ವಿರುಷ್ಕಾ ಮನೆಯಲ್ಲಿ ಕಳೆಗಟ್ಟಿದ ಗೌರಿ-ಗಣೇಶ ಹಬ್ಬದ ಸಡಗರ

ವೈಟ್​ ಆ್ಯಂಡ್ ಗೋಲ್ಡ್​ ಕಲರ್ ಡ್ರೆಸ್​ನಲ್ಲಿ ಕಾಣಿಸಿದ ವಿರುಷ್ಕಾ

ಗಣೇಶನಿಗೆ ಸ್ವರ್ಗವೇ ಧರೆಗೆ ಬಂದಂತೆ ಹೂವುಗಳಿಂದ ಸಿಂಗಾರ

ಕಳೆದ ಎರಡು ದಿನಗಳಿಂದ ದೇಶದ್ಯಾಂತ ಗೌರಿ-ಗಣೇಶ ಹಬ್ಬದ ಸಡಗರ ಸಂಭ್ರಮ ಕಳೆಗಟ್ಟಿದ್ದು, ವಿಘ್ನ ವಿನಾಶಕ ವಿಘ್ನೇಶ್ವರನನ್ನು ಪ್ರತಿಷ್ಠಾಪನೆ ಮಾಡಿದ್ದಾರೆ. ಆಫೀಸ್, ಮನೆ, ರಸ್ತೆಗಳಲ್ಲಿ, ದೇವಾಲಯಗಳಲ್ಲಿ ಸೇರಿದಂತೆ ಎಲ್ಲ ಕಡೆ ಗಣೇಶನ್ನು ಕೂರಿಸಿ ಪೂಜೆ ನೆರವೇರಿಸಲಾಗುತ್ತಿದೆ. ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ದಂಪತಿ ಕೂಡ ತಮ್ಮ ನಿವಾಸದಲ್ಲಿ ಗೌರಿ-ಗಣಪತಿಯನ್ನ ಪ್ರತಿಷ್ಠಾಪನೆ ಮಾಡಿ ವೈಟ್​ ಆ್ಯಂಡ್ ಗೋಲ್ಡ್​ ಕಲರ್ ಡ್ರೆಸ್​ನಲ್ಲಿ ಸಖತ್ ಲುಕ್​ನಲ್ಲಿ ಕಾಣಿಸಿದ್ದಾರೆ.

ಏಷ್ಯಾಕಪ್​ ಗೆದ್ದ ಖುಷಿಯಲ್ಲಿರೋ ವಿರಾಟ್ ಕೊಹ್ಲಿ ಕೊಂಚ ಕ್ರಿಕೆಟ್​ನಿಂದ ಬಿಡುವು ಮಾಡಿಕೊಂಡು ಮನೆಯಲ್ಲಿ ಪತ್ನಿ ಅನುಷ್ಕಾ ಶರ್ಮಾ ಜೊತೆ ಗಣೇಶ ಚತುರ್ಥಿ ಹಬ್ಬವನ್ನು ವಿಶೇಷವಾಗಿ ಆಚರಣೆ ಮಾಡಿದ್ದಾರೆ. ಸುಂದರ ಗೌರಿ-ಗಣಪತಿಯನ್ನು ಮನೆಗೆ ತಂದು ಪ್ರತಿಷ್ಠಾಪನೆ ಮಾಡಿ ಸ್ವರ್ಗವೇ ಧರೆಗೆ ಬಂದಂತೆ ಹೂವುಗಳಿಂದ ಸಿಂಗಾರ ಮಾಡಿದ್ದಾರೆ. ಗಣಪತಿಗೆ ಇಷ್ಟವಾದಂತಹ ಸಿಹಿ ತಿನಿಸು ಹಾಗೂ ಹಣ್ಣುಗಳನ್ನಿಟ್ಟಿದ್ದಾರೆ. ಬಳಿಕ ಪತ್ನಿ ಅನುಷ್ಕಾ ಶರ್ಮಾ ಹಾಗೂ ವಿರಾಟ್​ ಜೋಡಿಯಾಗಿಯೇ ಗಣಪತಿಗೆ ಆರತಿ ಬೆಳಗಿದ್ದಾರೆ.

ಈ ಫೋಟೋಗಳನ್ನು ತಮ್ಮ ಇನ್​ಸ್ಟಾದಲ್ಲಿ ಶೇರ್ ಮಾಡಿರುವ ಬಾಲಿವುಡ್​ ಬ್ಯೂಟಿ ಅನುಷ್ಕಾ ಶರ್ಮಾ ಅವರು ಹ್ಯಾಪಿ ಗಣೇಶ್ ಚತುರ್ಥಿ ಎಂದು ಫ್ಯಾನ್ಸ್​ಗೆ ಶುಭಾಶಯ ತಿಳಿಸಿದ್ದಾರೆ. ವಿರಾಟ್ ಕೊಹ್ಲಿ ಮೈದಾನದಲ್ಲಿ ಸದಾ ಬ್ಲೂ ಜರ್ಸಿ, ಪ್ಯಾಂಟ್​ನಲ್ಲಿ ಕಾಣಿಸುತ್ತಿದ್ದವರು ಗಣೇಶ್ ಪೂಜೆ ಹಿನ್ನೆಲೆಯಲ್ಲಿ ಸಖತ್ ಆಗಿ ಮನೆ ಯಜಮಾನನಂತೆ ಕಾಣಿಸಿಕೊಂಡಿದ್ದಾರೆ. ಗೋಲ್ಡ್​ ಕಲರ್ ಚುಕ್ಕೆಗಳಿರುವ ಬಿಳಿ ಬಣ್ಣದ ಕುರ್ತಾ, ಪ್ಯಾಂಟ್ ಹಾಕಿಕೊಂಡಿದ್ದಾರೆ. ಅನುಷ್ಕಾ ಶರ್ಮಾ ಯಾವಾಗಲೂ ಟೀ ಶರ್ಟ್​, ಪ್ಯಾಂಟ್ ಧರಿಸುತ್ತಿದ್ದವರು ಹಬ್ಬದ ಹಿನ್ನೆಲೆಯಲ್ಲಿ ಗೋಲ್ಡ್​ ಕಲರ್ ಸೀರೆಯಲ್ಲಿ ಸಂಪ್ರದಾಯ ಮಹಿಳೆಯಂತೆ ಕಾಣಿಸಿಕೊಂಡಿದ್ದಾರೆ.

 

View this post on Instagram

 

A post shared by AnushkaSharma1588 (@anushkasharma)

ಗಣಪತಿಗೆ ವಿಶೇಷ ಪೂಜೆ ಸಲ್ಲಿಸಿರುವ ಈ ಸ್ಟಾರ್ ದಂಪತಿ ವಿವಿಧ ಭಂಗಿಯಲ್ಲಿ ಫೋಟೋಗೆ ಫೋಸ್ ಕೊಟ್ಟಿದ್ದಾರೆ. ಪರಿಸರಕ್ಕೆ ಹಾನಿ ಮಾಡಬಾರದು ಎಂದು ಜಾಗ್ರತೆ ವಹಿಸಿರುವ ವಿರುಷ್ಕಾ ದಂಪತಿ ಮಣ್ಣಿನ ಗಣಪತಿಯನ್ನು ಪ್ರತಿಷ್ಠಾಪನೆ ಮಾಡಿದ್ದು ವಿಶೇಷ ಎನಿಸಿದೆ. ಸದ್ಯ ಇವುಗಳನ್ನು ಅನುಷ್ಕಾ ತಮ್ಮ ಇನ್​ಸ್ಟಾದಲ್ಲಿ ಶೇರ್ ಮಾಡಿ ಶುಭಾಶಯ ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ