ಕನ್ನಡದ ಫೇಮಸ್ ಱಪರ್ ಅಲೋಕ್ ಹೊಸ ಆಲ್ಬಂ ಸಾಂಗ್​​ ರಿಲೀಸ್​​

ಫ್ರೀ.. ಫ್ರೀ.. ಎಂಬ ಹೊಸ ಆಲ್ಬಂ ಸಾಂಗ್​ ಜತೆಗೆ ಅಲೋಕ್​​ ಗ್ರ್ಯಾಂಡ್​ ಎಂಟ್ರಿ

ಱಪರ್ ಅಲೋಕ್ ಹೊಸ 'ಫ್ರೀ' ಆಲ್ಬಂ ಸಾಂಗ್​​ನಲ್ಲಿ ಕ್ರೇಜಿ ಸ್ಟಾರ್​ ರವಿಚಂದ್ರನ್!

ಕನ್ನಡದ ಫೇಮಸ್ ಱಪರ್ ಅಲೋಕ್ ಅವರ ಆಲ್ಬಂ ಸಾಂಗ್ಸ್​​​ಗೆ ಜನ ಹುಚ್ಚೆದ್ದು ಕುಣಿಯುತ್ತಾರೆ. ಕುಣಿಯುವುದರ ಜೊತೆಗೆ ಪ್ರತಿ ಬಾರಿ ಪವರ್​ಫುಲ್ ಹಾಗೂ ಮಿನಿಂಗ್ ಫುಲ್ ಸಾಂಗ್ಸ್​ಗೆ ಸಿಕ್ಕಾಪಟ್ಟೆ ಕಾಯುತ್ತಾ ಇರುತ್ತಾರೆ. ವಿಭಿನ್ನತೆಗೆ ಮತ್ತೊಂದು ಹೆಸರೇ ALL OK. ಇವರ ಆಲ್ಬಂ ಸಾಂಗ್​ಗಳಿಗೆ ವಿಶೇಷ ಅಭಿಮಾನಿಗಳಿದ್ದಾರೆ. ಅದ್ಭುತವಾದ ಸಂಗೀತ ಸಂಯೋಜನೆ ಮೂಲಕ ಕಿವಿಗೆ ಇಂಪು ಕಣ್ಣೀಗೆ ತಂಪು ನೀಡುವ ALL OK ಯದ್ದೇ ಈಗ ಸದ್ದು.

ಇದೀಗ ಅಲೋಕ್ ಅವರು ಬಹಳ ದಿನಗಳ ನಂತರ ಮತ್ತೊಂದು ಆಲ್ಬಂ ಸಾಂಗ್​​ ಜೊತೆಗೆ ಬಂದಿದ್ದಾರೆ. ಫ್ರೀ.. ಫ್ರೀ.. ಫ್ರೀ.. ನೊಂದ ಮನಸ್ಸಿಗೆ ಈ ಹಾಡು ಫ್ರೀ. ಫ್ರೀ ಎಂಬ ಹೊಸ ಆಲ್ಬಂ ಸಾಂಗ್​ನ ಲಾಂಚ್​ ಮಾಡಿದ್ದು, ವೀಕ್ಷಕರ ಕಡೆಯಿಂದ ಅದ್ಭುತವಾದ ರೆಸ್ಪಾನ್ಸ್​ ಸಿಗುತ್ತಿದೆ. ಮೂಕನಾಗಬೇಕು ಜಗದೊಳು ಜ್ವಾಕ್ಯಾಗಿರಬೇಕೂ ಎಂಬ ಸಾಲಿನಿಂದ ಶುರುವಾದ ಈ ಸಾಂಗ್​​ ನೊಂದು ಬೆಂದ ಹೃದಯಗಳಿಗೆ ಮುದು ನೀಡುತ್ತಿದೆ. ಎಂದಿನಂತೆ ALL OKಯ ಇಂಪಾದ ಧ್ವನಿ.. ಜಸ್ಟ್​ ಸೂಪರ್ಬ್​.

ಇನ್ನು, ಈ ಹಾಡಿನ ಮತ್ತೊಂದು ವಿಶೇಷ ಕ್ರೇಜಿ ಸ್ಟಾರ್​ ರವಿಚಂದ್ರನ್​. ಏಕಾಂಗಿ ರೂಪದಲ್ಲಿ ಕಾಣಿಸಿಕೊಂಡಿದ್ದಾರೆ ಲವ್​ ಗುರು ಕ್ರೇಜಿಸ್ಟಾರ್​. ಬೆಂಗಳೂರು ಸೇರಿದಂತೆ ಸಿಂಗಪೂರದ ಯೂನಿರ್ವಸಲ್ ಸ್ಟುಡಿಯೋದಲ್ಲಿ ಈ ಹಾಡಿನ ಚಿತ್ರಿಕರಣ ಮಾಡಲಾಗಿದೆ. ಈ ಹಾಡು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​​ ಆಗುತ್ತಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ