿ ಕಾರ್ಯ ಯಶಸ್ವಿ

ಖಾಲಿಯಾಗಿ ಬಿಕೋ‌ ಎನ್ನುತ್ತಿದ್ದ ಜಲಾಶಯ ಬಗ್ಗೆ ಸುದ್ದಿ ವರದಿ ಮಾಡಿದ್ದ ನ್ಯೂಸ್ ಫಸ್ಟ್

ವಿಜಯನಗರ: ತುಂಗಭದ್ರಾ ಜಲಾಶಯದ 19ನೇ ಕ್ರಸ್ಟ್ ಗೇಟ್ ಕೊಚ್ಚಿ ಹೋಗಿ ಎಲ್ಲರ ಆತಂಕಕ್ಕೆ ಕಾರಣವಾಗಿತ್ತು. ಡ್ಯಾಂ ತಜ್ಞ ಕನ್ನಯ್ಯ ನಾಯ್ಡು ಅವರ ಸಹಾಯದಿಂದ ಅಧಿಕಾರಿಗಳು ತಾತ್ಕಾಲಿಕ ಗೇಟ್ ಕೂರಿಸುವ ಮೂಲಕ ಪೋಲಾಗುತ್ತಿರುವ ನೀರನ್ನು ತಡೆದಿದ್ದಾರೆ. ತಾತ್ಕಾಲಿಕ ಗೇಟ್​ ಅಳವಡಿಕೆ ಸಕ್ಸಸ್​ ಆದ ಬೆನ್ನಲ್ಲೇ ಕಿರು ಜಲಾಶಯದ ಕ್ರಸ್ಟ್ ಗೇಟ್ ದುರಸ್ಥಿ ಕಾರ್ಯ ಯಶಸ್ವಿಯಾಗಿದೆ.

ಇದನ್ನೂ ಓದಿ: ತುಂಗಭದ್ರಾ ಡ್ಯಾಂ ನೀರಿನ ಮಟ್ಟದಲ್ಲಿ ಭಾರೀ ಇಳಿಕೆ; ಎಷ್ಟು ಅಡಿಗೆ ಬಂದು ನಿಂತಿದೆ ಗೊತ್ತಾ..?

ಈ ಮಾಲವಿ ಜಲಾಶಯವು ವಿಜಯನಗರ ಜಿಲ್ಲೆಯ ಹಗರಿಬೊಮ್ಮನ ಹಳ್ಳಿ ತಾಲೂಕಿನಲ್ಲಿದೆ. ಈ ಹಿಂದೆ ಖಾಲಿ ಖಾಲಿಯಾಗಿ ಬಿಕೋ‌ ಎನ್ನುತ್ತಿರುವ ಜಲಾಶಯ ಅನ್ನೋ ಸುದ್ದಿಯನ್ನು ನ್ಯೂಸ್ ​ಫಸ್ಟ್ ಚಾನೆಲ್‌ ವರದಿ ಮಾಡಿತ್ತು. ಸುದ್ದಿ ಬಿತ್ತರಿಸಿದ ಬಳಿಕ ಎಚ್ಚೆತ್ತ ವಿಜಯನಗರ ಡಿಸಿ ಎಂ.ಎಸ್ ದಿವಾಕರ, ಶಾಸಕ ನೇಮಿರಾಜ್ ನಾಯ್ಕ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಇದಾದ ಬಳಿಕ ಮಾಲವಿ ಜಲಾಶಯದ ಕ್ರಸ್ಟ್ ಗೇಟ್​ನಿಂದ ಪೋಲಾಗುತ್ತಿದ್ದ ನೀರನ್ನು ತಡೆದಿದ್ದಾರೆ. ವಿಶೇಷ ಎಂದರೆ ಟಿಬಿ ‌ಡ್ಯಾಂ ದುರಸ್ಥಿ ಮಾಡಿದ ಹೊಸಪೇಟೆ ಕಾರ್ಮಿಕರಿಂದಲೇ ಈ ಮಾಲವಿ ಜಲಾಶಯ ಕ್ರಸ್ಟ್‌ ಗೇಟ್​ ದುರಸ್ಥಿ ಕಾರ್ಯ ಯಶಸ್ವಿಯಾಗಿಸಿದ್ದಾರೆ.

2.5 ಟಿಎಂಸಿ ನೀರು ಸಂಗ್ರಹ‌ ಸಾಮರ್ಥ್ಯ ಹೊಂದಿದ್ದ ಮಾಲವಿ ಜಲಾಶಯದಲ್ಲಿ ನೀರು ಸೋರಿಕೆ ತಡೆ ಹಿಡಿಯಲಾಗಿದೆ. ಸಾವಿರಾರು ಎಕರೆಗೆ ನೀರುಣಿಸೋ ಜಲಾಶಯದ 2, 4, 7 ಮತ್ತು 9 ಗೇಟ್​ಗಳಲ್ಲಿ ತಾಂತ್ರಿಕ ಸಮಸ್ಯೆಯಾಗಿತ್ತು. ಹೀಗಾಗಿ ಅಧಿಕಾರಿಗಳು ಹೊಸಪೇಟೆ ಕಾರ್ಮಿಕರಿಂದಲೇ ಕ್ರಸ್ಟ್‌ ಗೇಟ್​ ದುರಸ್ಥಿ ಕಾರ್ಯ ಯಶಸ್ವಿಯಾಗಿಸಿದ್ದಾರೆ. ಸದ್ಯ ತುಂಗಭದ್ರಾ ಜಲಾಶಯ ತುಂಬಿರೋ ಕಾರಣ ಜಾಕ್ ವೇಲ್​ ಮೂಲಕ ಮಾಲವಿ ಜಲಾಶಯಕ್ಕೆ ಹರಿದು ಬಂದಿದೆ. ಮಾಲವಿ ಜಲಾಶಯದಲ್ಲಿ ನೀರು ಸಂಗ್ರಹವಾಗಿದ್ದರಿಂದ ರೈತರ ಬೋರವೆಲ್​ಗಳಿಗೆ ಮರುಜೀವ ಬಂದಂತೆ ಆಗಿದೆ. ಖಾಲಿ ಖಾಲಿಯಾಗಿದ್ದ ಮಾಲವಿ ಜಲಾಶಯಕ್ಕೆ ನೀರಿನಿಂದ ಜೀವಕಳೆ ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ