ಇಂದಿನಿಂದಲೇ ಬಹುನಿರೀಕ್ಷಿತ 2023 ಏಷ್ಯಾಕಪ್​​ ಸ್ಟಾರ್ಟ್​​

ಸೆಪ್ಟೆಂಬರ್​​ 2ಕ್ಕೆ ಟೀಂ ಇಂಡಿಯಾ, ಪಾಕಿಸ್ತಾನ ಮುಖಾಮುಖಿ

ಪಂದ್ಯಕ್ಕೆ ಮುನ್ನವೇ ಟೀಂ ಇಂಡಿಯಾಗೆ ಬಾಬರ್​ ವಾರ್ನಿಂಗ್​

ಬಹುನಿರೀಕ್ಷಿತ 2023 ಏಷ್ಯಾಕಪ್​​ ಟೂರ್ನಿ ಇಂದಿನಿಂದಲೇ ಶುರುವಾಗಿದೆ. ಹೀಗಾಗಿ ಇಡೀ ಕ್ರೀಡಾ ಜಗತ್ತೇ ಭಾರತ ಮತ್ತು ಪಾಕಿಸ್ತಾನ ಪಂದ್ಯಕ್ಕಾಗಿ ಕಾತುರದಿಂದ ಕಾಯುತ್ತಿದೆ. ಸೆಪ್ಟೆಂಬರ್​​​ 2ನೇ ತಾರೀಕು ಪಲ್ಲೆಕೆಲೆ ಮೈದಾನದಲ್ಲಿ ನಡೆಯಲಿರೋ ಈ ಬಿಗ್​ ಮ್ಯಾಚ್​​ಗಾಗಿ ಟೀಂ ಇಂಡಿಯಾ, ಪಾಕ್​​ ಆಟಗಾರರು ಭರ್ಜರಿ ತಯಾರಿ ನಡೆಸಿಕೊಂಡಿದ್ದಾರೆ.

ಟೀಂ ಇಂಡಿಯಾ ಆಟಗಾರರು ಆರು ದಿನಗಳ ತರಬೇತಿ ಶಿಬಿರದಲ್ಲಿ ಪಾಲ್ಗೊಂಡಿದ್ದಾರೆ. ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಯ ಆಲೂರು ಕ್ಯಾಂಪಸ್​​ನಲ್ಲಿ ಸೇರಿರೋ ಆಟಗಾರರು ಅಂತಿಮ ತಯಾರಿ ನಡೆಸುತ್ತಿದ್ದಾರೆ. ಈ ಮಧ್ಯೆ ಟೀಂ ಇಂಡಿಯಾಗೆ ಪಾಕ್​ ಕ್ಯಾಪ್ಟನ್​​ ಬಾಬರ್​ ಅಜಮ್​ ಎಚ್ಚರಿಕಾ ಸಂದೇಶ ರವಾನಿಸಿದ್ದಾರೆ.

ಹೌದು, ಪಾಕ್​ ಕ್ಯಾಪ್ಟನ್​​​ ಬಾಬರ್​ ಅಜಮ್​ ಬ್ಯಾಕ್​ ಟು ಬ್ಯಾಕ್​ ಸೆಂಚೂರಿ ಬಾರಿಸೋ ಮೂಲಕ ಭರ್ಜರಿ ಫಾರ್ಮ್​​ನಲ್ಲಿದ್ದಾರೆ. ಇಂದು ಮುಲ್ತಾನ್​ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನೇಪಾಳದ ವಿರುದ್ಧ ನಡೆಯುತ್ತಿರೋ ಏಷ್ಯಾಕಪ್​ ಪಂದ್ಯದಲ್ಲಿ ಬಾಬರ್​​ ಅಜಮ್​ ಶತಕ ಸಿಡಿಸಿದ್ದಾರೆ.

ನೇಪಾಳ ತಂಡದ ಬೌಲರ್ಸ್​ ಬೆಂಡೆತ್ತಿದ ಬಾಬರ್​ ಅಜಮ್​​ ಬ್ಯಾಕ್​ ಟು ಬ್ಯಾಕ್​​ ಬೌಂಡರಿ ಸಿಡಿಸಿದ್ದಾರೆ. ಬರೋಬ್ಬರಿ 13 ಫೋರ್​​, 2 ಸಿಕ್ಸರ್​ ಮೂಲಕ ಶತಕ ಬಾರಿಸಿದ್ದಾರೆ. ಸದ್ಯ ಇನ್ನೂ ಪಂದ್ಯ ನಡೆಯುತ್ತಿದ್ದು, ಬಾಬರ್​​ ಅಜೇಯ 121 ಬಾಲ್​ನಲ್ಲಿ 131 ರನ್​ ಚಚ್ಚಿದ್ದಾರೆ. ಈ ಮೂಲಕ ಮುಂದಿನ ಪಂದ್ಯದಲ್ಲಿ ಎದುರಾಗೋ ಟೀಂ ಇಂಡಿಯಾಗೆ ವಾರ್ನಿಂಗ್​​ ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ