ಈ ಬಾರಿಯ ಬಿಗ್​ಬಾಸ್​ ​ಕಾನ್ಸೆಪ್ಟ್ ಮೇಲೆಯೇ ಸಾಕಷ್ಟು ಮಂದಿ ಚಿತ್ತ

ಹೊಸ ಅಧ್ಯಾಯ ಶುರುವಾಗುವ ಮೊದಲೇ ಹಲವು ವಿಚಾರಗಳಲ್ಲಿ ಚರ್ಚೆ

ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರೋ ಹೆಸರುಗಳು ನಿಜಾನಾ?

ಇಷ್ಟು ದಿನ ಯಾವಾಗಪ್ಪಾ ಬಿಗ್​ಬಾಸ್​ ಬರುತ್ತೆ ಅಂತ ಕಾಯುತ್ತಿದ್ದ ವೀಕ್ಷಕರು ಇನ್ನೂ ಒಂದೇ ಒಂದು ದಿನದಲ್ಲಿ ಈ ಶೋ ಅಧಿಕೃತವಾಗಿ ಶುರುವಾಗಲಿದೆ. ಸೆಪ್ಟೆಂಬರ್ 29ರಂದು ಒಟ್ಟು 5 ಸ್ಪರ್ಧಿಗಳು ಬಿಗ್​ಬಾಸ್​ಗೆ ಹೋಗಲಿದ್ದಾರೆ. ವೀಕ್ಷಕರು ನೀಡುವ ವೋಟ್​ನಿಂದ ಯಾರು ಸ್ಪರ್ಗಕ್ಕೆ ಹೋಗ್ತಾರಾ? ಯಾರು ನರಕಕ್ಕೆ ಹೋಗ್ತಾರೆ ಅಂತ ಗೊತ್ತಾಗಲಿದೆ. ವಿಶೇಷ ಎಂದರೆ ರಾಜಾರಾಣಿ ಗ್ರ್ಯಾಂಡ್​ ಫಿನಾಲೆಯಲ್ಲಿ ಈ ಬಗ್ಗೆ ಅಧಿಕೃತವಾಗಿ ತಿಳಿದು ಬರಲಿದೆ.

ಇದನ್ನೂ ಓದಿ: BIGG BOSS 11: ಈ ಬಾರಿ ನರಕದ ಕ್ರೂರ ದರ್ಶನ ಪಕ್ಕಾ.. ಬಿಗ್‌ಬಾಸ್‌ ಸ್ಪರ್ಧಿಗಳ ಗತಿಯೇನು?

ಹೌದು, ಕನ್ನಡದ ಬಿಗ್​ ರಿಯಾಲಿಟಿ ಶೋ​ ಬಿಗ್​ಬಾಸ್​ ಸೀಸನ್​ 11ರ ಹೊಸ ಅಧ್ಯಾಯ ಶುರುವಾಗುವ ಮೊದಲೇ ಹಲವು ವಿಚಾರಗಳಲ್ಲಿ ಚರ್ಚೆಯಾಗ್ತಿದೆ. ಪ್ರತಿ ಸೀಸನ್​ ಸ್ಪರ್ಧಿಗಳು ಯಾರು ಇರ್ತಾರೆ ಅನ್ನೋದರ ಮೇಲೆ ವೀಕ್ಷಕರ ಚಿತ್ತ ಇರ್ತಿತ್ತು. ಬಟ್ ಈ ಬಾರಿ ಕೌತುಕ ಹೆಚ್ಚಿಸಿರೋದು ಬಿಗ್​ ಬಾಸ್​ ಕಾನ್ಸೆಪ್ಟ್​. ಈ ಬಾರಿಯ ಸೀಸನ್​ 11ರಲ್ಲಿ ಸ್ವರ್ಗ-ನರಕ ಎಂಬ ಎರಡು ಕಾನ್ಸೆಪ್ಟ್​ ಇರಲಿದೆ.

ಸೀಸನ್​ 10 ಸಮರ್ಥರು ಹಾಗೂ ಅಸಮರ್ಥರು ಎಂಬ ಕಾನ್ಸೆಪ್ಟ್​ನಲ್ಲಿ ಮಾಡಲಾಗಿತ್ತು. ಆಡಿಯನ್ಸ್​ ಕೈಗೆ ವೂಟಿಂಗ್​ ಪವರ್​ ಕೊಟ್ಟಿದ್ದರು. ಯಾರು ಬಿಗ್​​ಬಾಸ್​ ಮನೆಗೆ ಹೋಗ್ಬೇಕು? ಯಾರು ಹೋಗ್ಬಾರ್ದು ಅನ್ನೋದನ್ನ ವೀಕ್ಷಕರ ಮೂಲಕ ತಿಳಿಸಲಾಯ್ತು. ಅದರಲ್ಲಿ 80 ಪರ್ಸಂಟ್​ಕ್ಕಿಂತ ಹೆಚ್ಚು ಓಟ್​ ಬಂದವ್ರು ನೇರವಾಗಿ ಸಮರ್ಥರಾಗಿ ಮನೆಗೆ ಎಂಟ್ರಿ ಕೊಟ್ಟರೇ ವೇಟಿಂಗ್​ ಲಿಸ್ಟ್​ನಲ್ಲಿ ಉಳಿದವರು ಅಸಮರ್ಥ ಆಗಿ ಬಿಗ್​ ಬಾಸ್​ ಮನೆಗೆ ಕಾಲಿಟ್ಟಿದ್ರು. ಇದೇ ರೀತಿ ಸ್ವರ್ಗ-ನರಕ ಇರಲಿದೆ.

ಇದೇ ಭಾನುವಾರ ಬಿಗ್​ಬಾಸ್​ ಅಸಲಿ ಕಥೆ ರಿವೀಲ್​ ಆಗ್ತಿದೆ. ಈ ನಡುವೆ ಬಿಗ್​ ಮನೆಗೆ ಕಾಲಿಡೋ ಆ ಸೆಲೆಬ್ರಿಟಿಗಳು ಯಾರು? ಅನ್ನೋದು ಸದ್ಯದ ಕೌತುಕ. ಇದಕ್ಕೂ ರಾಜಾರಾಣಿ ಶೋನಲ್ಲಿ ಶನಿವಾರ ಉತ್ತರ ಸಿಗಲಿದೆ. ಆದ್ರೇ ಈಗ ಎಲ್ಲರ ಚಿತ್ತ ಇರೋದು ಆ ಪ್ರೋಮೋ ಮೇಲೆ. ಹೌದು, ಹೊಸ ಪ್ರೊಮೋ ರಿಲೀಸ್​ ಆಗಿದ್ದು, ಅದರಲ್ಲಿ ಕೆಲವು ಫೋಟೋಗಳನ್ನ ತೋರಿಸಲಾಗಿದೆ.

ಇದನ್ನೂ ಓದಿ: BBK11: ವೀಕ್ಷಕರಿಗೆ ಗುಡ್​​ನ್ಯೂಸ್​; ಇಂದು ಬಿಗ್​ ಅಪ್ಡೇಟ್​ ಹೊತ್ತು ತರ್ತಿದೆ ಬಿಗ್​ಬಾಸ್​ ತಂಡ.. ಏನದು?

ಆದರೆ ಆ ಫೋಟೋಗಳು ಅಷ್ಟೊಂದು ಸ್ಪಷ್ಟವಾಗಿಲ್ಲ. ಬ್ಲರ್​ ಆಗಿದ್ದು, ಯಾರು? ಯಾರು ಇರಬಹುದು ಆ ಸ್ಪರ್ಧಿಗಳು ಅಂತ ವೀಕ್ಷಕರಲ್ಲಿ ಕುತೂಹಲ ಹೆಚ್ಚಿಸಿದೆ. ಆ ಫೋಟೋಗಳನ್ನ ಡೀಕೋಡ್ ಮಾಡೋಕೆ ಹಲವರು ಯತ್ನಿಸಿದ್ದಾರೆ. ಆ ಬ್ಲರ್​ ಫೋಟೋಗಳಲ್ಲಿ ವೀಕ್ಷಕರು ಕೆಲವೊಂದು ಸ್ಟಾರ್​ ಸೆಲೆಬ್ರಿಟಿಗಳ ಹೆಸರನ್ನು ಗೆಸ್​ ಮಾಡಿದ್ದಾರೆ.

ನಿರ್ದೇಶಕ ಎಸ್​ ನಾರಾಯಣ ಅವರ ಮಗ ನಟ ಪಂಕಜ್, ಸತ್ಯ ಸೀರಿಯಲ್​ ಖ್ಯಾತಿಯ ನಟಿ ಗೌತಮಿ ಜಾದವ್​, ವಜ್ರಕಾಯ ಸಿನಿಮಾ ಖ್ಯಾತಿಯ ನಟಿ ನಭಾ ನಟೇಶ್​​, ಕನ್ನಡತಿ ಸೀರಿಯಲ್​ ಖ್ಯಾತಿಯ ಕಿರಣ್‌ ರಾಜ್‌, ರೀಲ್ಸ್​ ಮೂಲಕ ಖ್ಯಾತಿಯ ಪಡೆದಿರೋ ಭೂಮಿಕಾ ಬಸವರಾಜ್​, ಅಂತರಪಟ ಖ್ಯಾತಿಯ ನಟಿ ತನ್ವಿ ಬಾಲರಾಜ್​ ಈ ಬಾರಿ ಬಿಗ್‌ಬಾಸ್‌ ಹೋಗ್ತಾರೆ ಅನ್ನೋ ಪೋಸ್ಟರ್‌ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ.

ಇದಕ್ಕೆ ಮೂಲ ಕಾರಣ, ಕಲರ್ಸ್ ಕನ್ನಡದವರೇ ಬ್ಲರ್ ಮಾಡಿರೋ ಫೋಟೋಗಳು. ಸದ್ಯ ನಾಳೆ ರಾಜಾರಾಣಿ ಗ್ರ್ಯಾಂಡ್​ ಫಿನಾಲೆಯಲ್ಲಿ ಐವರು ಸ್ಪರ್ಧಿಗಳ ಹೆಸರನ್ನು ಮಾತ್ರ ರಿವೀಲ್ ಮಾಡಲಿದ್ದಾರೆ. ಅದರಲ್ಲಿ ಸ್ವರ್ಗ ಯಾರಿಗೆ ನರಕ ಯಾರಿಗೆ ಅನ್ನೋದನ್ನ ಜನರು ನೀಡುವ ವೋಟ್ ಮೂಲಕ ನಿರ್ಧಾರ ಆಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ