ಚೆನ್ನೈ ಮೈದಾನದಲ್ಲಿ ಅಪ್ಪ, ಮಗನ ಬಾಂಧವ್ಯ ಹೇಗಿತ್ತು ಗೊತ್ತಾ?

ಸೆಂಚುರಿ ಮಾತ್ರವಲ್ಲ, ಈ ಸಾಧನೆಯನ್ನ ಮಾಡಿದ್ದಾರೆ R ಅಶ್ವಿನ್

ತಂದೆ ಮುಂದೆ ರವಿಚಂದ್ರನ್ ಅಶ್ವಿನ್ ಭಾರೀ ಸಾಧನೆಗಳೇನು?

ಚೆನ್ನೈನ ಎಂ.ಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಬಾಂಗ್ಲಾದೇಶ ವಿರುದ್ಧದ ಮೊದಲ ಟೆಸ್ಟ್​​ ಪಂದ್ಯದಲ್ಲಿ ಸ್ಟಾರ್ ಆಲ್​ರೌಂಡರ್ ಆರ್​​​. ಅಶ್ವಿನ್ ಅವರು ಅಮೋಘ ಪ್ರದರ್ಶನ ನೀಡಿದ್ದಾರೆ. ಅಶ್ವಿನ್ ಅವರ ಅದ್ಭುತವಾದ ಬ್ಯಾಟಿಂಗ್ ಹಾಗೂ ಬೌಲಿಂಗ್​ನಿಂದ ಟೀಮ್ ಇಂಡಿಯಾ 280 ರನ್​ಗಳ ಅಂತರದಿಂದ ಗೆಲುವು ಸಾಧಿಸಿದೆ. ಈ ಎಲ್ಲದರ ಮಧ್ಯೆ ಅಶ್ವಿನ್​ಗೆ ಈ ಪಂದ್ಯ ಭಾವನಾತ್ಮಕವಾಗಿ ಕೂಡಿತ್ತು ಎನ್ನುವುದು ಇಲ್ಲಿ ನೆನಪಿಸಿಕೊಳ್ಳಬೇಕು.

ಆರ್​.ಅಶ್ವಿನ್ ಅವರ ತವರೂರಾದ ಚೆನ್ನೈನಲ್ಲೇ ಟೆಸ್ಟ್​ ಪಂದ್ಯ ನಡೆದಿದ್ದರಿಂದ ಅವರ ಫ್ಯಾಮಿಲಿ ಪಂದ್ಯ ವೀಕ್ಷಣೆಗೆ ಸ್ಟೇಡಿಯಂಗೆ ಆಗಮಿಸಿತ್ತು. ಮ್ಯಾಚ್ ನೋಡಲು ತಂದೆ ಸ್ಟೇಡಿಯಂಗೆ ಬಂದಾಗ ಮಗ ಸೆಂಚುರಿ ಜೊತೆಗೆ 6 ವಿಕೆಟ್​ ಪಡೆದು ಪಂದ್ಯದ ಗೆಲುವಿಗೆ ಮುಖ್ಯ ಕಾರಣವಾಗಿದ್ದಾರೆ ಎಂದರೆ ಆ ಸಂತಸ, ಆ ಭಾವನಾತ್ಮಕತೆ ಇನ್ನು ಎಲ್ಲಿಯು ಇರುವುದಿಲ್ಲ. ಇಂತಹ ಸಂದರ್ಭಕ್ಕೆ ಸಾಕ್ಷಿ ಆಗಿದ್ದು ಆರ್​.ಅಶ್ವಿನ್ ಹಾಗೂ ಅವರ ತಂದೆ ರವಿಚಂದ್ರನ್. ಅಪ್ಪನ ಮುಂದೆ ಮಗ ಶತಕ ಸಿಡಿಸುವ ಅದೃಷ್ಟ ಕೋಟಿಗೊಬ್ಬ ಆಟಗಾರನಿಗೆ ಸಿಗಬಹುದು ಎಂದು ಹೇಳಬಹುದು.

ಇದನ್ನೂ ಓದಿ: ಬಾಂಗ್ಲಾಗೆ ಚಮಕ್ ಕೊಟ್ಟ R ಅಶ್ವಿನ್, ಜಡೇಜಾ.. ಟೀಮ್ ಇಂಡಿಯಾಗೆ ಭರ್ಜರಿ ಗೆಲುವು

ಬಾಂಗ್ಲಾದೇಶದ ವಿರುದ್ಧ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಟೀಮ್ ಇಂಡಿಯಾ ಭರ್ಜರಿ ಗೆಲುವು ಸಾಧಿಸುತ್ತಿದ್ದಂತೆ ಆರ್ ಅಶ್ವಿನ್ ಅವರು ತಂದೆಯನ್ನು ಅಪ್ಪಿಕೊಂಡು ಕಣ್ಣೀರು ಹಾಕಿದ್ದಾರೆ. ಇಬ್ಬರ ನಡುವೆ ಬಾಂಧವ್ಯ ನೋಡುಗರನ್ನು ಬೆರಗುಗೊಳಿಸಿತು. ಈ ಪಂದ್ಯದಲ್ಲಿ ಅಶ್ವಿನ್ ಮ್ಯಾನ್​ ಆಫ್​ ದೀ ಮ್ಯಾಚ್ ಪ್ರಶಸ್ತಿ ಕೂಡ ಪಡೆದುಕೊಂಡರು. ಅಲ್ಲದೇ ಅಶ್ವಿನ್ ಅವರ ಹೆಂಡತಿ ಹಾಗೂ ಮಕ್ಕಳು ಕೂಡ ಸ್ಟೇಡಿಯಂನಲ್ಲಿ ಕಾಣಿಸಿಕೊಂಡರು. ಪಂದ್ಯ ಗೆದ್ದಾಗ ಎಲ್ಲರೂ ಚಪ್ಪಾಳೆ ತಟ್ಟಿ ಸಂಭ್ರಮಿಸಿದರು.

ಈ ಪಂದ್ಯದಲ್ಲಿ ಆರ್ ಅಶ್ವಿನ್ ಅವರು ಮೊದಲ ಇನ್ನಿಂಗ್ಸ್​​ನಲ್ಲಿ 133 ಎಸೆತಗಳಲ್ಲಿ 11 ಬೌಂಡರಿ, 2 ಸಿಕ್ಸರ್ ಸಮೇತ 113 ರನ್​ಗಳನ್ನು ಗಳಿಸಿದ್ದರು. ಆದರೆ ಬೌಲಿಂಗ್​​ನಲ್ಲಿ ಯಾವುದೇ ವಿಕೆಟ್ ಪಡೆಯಲಾಗಲಿಲ್ಲ. ಇನ್ನು 2ನೇ ಇನ್ನಿಂಗ್ಸ್​​ನಲ್ಲಿ ಭಾರತ ಡಿಕ್ಲೇರ್ ಮಾಡಿಕೊಂಡಿದ್ದರಿಂದ ಅಶ್ವಿನ್​ಗೆ ಬ್ಯಾಟಿಂಗ್ ಸಿಗಲಿಲ್ಲ. ಆದರೆ ಬೌಲಿಂಗ್​​ನಲ್ಲಿ ಪರಾಕ್ರಮ ಮೆರೆದ ಚೆನ್ನೈ ಎಕ್ಸ್​​ಪ್ರೆಸ್​ 21 ಓವರ್​​​ಗಳಲ್ಲಿ 88 ರನ್​ ನೀಡಿ 6 ವಿಕೆಟ್​​ಗಳನ್ನು ಕಿತ್ತು ಸಾಧನೆ ಮಾಡಿದರು.

ಇದನ್ನೂ ಓದಿ: ಬಾಂಗ್ಲಾಗೆ ಡಿಚ್ಚಿಕೊಟ್ಟ R ಅಶ್ವಿನ್.. ಇತಿಹಾಸ ನೆನಪಿಸಿದ ಸ್ಟಾರ್ ಆಲ್​​ರೌಂಡರ್..!​ ಏನದು

ಆರ್ ಅಶ್ವಿನ್ ಸಾಧನೆ ಏನೇನು..?

• ಅನಿಲ್ ಕುಂಬ್ಳೆ ನಂತರ ಅತಿ ಹೆಚ್ಚು ವಿಕೆಟ್ ಪಡೆದ ಭಾರತದ ಆಟಗಾರ
• 101 ಪಂದ್ಯಗಳಿಂದ ಒಟ್ಟು 520 ವಿಕೆಟ್​ಗಳನ್ನು ಅಶ್ವಿನ್ ಪಡೆದಿದ್ದಾರೆ.
• 5 ವಿಕೆಟ್​​ಗಳ ಗೊಂಚಲು ಪಡೆದು ಹಿರಿಯ ಆಟಗಾರ (38 ವರ್ಷಗಳು)
• ಆಸಿಸ್​​ನ ಶೇನ್ ವಾರ್ನ್ 37 ಬಾರಿ 5 ವಿಕೆಟ್ ಗೊಂಚಲು ಪಡೆದಿದ್ದಾರೆ
• ಆರ್ ಅಶ್ವಿನ್ ಕೂಡ 37 ಬಾರಿ 5 ವಿಕೆಟ್ ಗೊಂಚಲು ಪಡೆದು ಸಾಧನೆ ಮಾಡಿದ್ದಾರೆ
• 5 ವಿಕೆಟ್​​ಗಳ ಗೊಂಚಲು ಪಡೆಯುವಲ್ಲಿ ರಿಚರ್ಡ್​ ಹಾಡ್ಲಿ ದಾಖಲೆ ಬ್ರೇಕ್ ಮಾಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ