ಪೂಜಾರ, ಕಿಂಗ್​​ ಕೊಹ್ಲಿಯನ್ನು ತಡೆಯಲೇಬೇಕು

ಆಸ್ಟ್ರೇಲಿಯಾಗೆ ವಾರ್ನಿಂಗ್​ ಕೊಟ್ಟ ಕ್ರಿಕೆಟ್​ ದಿಗ್ಗಜ

ಆಸೀಸ್​​ ಮಾಜಿ ನಾಯಕನಿಂದ ಖಡಕ್​​​​​ ವಾರ್ನಿಂಗ್​​

ಟೀಂ ಇಂಡಿಯಾದ ವೇಗಿಗಳಾದ ಮೊಹಮ್ಮದ್​​ ಸಿರಾಜ್​​, ಮೊಹಮ್ಮದ್​ ಶಮಿ ಆಸ್ಟ್ರೇಲಿಯಾ ತಂಡದ ಬ್ಯಾಟ್ಸ್​​ಮನ್​​ಗಳನ್ನು ಕಾಡಲಿದ್ದಾರೆ ಎಂದಿದ್ದ ಮಾಜಿ ಕ್ಯಾಪ್ಟನ್​​ ಆರೋನ್​ ಫಿಂಚ್​​ ಮತ್ತೊಂದು ಎಚ್ಚರಿಕೆ ನೀಡಿದ್ದಾರೆ. ಆಸ್ಟ್ರೇಲಿಯಾ ತಂಡದ ಬೌಲರ್​ಗಳು ಟೀಂ ಇಂಡಿಯಾದ ಈ ಇಬ್ಬರು ಸ್ಟಾರ್​ ಬ್ಯಾಟ್ಸ್​ಮನ್​ಗಳನ್ನು ಆದಷ್ಟು ಬೇಗ ಕಟ್ಟಿ ಹಾಕಬೇಕು ಎಂದಿದ್ದಾರೆ ಫಿಂಚ್​.

ಯೆಸ್​, ಈ ಬಗ್ಗೆ ಮಾತಾಡಿದ ಆರೋನ್​ ಫಿಂಚ್​, ವಿರಾಟ್​​ ಕೊಹ್ಲಿ ತನ್ನ ಕೊನೇ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ವಿರುದ್ಧ ಅತ್ಯದ್ಭುವಾದ ಶತಕ ದಾಖಲಿಸಿದ್ರು. ಇಡೀ ತಂಡದ ಒತ್ತಡವನ್ನು ತನ್ನ ಮೇಲೆ ಎಳೆದುಕೊಂಡು 186 ರನ್​ ಸಿಡಿಸಿದರು. ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಟೂರ್ನಿಯಲ್ಲೂ ಕೊಹ್ಲಿ 2 ಶತಕದೊಂದಿಗೆ 739 ರನ್​ ಕಲೆ ಹಾಕಿದ್ರು. ಉತ್ತಮ ಫಾರ್ಮ್​​ನಲ್ಲಿರೋ ಕೊಹ್ಲಿಯನ್ನು ಆಸ್ಟ್ರೇಲಿಯಾ ಬೌಲರ್ಸ್​ ಕಟ್ಟಿ ಹಾಕಲೇಬೇಕು ಎಂದರು.

ಕೇವಲ ಕೊಹ್ಲಿ ಮಾತ್ರವಲ್ಲ ಟೀಂ ಇಂಡಿಯಾದ ಬ್ಯಾಕ್​​ಬೋನ್​​ ಆದ ಚೇತೇಶ್ವರ್​​ ಪೂಜಾರ ಅವರನ್ನು ಕೂಡ ಬೇಗ ಔಟ್​ ಮಾಡಲೇಬೇಕು. ಕೊಹ್ಲಿ, ಪೂಜಾರವನ್ನು ಕಟ್ಟಿ ಹಾಕದೆ ಹೋದರೆ ಆಸ್ಟ್ರೇಲಿಯಾ ತಂಡಕ್ಕೆ ಫೈನಲ್ಸ್​ ಗೆಲ್ಲುವುದು ಕಷ್ಟವಾಗಲಿದೆ ಎಂದು ಹೇಳಿದರು.

ಚೇತೇಶ್ವರ್​ ಪೂಜಾರ ಇತ್ತೀಚೆಗೆ ಇಂಗ್ಲೀಷ್​​ ಕೌಂಟಿ ಚಾಂಪಿಯನ್​ಶೀಪ್​​ನಲ್ಲಿ ಅತೀ ಹೆಚ್ಚು ಪಂದ್ಯಗಳನ್ನು ಆಡಿದ್ದಾರೆ. ಕಳೆದ ಏಪ್ರಿಲ್​ನಲ್ಲಿ 8 ಇನ್ನಿಂಗ್ಸ್​​ ಆಡಿರೋ ಪೂಜಾರ ಸಖತ್​ ಫಾರ್ಮ್​ನಲ್ಲಿದ್ದಾರೆ ಎಂದು ಎಚ್ಚರಿಸಿದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನಿಮ್ಮ ನ್ಯೂಸ್‌ ಫಸ್ಟ್‌ ಚಾನೆಲ್‌ನಲ್ಲಿ