ಇನ್ನೂ ಬದುಕಿ ಬಾಳ ಬದುಕಬೇಕಿದ್ದ

ಅಪಘಾತದಲ್ಲಿ ಪ್ರಾಣಬಿಟ್ಟ ಕಿರಣ್​​​!

ಅಂಗಾಗ ದಾನ ಮಾಡಿ ಹೀರೋ ಆದ

ಆ ಜೀವ ಬದುಕಿ ಬಾಳಬೇಕಿತ್ತು.. ಎಲ್ಲರಂತೆ ನಗ್ತ ನಗ್ತಾ ಓಡಾಡ್ತಾ.. ಇನ್ನೇನು ಜೀವನ ಮೊದಲ ಅಧ್ಯಾಯವನ್ನ ಶುರು ಮಾಡುವಷ್ಟರಲ್ಲಿ ವಿಧಿಯಾಟವೇ ಬೇರೆಯಾಗಿತ್ತು.. ಶರುವಾಗಬೇಕಾದ ಅಧ್ಯಾಯ ಅರ್ಧದಲ್ಲೇ ನಿಂತು ಹೋಗಿತ್ತು… ಮನೆಯ ಆಧಾರ ಸ್ತಂಭ ಕುಸಿದು ಬಿತ್ತು.. ಆದ್ರೆ ಆ ಕೊನೆ ಕ್ಷಣದಲ್ಲೂ ಆ ಜೀವ ಹೊಸದೊಂದು ಅಧ್ಯಾಯವನ್ನ ಶುರು ಮಾಡಿ ಎಲ್ಲರಿಗೂ ಮಾದರಿಯಾಯ್ತು.. He is the real hero ಅನ್ನೋ ಟೈಟಲ್​ ಕೂಡ ಸಿಕ್ತು..

ಹೀಗೆ ಕುಟುಂಬದ ಜೊತೆ ನಿಂತು ‘ನಿಮ್ಮ ಜೊತೆ ನಾನಿದ್ದೇನೆ ಅಪ್ಪ, ಅಮ್ಮ’ ಅಂತ ಫೋಟೋ ಕ್ಲಿಕಿಸಿಕೊಂಡಿರೋ ಈತನೇ ನಮ್ಮ ಈ ಸ್ಟೋರಿಯ ರಿಯಲ್​​ ಹೀರೋ.. ಹೆಸರು ಕಿರಣ್,​ 21 ವರ್ಷ. ಮೂಲತಃ ಹಾಸನ ಜಿಲ್ಲೆ ಹೊಳೆನರಸೀಪುರದ ಅರಳಹಳ್ಳಿಯ ಕಿರಣ್, ಬೆಂಗಳೂರಿನ ಬಾಗಲಗುಂಟೆಯಲ್ಲಿ ಸ್ವಂತ ಉದ್ಯಮ ನಡೆಸ್ತಿದ್ದ. ದಿವಂಗತ, ಡಾಕ್ಟರ್​ ಪವರ್​ ಸ್ಟಾರ್​ ಪುನೀತ್​ ರಾಜಕುಮಾರ್​ ಅಪ್ಪಟ ಅಭಿಮಾನಿಯಾಗಿದ್ದ.. ಆದ್ರೆ ಕಳೆದ ಭಾನುವಾರ ವಿಧಿಯಾಟಕ್ಕೆ ಈ ಜೀವ ಬಲಿಯಾಗಿತ್ತು..

ಆಗಸ್ಟ್​​ 6ರಂದು ಸಂಭವಿಸಿದ ರಸ್ತೆ ಅಪಘಾತದಲ್ಲಿ ರಿಯಲ್​​ ಸ್ಟಾರ್​ ಕಿರಣ್​​ ಜೀವನ್ಮರಣ ಹೋರಾಟ ನಡೆಸ್ತಾ, ಪ್ರಕ್ರಿಯಾ ಆಸ್ಪತ್ರೆಗೆ ದಾಖಲಾಗಿದ್ದ.. ವೈದ್ಯರು ಪರೀಕ್ಷಿಸಿದಾಗ ಕಿರಣ್ ಬ್ರೈನ್ ಡೆಡ್ ಆಗಿತ್ತು… ನಾವ್​ ಮೊದಲೇ ಹೇಳಿದಂತೆ ಅಪ್ಪು ಅಪ್ಪಟ ಅಭಿಮಾನಿಯಾಗಿದ್ದ ಕಿರಣ್​ ಪವರ್ ಸ್ಟಾರ್​ ಹಾದಿಯಲ್ಲೇ ನಡೆದಿದ್ದ.. ಅವರಂತೆ ದೇಹದಾನ ಮಾಡುವುದಾಗಿ ನೋಂದಣಿ ಮಾಡಿಸಿಕೊಂಡಿದ್ದ… ವೈದ್ಯರು ಪೋಷಕರ ಸಮ್ಮತಿಯಂತೆ ಅಂಗಾಂಗದಾನ ಮಾಡಿ ಸಾವಿನಲ್ಲೂ ಸಾರ್ಥಕತೆ ಮೆರೆದಿದ್ದಾನೆ..

ಎರಡು ಕಿಡ್ನಿ, ಲಿವರ್, ಹಾರ್ಟ್, ಕಣ್ಣು ಸೇರಿ ವಿವಿಧ ಅಂಗಗಳ ದಾನ ಮಾಡಿ 6 ಜೀವವನ್ನ ಉಳಿಸಿ, ಉಸಿರು ಚೆಲ್ಲಿದ್ದಾನೆ.. ಅದೇನೇ ಇರಲಿ ಸಾವಿನಲ್ಲೂ 6 ಜೀವಕ್ಕೆ ಜೀವದಾನ ಮಾಡಿ ಹುಟ್ಟಿನ ಸಾರ್ಥಕತೆ ಮರೆದಿರೋ ಕಿರಣ್​ ಹಾಗೂ ಆತನ ಪೋಷಕರಿಗೆ ಹ್ಯಾಟ್ಸಾಪ್​​ ಹೇಳಲೇಬೇಕು.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ