ಪೊಲೀಸರನ್ನೇ ಪ್ರಶ್ನೆ ಮಾಡುತ್ತೀಯಾ ಎಂದು ಅವಾಜ್ ಹಾಕ್ತಿದ್ರು​

ಕೆಲ ಪೊಲೀಸ್​ ಠಾಣೆಯಲ್ಲಿ ಆರೋಪಿಗಳ ಮೇಲಿವೆ ಕೇಸ್​ಗಳು

ನಿರ್ಜನ ಪ್ರದೇಶದಲ್ಲಿ ಸಾಗುವ ಒಬ್ಬಂಟಿಗರೇ ಇವರ ಟಾರ್ಗೆಟ್

ಬೆಂಗಳೂರು: ಡ್ರಗ್​​ ಇನ್​ಸ್ಪೆಕ್ಟರ್​ಗಳ ಸೋಗಿನಲ್ಲಿ ಒಂಟಿಯಾಗಿ ಹೋಗುತ್ತಿದ್ದವರ ಮೊಬೈಲ್​ಗಳನ್ನ ದರೋಡೆ ಮಾಡುತ್ತಿದ್ದ ಗ್ಯಾಂಗ್ ಅನ್ನು ಆನೇಕಲ್ ತಾಲೂಕಿನ ಹೆಬ್ಬಗೋಡಿ ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ.

ಇಂದ್ರ, ಚರಣ್, ಚನ್ನಕೇಶವ, ವೆಂಕಟೇಶ ಹಾಗೂ ಬಸವರಾಜ್ ಬಂಧಿತರು. ಈ ಆರೋಪಿಗಳು ಡ್ರಗ್ಸ್ ಇನ್​ಸ್ಪೆಕ್ಟರ್​ಗಳ ಸೋಗಿನಲ್ಲಿ ಎಂಟ್ರಿ ಕೊಡುತ್ತಿದ್ದರು. ಬಳಿಕ ಒಂಟಿಯಾಗಿ ಹೋಗುತ್ತಿದ್ದವರನ್ನು ಟಾರ್ಗೆಟ್​ ಮಾಡಿ ಗಾಂಜಾ ಸೇವಿಸಿದ್ದೀರಾ ಎನ್ನುತ್ತಾ ತಪಾಸಣೆ​ ಮಾಡುತ್ತಿದ್ದರು. ಯಾರದರೂ ಎದುರು ಮಾತನಾಡಿದ್ರೆ ಪೊಲೀಸರನ್ನೇ ಪ್ರಶ್ನೆ ಮಾಡುತ್ತೀರಾ ಎಂದು ಅವಾಜ್ ಹಾಕಿ ಸುಳ್ಳು ಕೇಸ್​ ಮೇಲೆ ಅರೆಸ್ಟ್​ ಮಾಡುತ್ತೇವೆ ಎಂದು ಮೊಬೈಲ್​ ಅನ್ನು ಕಸಿದುಕೊಳ್ಳುತ್ತಿದ್ದರು.

ಬಳಿಕ ಮೊಬೈಲ್ ಚೆಕ್ ಮಾಡುವ ನೆಪದಲ್ಲಿ ಕಸಿದುಕೊಂಡು ಸ್ಟೇಷನ್​ಗೆ ಬನ್ನಿ ವಿಚಾರಣೆ ಮಾಡಬೇಕೆಂದು ಸ್ಥಳದಿಂದ ಎಸ್ಕೇಪ್ ಆಗುತ್ತಿದ್ದರು. ಬಂಧಿತ ಗ್ಯಾಂಗ್​ ಮೇಲೆ ಜಿಗಣಿ ಸೇರಿದಂತೆ ಹಲವು ಠಾಣೆಗಳಲ್ಲಿ ಈ ಮೊದಲೇ ಕೆಲ ಪ್ರಕರಣಗಳು ದಾಖಲಾಗಿವೆ. ಸದ್ಯ ಆರೋಪಿಗಳ ಪೊಲೀಸ್​ ಸೋಗನ್ನು ಕಾರ್ಯಾಚರಣೆ ಮಾಡಿ ಆನೇಕಲ್ ತಾಲೂಕಿನ ಹೆಬ್ಬಗೋಡಿ ಪೊಲೀಸರು ಬಂಧಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ