ಬಾಹುಬಲಿ ಪ್ರಭಾಸ್​ರನ್ನು ಜೋಕರ್ ಎಂದ ಬಾಲಿವುಡ್ ಆ ನಟ

ಕಲ್ಕಿ ಸಿನಿಮಾದ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡುವಾಗ ಹೇಳಿಕೆ

ಸಾಮಾಜಿಕ ಜಾಲತಾಣಗಳಲ್ಲಿ ನಟನ ಹೇಳಿಕೆಗೆ ಪರ-ವಿರೋಧದ ವಾದ

ಮುಂಬೈ: ಬಾಲಿವುಡ್ ನಟ ಅರ್ಷದ್ ವಾರ್ಸಿ ಟಾಲಿವುಡ್ ನಟ ಪ್ರಭಾಸ್ ಬಗ್ಗೆ ಕೇವಲವಾಗಿ ಮಾತನಾಡಿದ್ದಾರೆ. ಪ್ರಭಾಸ್​ರನ್ನು ಜೋಕರ್ ಅನ್ನುವ ಮೂಲಕ ಹೊಸ ವಿವಾದವೊಂದನ್ನ ಎಬ್ಬಿಸಿದ್ದಾರೆ. ಪ್ರಭಾಸ್​ರನ್ನ ಜೋಕರ್ ಅಂತ ಅರ್ಷದ್ ವಾರ್ಸಿ ಕರೆದಿದ್ದು, ಕಲ್ಕಿ 2898 ಎಡಿ ಸಿನಿಮಾದ ವಿಚಾರವಾಗಿ ಇತ್ತೀಚೆಗೆ ನಡೆದ ಒಂದು ಸಂದರ್ಶನದಲ್ಲಿ ಅರ್ಷದ್ ವಾರ್ಸಿ ಈ ಮಾತನಾಡಿದ್ದಾರೆ.

ಇದನ್ನೂ ಓದಿ: ಮಲಯಾಳಂ ಖ್ಯಾತ ನಟ ಆಸ್ಪತ್ರೆಗೆ ದಾಖಲು; ಮೋಹನ್​ ಲಾಲ್​​ ಆರೋಗ್ಯಕ್ಕೆ ಏನಾಯ್ತು?

ಅಮಿತಾಬ್ ಬಚ್ಚನ್ ಅವರ ಅಶ್ವತ್ಥಾಮ ಪಾತ್ರವನ್ನು ಹಾಡಿ ಹೊಗಳಿದ ಅರ್ಷದ್ ವಾರ್ಸಿ, ಪ್ರಭಾಸ್ ಪಾತ್ರವನ್ನು ಲೇವಡಿ ಮಾಡಿದ್ದಾರೆ. ನನಗೆ ಪ್ರಭಾಸ್ ಪಾತ್ರ ಅಷ್ಟೊಂದು ಇಂಪ್ರೆಸ್ ಮಾಡಲಿಲ್ಲ, ಪ್ರಭಾಸ್ ನನ್ನ ಪ್ರಕಾರ ಮೆಲ್ ಗಿಬ್ಸನ್​ಗಿಂತ ಹೆಚ್ಚು ಸ್ಟೈಲಿಶ್ ಆಗಿ ಕಾಣಿಸಿಕೊಳ್ಳಬಹುದಿತ್ತು. ಪ್ರಭಾಸ್​ರನ್ನು ಆ ರೀತಿಯಾಗಿ ಯಾಕೆ ತೋರಿಸಿದರೋ ಅರ್ಥವಾಗಲಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ಸ್ಟಾರ್​ ಹೀರೋಯಿನ್​​ ಜೊತೆ ಸಿಕ್ಕಿಬಿದ್ದ ಉದ್ಯಮಿ ನಿಖಿಲ್​ ಕಾಮತ್​.. ಇಬ್ಬರ ಮಧ್ಯೆ ಕುಚ್​ ಕುಚ್!

ಪ್ರಭಾಸ್ ನಿಜವಾಗಿಯೂ ನನಗೆ ಬೇಸರವಿದೆ, ಯಾಕೆ ಅವರನ್ನು ಜೋಕರ್ ತರ ಮಾಡಿದ್ರು. ಅವರನ್ನ ನಾನು ಮ್ಯಾಡ್ ಮ್ಯಾಕ್ಸರ್ ನೋಡಲು ಇಷ್ಟ ಪಡುತ್ತೇನೆ. ಆದ್ರೆ ಪ್ರಭಾಸ್​ರನ್ನು ಕಲ್ಕಿ ಚಿತ್ರದಲ್ಲಿ ಹೇಗೇಗೋ ತೋರಿಸಿಬಿಟ್ಟಿದ್ದಾರೆ. ಅಮಿತಾಬ್ ಬಚ್ಚನ್ ಅವರ ಪಾತ್ರವನ್ನು ಹಾಡಿ ಹೊಗಳಿದ ಅರ್ಷದ್ ವಾರ್ಸಿ. ಈ ಸಿನಿಮಾದಲ್ಲಿ ಕಮಲ್ ಹಾಸನ್ ಹಾಗೂ ಅಮಿತಾಬ್ ಬಚ್ಚನ್​ರಂತಹ ಲೆಜೆಂಡ್​ಗಳು ಅಭಿನಯಿಸಿದ್ದಾರೆ. ಅದರಲ್ಲಿ ಅಮಿತಾಬ್ ಅವರ ನಟನೆ ನಂಬಲು ಅಸಾಧ್ಯವಾದಂತಹ ನಟನೆ. ಅವರಲ್ಲಿ ಇರುವ ಪ್ರತಿಭೆ ಒಂದಂಶದಷ್ಟು ನನಗೆ ಬಂದ್ರೆ ನನ್ನ ಬದುಕೇ ಬದಲಾಗುತ್ತಿತ್ತು ಎಂದಿದ್ದಾರೆ. ಪ್ರಭಾಸ್​ರನ್ನು ಜೋಕರ್ ಅಂದಿದ್ದಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಪರ ವಿರೋಧದ ವಾದಗಳು ಈಗಾಗಲೇ ಶುರುವಾಗಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ